R.Madhavan's 48th birthday

ਮੁੰਬਈ : ਬਾਲੀਵੁਡ ਦੇ ਵਧੀਆ ਅਦਾਕਾਰ ਵਿਚੋਂ ਇਕ ਆਰ. ਮਾਧਵਨ ਨਾ ਸਿਰਫ਼ ਇਕ ਚੰਗੇ ਕਲਾਕਾਰ ਹਨ ਸਗੋਂ ਉਨ੍ਹਾਂ ਨੇ ਭਾਰਤੀ ਸਿਨੇਮਾ ਵਿਚ ਬਤੌਰ ਲੇਖਕ ਅਤੇ ਨਿਰਮਾਤਾ ਦੇ ਰੂਪ ਵਿਚ ਵੀ ਕੰਮ ਕੀਤਾ ਹੈ। ਅੱਜ ਉਨ੍ਹਾਂ ਦਾ ਜਨਮਦਿਨ ਹੈ। ਲੱਖਾਂ ਦਿਲਾਂ 'ਤੇ ਰਾਜ ਕਰਨ ਵਾਲੇ ਮਾਧਵਨ ਅੱਜ 48 ਸਾਲ ਦੇ ਹੋ ਗਏ ਹਨ। ਮਾਧਵਨ ਦਾ ਜਨਮ 1 ਜੂਨ ਨੂੰ ਜਮਸ਼ੇਦਪੁਰ ਵਿਚ ਹੋਇਆ ਸੀ। ਉਨ੍ਹਾਂ ਦੇ ਪਿਤਾ ਰੰਗਨਾਥਨ ਟਾਟਾ ਸਟੀਲ ਐਕਜ਼ਿਕਿਊਟਿਵ ਹਨ ਅਤੇ ਮਾਂ ਸਰੋਜਾ ਬੈਂਕ ਆਫ਼ ਇੰਡੀਆ 'ਚ ਮੈਨੇਜਰ ਹਨ। ਮਾਧਵਨ ਬਚਪਨ ਤੋਂ ਹੀ ਪੜਾਈ ਵਿਚ ਚੰਗੇ ਵਿਦਿਆਰਥੀ ਰਹੇ ਸਨ।

ਮਾਧਵਨ ਦਾ ਪੂਰਾ ਨਾਮ ਰੰਗਨਾਥਨ ਮਾਧਵਨ ਹੈ ਜਿਸ ਵਿਚ ਰੰਗਨਾਥਨ ਉਨ੍ਹਾਂ ਦੇ ਪਿਤਾ ਦਾ ਨਾਮ ਹੈ। ਪੜਾਈ ਪੂਰੀ ਕਰਨ ਤੋਂ ਬਾਅਦ ਮਾਧਵਨ ਨੇ ਇਕ ਅਧਿਆਪਕ ਦੇ ਤੌਰ 'ਤੇ ਕੋਲਹਾਪੁਰ ਵਿਚ ਕੰਮ ਕੀਤਾ ਅਤੇ ਮੁੰਬਈ ਦੇ 'ਕੇ ਸੀ ਕਾਲਜ' ਤੋਂ ਮਾਧਵਨ ਨੇ ਪਬਲਿਕ ਸਪੀਕਿੰਗ ਵਿਚ ਪੋਸਟ ਗ੍ਰੈਜੁਏਸ਼ਨ ਕੀਤੀ। ਮਾਧਵਨ ਨੇ ਮੁੰਬਈ ਵਿਚ ਪੜਾਈ ਦੇ ਦੌਰਾਨ ਅਪਣਾ ਇਕ ਪੋਰਟਫ਼ੋਲੀਓ ਬਣਵਾ ਕੇ ਮਾਡਲਿੰਗ ਏਜੰਸੀ ਨੂੰ ਦਿਤਾ ਸੀ। ਦਿਲਚਸਪ ਗੱਲ ਇਹ ਹੈ ਦੀ ਉਹ ਕਦੇ ਵੀ ਇਕ ਐਕਟਰ ਬਣਨ ਦੀ ਇੱਛਾ ਨਹੀਂ ਰਖਦੇ ਸਨ।

ਉਹ ਹਮੇਸ਼ਾ ਤੋਂ ਹੀ ਇਕ ਆਰਮੀ ਅਫ਼ਸਰ ਬਣਨਾ ਚਾਹੁੰਦੇ ਸਨ। ਕਹਿੰਦੇ ਹਨ ਕਿ ਇਕ ਵਾਰ ਇਕ ਦੋਸਤ ਦੇ ਕਹਿਣ 'ਤੇ ਇਕ ਕੈਟਵਾਕ 'ਚ ਉਨ੍ਹਾਂ ਨੇ ਹਿੱਸਾ ਲਿਆ ਅਤੇ ਉਨ੍ਹਾਂ ਦੀ ਕਿਸਮਤ ਉਥੇ ਹੀ ਬਦਲ ਗਈ ਅਤੇ ਫਿਰ ਉਨ੍ਹਾਂ ਨੇ ਸਿਨੇਮਾਜਗਤ ਵਿਚ ਕਦਮ ਰੱਖਣ ਦਾ ਮਨ ਬਣਾਇਆ। ਉਨ੍ਹਾਂ ਨੇ ਭਲੇ ਹੀ ਅਪਣੇ ਇਸ ਸੁਪਨੇ ਨੂੰ ਅਸਲ ਜ਼ਿੰਦਗੀ ਵਿਚ ਪੂਰਾ ਨਹੀਂ ਕੀਤਾ ਹੈ ਪਰ ਪਰਦੇ 'ਤੇ ਇਸ ਤੋਂ ਮਿਲਦਾ ਜੁਲਦਾ ਕਿਰਦਾਰ ਜ਼ਰੂਰ ਨਿਭਾਇਆ ਹੈ। ਫ਼ਿਲਮ 'ਰੰਗ ਦੇ ਬਸੰਤੀ' 'ਚ ਉਨ੍ਹਾਂ ਨੇ ਫ਼ਲਾਇਟ ਲੈਫ਼ਟਿਨੈਂਟ ਅਜੇ ਰਾਠੌਰ ਦਾ ਕਿਰਦਾਰ ਨਿਭਾਇਆ ਸੀ।

ਉਨ੍ਹਾਂ ਨੇ ਅਪਣੇ ਕਰਿਅਰ ਦੀ ਸ਼ੁਰੂਆਤ ਇਕ ਟੀਵੀ ਐਡ ਤੋਂ ਕੀਤੀ ਸੀ। ਫਿਰ ਉਨ੍ਹਾਂ ਨੇ ਛੋਟੇ ਪਰਦੇ 'ਤੇ ਕੰਮ ਕਰਨਾ ਸ਼ੁਰੂ ਕੀਤਾ। ਮਾਧਵਨ ਨੇ 1996 ਦੀ ਸ਼ੁਰੂਆਤ 'ਚ ਇਕ ਚੰਦਨ ਪਾਊਡਰ ਦੀ ਐਡ ਕੀਤੀ ਸੀ ਜਿਸ ਤੋਂ ਬਾਅਦ ਮਸ਼ਹੂਰ ਡਾਇਰੈਕਟਰ ਮਣਿ ਰਤਨਮ ਦੀ ਫ਼ਿਲਮ ਈਰੂਵਰ ਲਈ ਸਕ੍ਰੀਨ ਟੈਸਟ ਵੀ ਦਿਤਾ ਪਰ ਮਣਿ ਰਤਨਮ ਨੇ ਇਸ ਫ਼ਿਲਮ ਵਿਚ ਉਨ੍ਹਾਂ ਦਾ ਸੰਗ੍ਰਹਿ ਨਹੀਂ ਕੀਤਾ ਪਰ ਬਾਅਦ ਵਿਚ ਮਾਧਵਨ ਨੇ ਮਣਿ ਰਤਨਮ ਨਾਲ ਕਈ ਫ਼ਿਲਮਾਂ ਕੀਤੀਆਂ ਜਿਨ੍ਹਾਂ ਵਿਚੋਂ ਇਕ ਫ਼ਿਲਮ 'ਗੁਰੂ' ਵੀ ਸੀ।

ਸ਼ੁਰੂਆਤ 'ਚ ਉਨ੍ਹਾਂ ਨੇ ਸਾਊਥ ਦੀਆਂ ਫ਼ਿਲਮਾਂ ਵਿਚ ਅਭਿਨਏ ਕੀਤਾ। ਜਿਸ ਦੇ ਲਈ ਉਨ੍ਹਾਂ ਨੂੰ ਫ਼ਿਲਮ ਫੇਅਰ ਅਵਾਰਡ ਵੀ ਮਿਲਿਆ। ਬਾਲੀਵੁਡ ਵਿਚ ਉਨ੍ਹਾਂ ਨੇ ਅਪਣੇ ਕਰਿਅਰ ਦੀ ਸ਼ੁਰੂਆਤ 'ਰਹਿਨਾ ਹੈ ਤੇਰੇ ਦਿਲ ਮੇਂ' ਫ਼ਿਲਮ ਤੋਂ ਕੀਤੀ ਸੀ। ਬਾਕਸ ਆਫ਼ਿਸ 'ਤੇ ਫ਼ਿਲਮ ਚੰਗੀ ਸਾਬਤ ਹੋਈ। ਜਿਸ ਤੋਂ ਬਾਅਦ ਹੀ ਫ਼ਿਲਮ ਨਿਰਮਾਤਾਵਾਂ ਨੂੰ ਉਨ੍ਹਾਂ ਨੇ ਅਪਣੇ ਵੱਲ ਆਕਰਸ਼ਤ ਕੀਤਾ।