ਪੰਥਕ ਜੁਗਤਿ ਅਧੀਨ ਸਿਧਾਂਤਕ ਨਿਰਣੈ ਲਏ ਬਗ਼ੈਰ ਸਿੱਖਾਂ ਦੇ ਮਤਭੇਦ ਨਹੀਂ ਘੱਟ ਸਕਦੇ : ਜਾਚਕ
Published : Jun 19, 2020, 8:24 am IST
Updated : Jun 19, 2020, 8:33 am IST
SHARE ARTICLE
Giani Jagtar Singh Jachak
Giani Jagtar Singh Jachak

ਮਾਤਾ ਸੁੰਦਰੀ ਗੁਰਮਤਿ ਕਾਲਜ ਦਿੱਲੀ ਦੇ ਚੇਅਰਮੈਨ ਪ੍ਰੋ. ਹਰਿੰਦਰਪਾਲ ਸਿੰਘ ਨਾਲ ਹੋਈ ਗੁੰਡਾਗਰਦੀ ਦਾ ਵਰਨਣ ....

ਕੋਟਕਪੂਰਾ: ਮਾਤਾ ਸੁੰਦਰੀ ਗੁਰਮਤਿ ਕਾਲਜ ਦਿੱਲੀ ਦੇ ਚੇਅਰਮੈਨ ਪ੍ਰੋ. ਹਰਿੰਦਰਪਾਲ ਸਿੰਘ ਨਾਲ ਹੋਈ ਗੁੰਡਾਗਰਦੀ ਦਾ ਵਰਨਣ ਕਰਦਿਆਂ 'ਰੋਜ਼ਾਨਾ ਸਪੋਕਸਮੈਨ' ਨੇ ਕੌਮੀ ਦਰਦ ਦਾ ਇੰਝ ਪ੍ਰਗਟਾਵਾ ਕੀਤਾ ਹੈ ਕਿ 'ਕੋਰੋਨਾ' ਵਰਗੀ ਸੰਸਾਰ ਵਿਆਪੀ ਮਹਾਂਮਾਰੀ ਦਰਮਿਆਨ ਵੀ ਸਿੱਖਾਂ ਦੇ ਮਤਭੇਦ ਘਟਣ ਦੀ ਥਾਂ ਵੱਧ ਰਹੇ ਹਨ। ਮੇਰਾ ਖ਼ਿਆਲ ਹੈ ਕਿ ਅਜਿਹੇ ਮਤਭੇਦ ਤਦ ਤਕ ਨਹੀਂ ਘੱਟ ਸਕਦੇ, ਜਦ ਤਕ ਅਕਾਲ ਤਖ਼ਤ ਸਾਹਿਬ ਤੋਂ ਪੰਥਕ ਜੁਗਤਿ ਅਧੀਨ ਉਭਰਵੇਂ ਕੌਮੀ ਤੇ ਵਿਚਾਰਧਾਰਕ ਮਸਲਿਆਂ ਸਬੰਧੀ ਸਪੱਸ਼ਟ ਸਿਧਾਂਤਕ ਨਿਰਣੈ ਕਰ ਕੇ ਐਲਾਨੇ ਨਹੀਂ ਜਾਂਦੇ,

Giani Jagtar Singh Jachak Giani Jagtar Singh Jachak

ਜੇਕਰ ਸਾਡੇ ਧਾਰਮਕ ਆਗੂਆਂ ਨੇ ਰਾਜਨੀਤਕ ਪ੍ਰਭਾਵ ਕਬੂਲਦਿਆਂ ਹੋਰ ਢਿੱਲਮਠ ਵਿਖਾਈ ਤਾਂ ਉਪਰੋਕਤ ਕਿਸਮ ਦੀ ਕਰਮਕਾਂਡੀ ਤੇ ਰੂੜੀਵਾਦੀ ਸੋਚ ਗੁਰਮਤਿ ਦੇ ਸਿਧਾਂਤਕ ਪ੍ਰਚਾਰ ਤੇ ਪ੍ਰਸਾਰ ਲਈ ਬਹੁਤ ਵੱਡੀ ਰੁਕਾਵਟ ਬਣ ਸਕਦੀ ਹੈ। ਉਕਤ ਸ਼ਬਦਾਂ ਦਾ ਪ੍ਰਗਟਾਵਾ ਕਰਦਿਆਂ ਅੰਤਰਰਾਸ਼ਟਰੀ ਸਿੱਖ ਪ੍ਰਚਾਰਕ ਗਿਆਨੀ ਜਗਤਾਰ ਸਿੰਘ ਜਾਚਕ ਨੇ ਸਪੱਸ਼ਟ ਕੀਤਾ ਕਿ ਪ੍ਰੋ. ਹਰਿੰਦਰਪਾਲ ਸਿੰਘ ਦਿੱਲੀ ਵਲੋਂ ਪ੍ਰਗਟਾਏ ਵਿਚਾਰ 100 ਫ਼ੀ ਸਦੀ ਗੁਰਮਤਿ ਅਨੁਸਾਰੀ ਹਨ, ਕਿਉਂਕਿ ਸਿੱਖੀ 'ਚ ਸਰੀਰਕ ਅਰੋਗਤਾ ਲਈ ਦੁਆ (ਅਰਦਾਸ) ਤੇ ਦਵਾ-ਦਾਰੂ ਦਾ ਸੁਮੇਲ ਹੀ ਸੁਖਦਾਈ ਸਾਧਨ ਹੈ।

Giani Jagtar Singh JachakGiani Jagtar Singh Jachak

ਇਸ ਕਰ ਕੇ ਗੁਰੂ-ਕਾਲ ਤੋਂ ਹੀ ਗੁਰਦੁਆਰਾ ਸਾਹਿਬਾਨ ਨਾਲ ਹਸਪਤਾਲ (ਦਵਾਖ਼ਾਨੇ) ਬਣਾਏ ਜਾਂਦੇ ਰਹੇ ਹਨ। “ਸਰਬ ਰੋਗ ਕਾ ਅਉਖਦੁ ਨਾਮੁ'' ਦਾ ਇਹ ਭਾਵ-ਅਰਥ ਨਹੀਂ ਕਿ ਗੁਰਬਾਣੀ ਦਾ ਪਾਠ ਕਰਨ ਵਾਲੇ ਨੂੰ ਅਥਵਾ ਨਾਮ-ਸਿਮਰਨ ਵਾਲੇ ਨੂੰ ਦਵਾਈ ਦੀ ਲੋੜ ਨਹੀਂ। ਇਸ ਵਾਕ ਦਾ ਅਸਲ ਭਾਵ ਹੈ ਕਿ ਜੇ ਕਿਸੇ ਰਸਾਇਣਕ ਪਦਾਰਥ ਜਾਂ ਜੜ੍ਹੀ-ਬੂਟੀ 'ਚ ਕੋਈ ਰੋਗ-ਨਾਸ਼ਕ ਸ਼ਕਤੀ ਹੈ ਤਾਂ ਉਹ ਸਰਬ-ਵਿਆਪਕ ਰੱਬੀ ਨਾਮ ਦੀ ਹੈ

Giani Jagtar Singh Jachak Giani Jagtar Singh Jachak

ਜਿਸ ਦਾ ਇਕ ਵਿਸ਼ੇਸ਼ ਗੁਣ 'ਦੁੱਖ-ਭੰਜਨ ਵੀ ਹੈ। ਇਸ ਲਈ ਜੇਕਰ ਕਿਸੇ ਦਵਾ-ਦਾਰੂ ਨਾਲ ਰੋਗ ਦੂਰ ਹੁੰਦਾ ਹੈ ਤਾਂ ਵੀ ਸਾਨੂੰ ਅਕਾਲ ਪੁਰਖ ਦਾ ਸ਼ੁਕਰਾਨਾ ਕਰਦਿਆਂ ਇਹੀ ਗਾਉਣਾ ਚਾਹੀਦਾ ਹੈ ''ਦੁਖ ਭੰਜਨੁ ਤੇਰਾ ਨਾਮੁ ਜੀ, ਦੁਖ ਭੰਜਨੁ ਤੇਰਾ ਨਾਮੁ||'' ਅਕਾਲੀ ਸਿੱਖ ਗੁਰਦੁਆਰਾ' ਵੈਨਕੂਵਰ ਦੇ ਮੁੱਖ ਗ੍ਰੰਥੀ ਗਿ. ਜਸਬੀਰ ਸਿੰਘ ਨੇ ਆਖਿਆ ਕਿ ਕਿਸੇ ਵੀ ਵਿਚਾਰਧਾਰਕ ਮਸਲੇ ਦੀ ਸਪੱਸ਼ਟਤਾ ਲਈ ਸਹਿਜਮਈ ਤੇ ਉਸਾਰੂ ਵਿਚਾਰ ਚਰਚਾ ਨੂੰ ਤਾਂ ਸਿੱਖੀ 'ਚ ਪ੍ਰਵਾਨ ਕੀਤਾ ਗਿਆ ਹੈ

Giani Jagtar Singh JachakGiani Jagtar Singh Jachak

ਪਰ ਝਗੜਾਲੂ ਤਕਰਾਰ 'ਤੇ ਕੁਚਰਚਾ ਨੂੰ ਇਥੇ ਕੋਈ ਥਾਂ ਨਹੀਂ। ਉਨ੍ਹਾਂ ਵੀ ਸਵਾਲ ਖੜਾ ਕੀਤਾ ਕਿ ਜੇ ਗੁਰਧਾਮਾਂ ਨਾਲ ਸਬੰਧਤ ਸਰੋਵਰਾਂ, ਬਉਲੀਆਂ ਤੇ ਚਉਬੱਚਿਆਂ ਦੇ ਜਲ ਨੂੰ ਅੰਮ੍ਰਿਤ ਮੰਨ ਕੇ ਚੁੱਲੇ ਲੈਣਾ ਹੀ ਸਿੱਖੀ ਹੈ ਤਾਂ ਫਿਰ ਸਿੱਖ ਰਹਿਤ ਮਰਿਆਦਾ ਅੰਦਰਲੀ 'ਅੰਮ੍ਰਿਤ-ਸੰਸਕਾਰ' ਦੀ ਵਿਧੀ ਅਪਣਾਉਣ ਦੀ ਕੀ ਲੋੜ ਹੈ?

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook  ਤੇ ਲਾਈਕ Twitter  ਤੇ follow  ਕਰੋ।

Location: India, Punjab

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ

ਸਬੰਧਤ ਖ਼ਬਰਾਂ

Advertisement

Punjab Flood News : Sutlej River ਦੇ ਪਾਣੀ ਨੇ ਡੋਬੇ ਸੈਂਕੜੇ ਪਿੰਡ, 'ਕੋਠੀਆਂ ਟੁੱਟ-ਟੁੱਟ ਪਾਣੀ 'ਚ ਡਿੱਗ ਰਹੀਆਂ'

01 Sep 2025 3:21 PM

Punjab Flood : ਮਿੰਟਾਂ-ਸਕਿੰਟਾਂ 'ਚ ਤੋੜ ਦਿੱਤਾ ਧੁੱਸੀ ਬੰਨ੍ਹ, ਹੜ੍ਹ ਦੀ ਤਬਾਹੀ ਦੇਖ ਕੇ ਬਜ਼ੁਰਗ ਫੁੱਟ-ਫੁੱਟ ਰੋਇਆ

01 Sep 2025 3:20 PM

Punjab Flood Emotional Video : ਮੀਂਹ ਨਾਲ ਚੋਂਦੀ ਛੱਤ ਥੱਲੇ ਬੈਠੀ ਬਜ਼ੁਰਗ ਮਾਤਾ, ਹਾਲਾਤ ਦੱਸਦਿਆਂ ਰੋ ਪਈ

29 Aug 2025 3:12 PM

Flood News : Madhopur ਹੈੱਡ ਵਰਕਸ ਦੇ ਕਿਉਂ ਟੁੱਟੇ Flood Gate? ਹੁਣ ਕਿੰਝ ਕਾਬੂ ਹੋਵੇਗਾ Ravi River ਦਾ ਪਾਣੀ ?

29 Aug 2025 3:11 PM

kartik baggan murder Case : ਦੇਖੋ ਕਿਵੇਂ ਕੀਤਾ ਗਿਆ Ludhiana Influencer Kartik Baggan ਦਾ murder

28 Aug 2025 2:56 PM
Advertisement