Bob Christo

ਮੁੰਬਈ : ਕੀ ਤੁਹਾਨੂੰ ਫ਼ਿਲਮ ਮਿਸਟਰ ਇੰਡੀਆ ਦਾ ਉਹ ਅੰਗ੍ਰੇਜ਼ ਅਦਾਕਾਰ ਯਾਦ ਹੈ, ਜੋ ਕੁੱਟ ਮਾਰ ਹੋਣ 'ਤੇ ਕਹਿੰਦਾ ਹੈ - ਸਾਰੀ ਬਜਰੰਗਬਾਲੀ...ਮੇਰਾ ਬਜਰੰਗਬਲੀ। ਫ਼ਿਲਮਾਂ ਵਿਚ ਅਕਸਰ ਹੀਰੋ ਨਾਲ ਲੜਨ ਲਈ ਤਿਆਰ ਰਹਿਣ ਵਾਲੇ ਬਾਬ ਨੂੰ ਦਰਸ਼ਕਾਂ ਨੇ ਜਦੋਂ ਵੀ ਪਰਦੇ 'ਤੇ ਦੇਖਿਆ ਤਾਂ ਉਹ ਹਮੇਸ਼ਾ ਮਾੜੇ ਕੰਮ ਕਰਦੇ ਹੀ ਨਜ਼ਰ ਆਏ।

ਬਾਬ ਕਦੇ ਸੋਨੇ ਦੀ ਸਮਗਲਿੰਗ, ਕਦੇ ਹੀਰੋਈਨ ਦੀ ਇੱਜਤ 'ਤੇ ਹੱਥ ਪਾਉਂਦੇ ਤਾਂ ਕਦੇ ਕਿਸੇ ਦੇਸਭਗਤੀ ਵਾਲੀ ਫ਼ਿਲਮ ਵਿਚ ਅੰਗ੍ਰੇਜ਼ ਬਣ ਕੇ ਲੋਕਾਂ 'ਤੇ ਜ਼ੁਲਮ ਢਾਉਂਦੇ ਹੀ ਦਿਖੇ। ਹਾਲਾਂਕਿ ਰਿਅਲ ਲਾਈਫ਼ ਵਿਚ ਬਾਬ ਅਪਣੇ ਸੁਭਾਅ ਦੇ ਉਲਟ ਯਾਨੀ ਬੇਹੱਦ ਭੋਲੇ ਵਿਅਕਤਿ ਸਨ। 1938 ਵਿਚ ਆਸਟ੍ਰੇਲਿਆ ਦੇ ਸਿਡਨੀ ਸ਼ਹਿਰ 'ਚ ਜੰਮੇ ਰਾਬਰਟ ਜਾਨ ਕ੍ਰਿਸਟੋ ਨੂੰ ਉਨ੍ਹਾਂ ਦੇ ਪਿਤਾ 1943 'ਚ ਜਰਮਨੀ ਲੈ ਗਏ ਤਾਕਿ ਉਹ ਉਥੇ ਅਪਣੀ ਦਾਦੀ ਅਤੇ ਭੂਆ ਨਾਲ ਰਹਿ ਸਕਣ। ਹਾਲਾਂਕਿ ਉਸੀ ਦੌਰਾਨ ਜਰਮਨੀ ਵਿਚ ਵਿਸ਼ਵ ਯੁੱਧ ਚੱਲ ਰਿਹਾ ਸੀ।

ਅਜਿਹੇ ਵਿਚ ਬਾਬ ਨੇ ਉਥੇ ਪੜਾਈ ਦੇ ਨਾਲ ਹੀ ਰੰਗਮੰਚ ਵੀ ਸ਼ੁਰੂ ਕਰ ਦਿਤਾ। ਅਪਣੀ ਪਹਿਲੀ ਪਤਨੀ ਹੇਲਗਾ ਨਾਲ ਉਨ੍ਹਾਂ ਦੀ ਮੁਲਾਕਾਤ ਵੀ ਰੰਗਮੰਸ ਕਰਨ ਦੇ ਦੌਰਾਨ ਹੀ ਹੋਈ ਸੀ। ਬਾਅਦ 'ਚ ਉਨ੍ਹਾਂ ਨੇ ਹੇਲਗਾ ਨਾਲ ਵਿਆਹ ਕਰਵਾ ਲਿਆ। ਹੇਲਗਾ ਦੇ ਤਿੰਨ ਬੱਚੇ ਹੋਏ 1 ਮੁੰਡਾ ਡਾਰਿਅਸ ਅਤੇ 2 ਲੜਕੀਆਂ ਮਾਨਿਕ ਅਤੇ ਨਿਕੋਲ। ਹਾਲਾਂਕਿ ਬਾਅਦ 'ਚ ਇਕ ਕਾਰ ਦੁਰਘਟਨਾ 'ਚ ਹੇਲਗਾ ਦੀ ਮੌਤ ਹੋ ਗਈ ਸੀ। ਦਰਅਸਲ ਇਕ ਵਾਰ ਬਾਬ ਨੇ ਅਦਾਕਾਰਾ ਪਰਵੀਨ ਬਾਬੀ ਦੀ ਤਸਵੀਰ ਇਕ ਮੈਗਜ਼ੀਨ ਕਵਰ 'ਤੇ ਦੇਖੀ।

ਪਰਵੀਨ ਨੂੰ ਦੇਖਦੇ ਹੀ ਬਾਬ ਉਨ੍ਹਾਂ 'ਤੇ ਫ਼ਿਦਾ ਹੋ ਗਏ। ਇਸ ਤੋਂ ਬਾਅਦ ਪਰਵੀਨ ਨਾਲ ਮਿਲਣ ਦੀ ਇੱਛਾ ਵਿਚ ਉਹ ਭਾਰਤ ਚਲੇ ਆਏ। ਬਾਬ ਜਦੋਂ ਮੁੰਬਈ ਪਹੁੰਚੇ ਤਾਂ ਇਥੇ ਉਨ੍ਹਾਂ ਦੀ ਮੁਲਾਕਾਤ ਚਰਚਗੇਟ ਕੋਲ ਇਕ ਫ਼ਿਲਮ ਦੀ ਯੂਨਿਟ ਨਾਲ ਹੋਈ। ਗੱਲਾਂ - ਗੱਲਾਂ ਵਿਚ ਪਤਾ ਚਲਿਆ ਕਿ ਕੈਮਰਾਮੈਨ ਅਗਲੇ ਹੀ ਦਿਨ ਫ਼ਿਲਮ ਦ ਬਰਨਿੰਗ ਟ੍ਰੇਨ ਦੇ ਸੈਟ 'ਤੇ ਪਰਵੀਨ ਬਾਬੀ ਨਾਲ ਮਿਲਣ ਵਾਲਾ ਹੈ। ਬਾਬ ਨੇ ਕੈਮਰਾਮੈਨ ਤੋਂ ਪਤਾ ਲੈ ਲਿਆ ਅਤੇ ਅਗਲੇ ਦਿਨ ਪਰਵੀਨ ਨਾਲ ਮਿਲਣ ਪਹੁੰਚ ਗਏ। ਬਾਬ ਇਥੇ ਅਪਣੇ ਦੋਸਤ ਕੈਮਰਾਮੈਨ ਤੋਂ ਗੱਲ ਹੀ ਕਰ ਰਹੇ ਸਨ, ਕਿ ਉਦੋਂ ਉਨ੍ਹਾਂ ਨੂੰ ਕਿਸੇ ਕੁੜੀ ਦੀ ਅਵਾਜ਼ ਸੁਣਾਈ ਦਿਤੀ।

ਮੁੜ ਕੇ ਦੇਖਿਆ ਤਾਂ ਸਾਹਮਣੇ ਪਰਵੀਨ ਸੀ। ਬਾਬ ਵੀ ਉਤਸ਼ਾਹ 'ਚ ਪਰਵੀਨ ਦੇ ਕਰੀਬ ਪਹੁੰਚ ਗਏ ਅਤੇ ਬੋਲੇ - ਤੁਸੀਂ ਕਿਤੇ ਪਰਵੀਨ ਬਾਬੀ ਤਾਂ ਨਹੀਂ। ਇਸ ਤੋਂ ਬਾਅਦ ਉਹ ਮੈਗਜ਼ੀਨ ਦਾ ਕਵਰ ਦਿਖਾਉਂਦੇ ਹੋਏ ਬੋਲੇ - ਇਹ ਕੁੜੀ ਪਰਵੀਨ ਹੈ। ਇਸ 'ਤੇ ਪਰਵੀਨ ਜੱਮ ਕੇ ਹੱਸੀ ਅਤੇ ਬੋਲੀ - ਮੈਂ ਸ਼ੂਟਿੰਗ ਤੋਂ ਇਲਾਵਾ ਮੇਕਅਪ ਨਹੀਂ ਕਰਦੀ। ਇਸ ਤੋਂ ਬਾਅਦ ਪਰਵੀਨ ਅਤੇ ਬਾਬ ਕ੍ਰਿਸਟੋ ਦੀ ਦੋਸਤੀ ਹੋ ਗਈ।