4 ਫਰਵਰੀ ਨੂੰ ਵਿਸ਼ਵ ਭਰ ਵਿਚ ਕੈਂਸਰ ਦਿਵਸ ਮਨਾਇਆ ਜਾਂਦਾ ਹੈ। ਇਸ ਦਿਨ ਨੂੰ ਮਨਾਉਣ ਦਾ ਮਕਸਦ ਲੋਕਾਂ ਵਿਚ ਇਸ ਦੇ ਪ੍ਰਤੀ ਜਾਗਰੂਕਤਾ ਫੈਲਾਉਣਾ ਹੈ ਕਿਉਂਕਿ ਜ਼ਿਆਦਾਤਰ ਮਾਮਲਿਆਂ ਵਿਚ ਲੋਕਾਂ ਨੂੰ ਕੈਂਸਰ ਦੀ ਜਾਣਕਾਰੀ ਨਾ ਹੋਣ ਕਾਰਨ ਉਹ ਅਪਣੀ ਜਾਨ ਗਵਾ ਦਿੰਦੇ ਹਨ। ਕਈ ਬਾਲੀਵੁੱਡ ਹਸਤੀਆਂ ਵੀ ਕੈਂਸਰ ਦਾ ਸ਼ਿਕਾਰ ਹੋ ਚੁੱਕੀਆਂ ਹਨ। ਆਓ ਤੁਹਾਨੂੰ ਦਸਦੇ ਹਾਂ ਕਿ ਉਨ੍ਹਾਂ ਕੁੱਝ ਹਸਤੀਆਂ ਬਾਰੇ ਜਿਨ੍ਹਾਂ ਨੇ ਕੈਂਸਰ ਦੀ ਜੰਗ ਨੂੰ ਜਿੱਤਿਆ।

Sonali Bendre

ਬਾਲੀਵੁੱਡ ਅਦਾਕਾਰਾ ਸੋਨਾਲੀ ਬੇਂਦਰੇ ਕੈਂਸਰ ਵਰਗੀ ਗੰਭੀਰ ਬਿਮਾਰੀ ਨਾਲ ਲੜਨ ਤੋਂ ਬਾਅਦ ਹੁਣ ਇਕ ਫਾਈਟਰ ਵਾਂਗ ਅਪਣੀ ਜ਼ਿੰਦਗੀ ਜੀਅ ਰਹੀ ਹੈ। ਉਨ੍ਹਾਂ ਨੂੰ 2018 ਵਿਚ ਹਾਈਗ੍ਰੇਡ ਦਾ ਮੇਟਾਸਟੇਟਿਕ ਕੈਂਸਰ ਦਾ ਪਤਾ ਚੱਲਿਆ ਸੀ, ਜਿਸ ਤੋਂ ਬਾਅਦ ਉਨ੍ਹਾਂ ਨੇ ਨਿਊਯਾਰਕ ਵਿਚ ਇਲਾਜ ਸ਼ੁਰੂ ਕਰਵਾਇਆ।

Manisha Koirala

ਮਨੀਸ਼ਾ ਕੋਇਰਾਲਾ ਕੈਂਸਰ ਵਰਗੀ ਬਿਮਾਰੀ ਨੂੰ ਮਾਤ ਦੇ ਕੇ ਅੱਜ ਬਿੰਦਾਸ ਜ਼ਿੰਦਗੀ ਜੀਅ ਰਹੀ ਹੈ। ਮਨੀਸ਼ਾ ਨੂੰ ਸਾਲ 2012 ਵਿਚ ਓਵੋਰਿਅਨ ਕੈਂਸਰ ਦਾ ਪਤਾ ਚੱਲਿਆ ਸੀ ਪਰ ਉਨ੍ਹਾਂ ਨੇ ਕੈਂਸਰ ਦਾ ਪਤਾ ਚੱਲਣ ਤੋਂ ਬਾਅਦ ਹਿੰਮਤ ਨਹੀਂ ਹਾਰੀ। 6 ਮਹੀਨੇ ਤਕ ਲਗਾਤਾਰ ਸੰਘਰਸ਼ ਅਤੇ ਮਜ਼ਬੂਤ ਇੱਛਾਸ਼ਕਤੀ ਦੇ ਦਮ 'ਤੇ ਮਨੀਸ਼ਾ ਨੇ ਕੈਂਸਰ ਤੋਂ ਜ਼ਿੰਦਗੀ ਦੀ ਜੰਗ ਜਿੱਤ ਲਈ।

Lisa Ray

ਬਾਲੀਵੁੱਡ ਅਦਾਕਾਰਾ ਲੀਜ਼ਾ ਰੇਅ ਪਲਾਜ਼ਮਾ ਸੈਲਸ ਕੈਂਸਰ ਦਾ ਸ਼ਿਕਾਰ ਹੋ ਚੁੱਕੀ ਹੈ। ਉਨ੍ਹਾਂ ਨੂੰ ਸਾਲ 2009 ਵਿਚ ਇਸ ਰੇਅਰ ਕੈਂਸਰ ਦੇ ਬਾਰੇ ਵਿਚ ਪਤਾ ਚੱਲਿਆ ਸੀ। ਜਿਸ ਤੋਂ ਬਾਅਦ ਉਨ੍ਹਾਂ ਨੇ ਸਟੈਮ ਸੈਲ ਟਰਾਂਸਪਲਾਂਟ ਕਰਵਾਇਆ। ਇਸ ਟ੍ਰੀਟਮੈਂਟ ਦੇ ਜ਼ਰੀਏ ਖ਼ੂਨ ਦੇ ਸਫੈਦ ਬਲੱਡ ਸੈਲਸ ਵਿਚ ਬਣਨ ਵਾਲੇ ਐਂਟੀਬਾਡੀਜ਼ ਨੂੰ ਫਿਰ ਤੋਂ ਰਿਕਵਰ ਕੀਤਾ ਗਿਆ। ਹੁਣ ਉਹ ਕੈਂਸਰ ਜਾਗਰੂਕਤਾ ਨੂੰ ਲੈ ਕੇ ਕਾਫ਼ੀ ਸਰਗਰਮ ਰਹਿੰਦੀ ਹੈ।

Hritik Roshan

ਹਾਲ ਹੀ ਵਿਚ ਰਿਤਿਕ ਰੌਸ਼ਨ ਨੇ ਪਿਤਾ ਰਾਕੇਸ਼ ਰੌਸ਼ਨ ਦੇ ਨਾਲ ਤਸਵੀਰ ਸ਼ੇਅਰ ਕਰਦੇ ਹੋਏ ਦਸਿਆ ਸੀ ਕਿ ਉਨ੍ਹਾਂ ਨੂੰ ਗਲੇ ਦਾ ਕੈਂਸਰ ਹੋ ਗਿਆ ਹੈ। ਰਾਕੇਸ਼ ਰੌਸ਼ਨ ਦਾ ਕੈਂਸਰ ਸ਼ੁਰੂਆਤੀ ਸਟੇਜ ਵਿਚ ਹੈ। ਜਿਸ ਦੇ ਲਈ ਉਨ੍ਹਾਂ ਦੀ ਪਹਿਲੀ ਸਰਜਰੀ ਹੋ ਚੁੱਕੀ ਹੈ ਜੋ ਕਿ ਸਫ਼ਲ ਰਹੀ।

Mumtaz

90 ਦੇ ਦਹਾਕੇ ਦੀ ਮਸ਼ਹੂਰ ਅਦਾਕਾਰਾ ਮੁਮਤਾਜ ਨੂੰ ਵੀ ਬ੍ਰੈਸਟ ਕੈਂਸਰ ਹੋ ਗਿਆ ਸੀ।  54 ਸਾਲ ਦੀ ਉਮਰ 'ਚ ਕੈਂਸਰ ਡਾਇਗਨੋਜ਼ ਕਰਾਇਆ ਅਤੇ ਲੰਮੇਂ ਸਮਾਂ ਤੋਂ ਬਾਅਦ ਇਸ ਤੋਂ ਨਿਜਾਤ ਪਾਇਆ।

Imran Khan

ਇਰਫ਼ਾਨ ਖਾਨ ਨੇ 2018 'ਚ ਇਕ ਟਵੀਟ ਜ਼ਰੀਏ ਦੱਸਿਆ ਕਿ ਉਨ੍ਹਾਂ ਨੂੰ ਨਿਊਰੋ ਐਂਡੋਕਰਾਇਨ ਟਿਊਮਰ ਹੋ ਗਿਆ ਹੈ। ਇਰਫ਼ਾਨ ਖਾਨ ਲੰਮੇ ਸਮੇਂ ਤੋਂ ਲੰਦਨ 'ਚ ਇਲਾਜ ਕਰਵਾ ਰਹੇ ਸਨ ਪਰ ਉਨ੍ਹਾਂ ਦੇ ਕਰੀਬੀ ਦੋਸਤ ਨੇ ਦੱਸਿਆ ਕਿ ਉਹ ਰਿਕਵਰ ਕਰ ਚੁੱਕੇ ਹਨ ਤੇ ਜਲਦ ਹੀ ਫੈਂਸ ਨੂੰ ਖੁਦ ਦਸਣਗੇ।

Anurag Basu

ਬਰਫ਼ੀ ਵਰਗੀ ਹਿਟ ਫ਼ਿਲਮ ਬਣਾਉਣ ਵਾਲੇ ਅਨੁਰਾਗ ਬਾਸੁ ਵੀ ਕੈਂਸਰ ਨੂੰ ਮਾਤ ਦੇ ਚੁੱਕੇ ਹਨ। ਉਨ੍ਹਾਂ ਨੂੰ ਸਾਲ 2004 'ਚ ਬਲਡ ਕੈਂਸਰ ਦਾ ਪਤਾ ਲਗਿਆ ਜਿਸ ਤੋਂ ਬਾਅਦ ਡਾਕਟਰ ਨੇ ਅਨੁਰਾਗ ਨੂੰ ਸਿਰਫ਼ 2 ਮਹੀਨੇ ਦਾ ਸਮਾਂ ਦਿਤਾ ਸੀ ਪਰ ਬਾਵਜੂਦ ਇਸਦੇ ਉਨ੍ਹਾਂ ਨੇ ਹਿੰਮਤ ਨਹੀਂ ਹਾਰੀ ਸਗੋਂ ਪੂਰੇ 3 ਸਾਲ ਤੱਕ ਕੀਮੋਥੇਰੇਪੀ ਸੈਸ਼ਨ ਕਰਵਾ ਬਾਲੀਵੁਡ ਵਿਚ ਐਂਟਰੀ ਮਾਰੀ।

Yuvraj Singh

ਭਾਰਤੀ ਕ੍ਰਿਕੇਟ ਟੀਮ ਦੇ ਸਿਕਸਰ ਕਿੰਗ ਯੁਵਰਾਜ ਸਿੰਘ ਵੀ ਕੈਂਸਰ ਨਾਲ ਪੀਡ਼ਤ ਰਹਿ ਚੁੱਕੇ ਹਨ। 2011 ਦੇ ਕ੍ਰਿਕੇਟ ਵਰਲਡ ਕਪ ਦੌਰਾਨ ਹੀ ਉਨ੍ਹਾਂ ਦੀ ਸਿਹਤ ਖਰਾਬ ਹੋਣ ਲੱਗੀ। ਚੈਕਅਪ ਕਰਵਾਉਣ ਤੋਂ ਬਾਅਦ ਪਤਾ ਲਗਾ ਕਿ ਉਨ੍ਹਾਂ ਨੂੰ ਫੇਫੜਿਆਂ ਵਿਚ ਕੈਂਸਰ ਹੈ। ਇਕ ਸਾਲ ਤੱਕ ਅਮਰੀਕਾ ਵਿਚ ਉਨ੍ਹਾਂ ਦਾ ਇਲਾਜ ਚਲਿਆ ਅਤੇ 2012 ਵਿਚ ਉਹ ਦੁਬਾਰਾ ਕ੍ਰਿਕੇਟ ਦੇ ਮੈਦਾਨ ਵਿਚ ਪਰਤ ਆਏ।