Kiku Sharda's Coffee Bill '78,650'

ਮੁੰਬਈ: ਬਾਲੀਵੁੱਡ ਅਦਾਕਾਰ ਰਾਹੁਲ ਬੋਸ ਨੂੰ ਹਾਲ ਹੀ ਵਿੱਚ ਦੋ ਕੇਲਿਆਂ ਲਈ 442 ਰੁਪਏ ਦੇਣੇ ਪਏ ਸਨ। ਇਸ ਖਬਰ ਤੋਂ ਹਰ ਕੋਈ ਹੈਰਾਨ ਸੀ ਹੁਣ ਸੋਨੀ  ਟੀਵੀ ਦੇ ਫੇਮਸ ਕਾਮੇਡੀ ਸ਼ੋਅ 'ਦ ਕਪਿਲ ਸ਼ਰਮਾ  ਸ਼ੋਅ' ਦੇ ਅਦਾਕਾਰ ਕੀਕੂ ਸ਼ਾਰਦਾ ਨੇ ਖੁਲਾਸਾ ਕੀਤਾ ਹੈ ਕਿ ਉਨ੍ਹਾਂ ਨੂੰ ਇੱਕ ਕੱਪ ਕਾਫ਼ੀ ਕਿੰਨੀ ਮਹਿੰਗੀ ਪਈ ਸੀ। ਕੀਕੂ ਸ਼ਾਰਦਾ ਨੇ ਦੱਸਿਆ ਕਿ ਇੰਡੋਨੇਸ਼ੀਆ 'ਚ ਇੱਕ ਕੱਪ ਕਾਫ਼ੀ ਅਤੇ ਚਾਹ ਲਈ ਉਨ੍ਹਾਂ ਨੂੰ 78, 650 ਰੁਪਏ ਹੋਟਲ ਨੂੰ ਦੇਣੇ ਪਏ ਸਨ।

ਕਪਿਲ ਸ਼ਰਮਾ ਸ਼ੋਅ 'ਚ 'ਬੱਚਾ ਯਾਦਵ' ਦਾ ਕਿਰਦਾਰ ਨਿਭਾਉਣ ਵਾਲੇ ਅਦਾਕਾਰ ਨੇ ਹਾਲ ਹੀ 'ਚ ਦਿੱਤੇ ਆਪਣੇ ਟਵਿਟਰ ਅਕਾਊਂਟ ਜ਼ਰੀਏ ਇਸ ਗੱਲ ਦਾ ਖੁਲਾਸਾ ਕੀਤਾ। ਕੀਕੂ ਨੇ ਕੌਫ਼ੀ ਦੇ ਬਿੱਲ ਨੂੰ ਆਪਣੇ ਟਵਿਟਰ ‘ਤੇ ਪੋਸਟ ਕਰਦ ਹੋਏ ਲਿਖਿਆ, 'ਇੱਕ ਕੱਪ ਕੌਫ਼ੀ ਤੇ ਚਾਹ ਦੇ ਲਈ ਮੇਰਾ ਬਿੱਲ 78,650 ਸੀ, ਪਰ ਮੈਂ ਇਸ ਦੀ ਸ਼ਿਕਾਇਤ ਨਹੀਂ ਕਰ ਰਿਹਾ ਕਿਉਂਕਿ ਇਹ ਬਿੱਲ ਬਾਲੀ, ਇੰਡੋਨੇਸ਼ੀਆ ‘ਚ ਹੈ ਤੇ ਇਸ ਨੂੰ ਜੇਕਰ ਭਾਰਤੀ ਕਰੰਸੀ ‘ਚ ਵੇਖਿਆ ਜਾਵੇ ਤਾਂ ਬਿੱਲ 400 ਰੁਪਏ ਹੈ।'

ਕੀਕੂ ਸ਼ਾਰਦਾ ਦੀ ਇਸ ਪੋਸਟ ‘ਤੇ ਖੂਬ ਕੁਮੈਂਟਸ ਆ ਰਹੇ ਹਨ। ਉੱਥੇ ਹੀ ਵਰਕ ਫਰੰਟ ਦੀ ਗੱਲ ਕਰੀਏ ਤਾਂ 'ਦ ਕਪਿਲ ਸ਼ਰਮਾ  ਸ਼ੋਅ' ਤੋਂ ਇਲਾਵਾ ਕੀਕੂ ਸ਼ਾਰਦਾ ਹਾਲੀਵੁਡ ਐਨੀਮੇਟਿਡ ਫਿਲਮ ‘ਐਂਗ੍ਰੀ ਬਰਡ’ ‘ਚ ਵੀ ਕੰਮ ਕਰ ਰਹੇ ਹਨ। ਦੱਸ ਦਈਏ ਕਿ ਕੀਕੂ ਸ਼ਾਰਦਾ ਟੀਵੀ ਸ਼ੋਅ ਹਾਤਿਮ (Hatim) ਵਿੱਚ 'ਹੋਬੋ' ਦਾ ਕਿਰਦਾਰ ਨਿਭਾ ਚੁੱਕੇ ਹਨ।

Entertainment ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook ਤੇ ਲਾਈਕ Twitter ਤੇ follow ਕਰੋ