ICU 'ਚ ਐਡਮਿਟ ਸੋਨੂੰ ਨਿਗਮ ਨੂੰ ਦੋ ਦਿਨ ਬਾਅਦ ਹਸਪਤਾਲ ਤੋਂ ਮਿਲੀ ਛੁੱਟੀ
ਬਾਲੀਵੁਡ ਦੇ ਮਸ਼ਹੂਰ ਗਾਇਕ ਸੋਨੂੰ ਨਿਗਮ ਅਕਸਰ ਅਪਣੇ ਗੀਤਾਂ, ਬਿਆਨਾਂ ਨੂੰ ਲੈ ਕੇ ਚਰਚਾ ਵਿਚ ਰਹਿੰਦੇ ਹਨ। ਬੀਤੇ ਦਿਨੀਂ ਉਹਨਾਂ ਨੂੰ ਉਸ ਸਮੇਂ ਹਸਪਤਾਲ ਜਾਣਾ ਪਿਆ ...
ਮੁੰਬਈ : ਬਾਲੀਵੁਡ ਦੇ ਮਸ਼ਹੂਰ ਗਾਇਕ ਸੋਨੂੰ ਨਿਗਮ ਅਕਸਰ ਅਪਣੇ ਗੀਤਾਂ, ਬਿਆਨਾਂ ਨੂੰ ਲੈ ਕੇ ਚਰਚਾ ਵਿਚ ਰਹਿੰਦੇ ਹਨ। ਬੀਤੇ ਦਿਨੀਂ ਉਹਨਾਂ ਨੂੰ ਉਸ ਸਮੇਂ ਹਸਪਤਾਲ ਜਾਣਾ ਪਿਆ ਜਦੋਂ ਉਹਨਾਂ ਨੂੰ ਸੀਰੀਅਸ ਸਕਿਨ ਐਲਰਜੀ ਦੀ ਸ਼ਿਕਾਇਤ ਹੋਈ। ਜਲਦੀ ਅਤੇ ਵਧੀਆ ਇਲਾਜ ਲਈ ਹਸਪਤਾਲ ਅਧਿਕਾਰੀਆਂ ਨੇ ਉਹਨਾਂ ਨੂੰ ਆਈਸੀਯੂ ਵਿਚ ਐਡਮਿਟ ਕੀਤਾ।
ਖਬਰਾਂ ਦੇ ਮੁਤਾਬਕ, ਇਹ ਸੱਭ ਉਸ ਸਮੇਂ ਹੋਇਆ ਜਦੋਂ ਸੋਨੂ ਖਾਣਾ ਖਾ ਰਹੇ ਸਨ। ਉਹਨਾਂ ਨੂੰ ਇਸ ਤਰ੍ਹਾਂ ਪਰੇਸ਼ਾਨੀ ਹੋਈ ਕਿ ਐਂਟੀ - ਐਲਰਜੀ ਦਵਾਈਆਂ ਵੀ ਅਸਰਦਾਰ ਸਾਬਤ ਨਹੀਂ ਹੋਈਆਂ। ਅਜਿਹੇ ਵਿਚ ਉਹਨਾਂ ਨੂੰ ਲਗਿਆ ਕਿ ਹਸਪਤਾਲ ਜਾਣਾ ਹੀ ਠੀਕ ਰਹੇਗਾ। ਖਬਰਾਂ ਦੀਆਂ ਮੰਨੀਏ ਤਾਂ ਆਈਸੀਯੂ ਵਿਚ ਰੱਖੇ ਜਾਣ ਦੇ ਦੋ ਦਿਨ ਬਾਅਦ ਗਾਇਕ ਨੂੰ ਡਿਸਚਾਰਜ ਕੀਤਾ ਗਿਆ। ਫਿਲਹਾਲ, ਉਹ ਠੀਕ ਹਨ ਅਤੇ ਉਡਿਸ਼ਾ ਵਿਚ ਹੋਣ ਵਾਲੇ ਮਯੂਜ਼ਿਕਲ ਕਾਂਨਸਰਟ ਵਿਚ ਹਿੱਸਾ ਲੈਣ ਵਾਲੇ ਹਨ।