ਬਾਲੀਵੁੱਡ ਦੇ ਮਸ਼ਹੂਰ ਫਿਲਮ ਨਿਰਮਾਤਾ ਤੇ ਰਿਤਿਕ ਰੌਸ਼ਨ ਦੇ ਨਾਨਾ ਜੇ ਓਮ ਪ੍ਰਕਾਸ਼ ਦਾ ਦੇਹਾਂਤ
ਬਾਲੀਵੁੱਡ ਦੇ ਮਸ਼ਹੂਰ ਫਿਲਮ ਨਿਰਮਾਤਾ ਅਤੇ ਰਿਤਿਕ ਰੌਸ਼ਨ ਦੇ ਨਾਨਾ ਜੇ ਓਮ ਪ੍ਰਕਾਸ਼ ਦਾ 93 ਸਾਲ ਦੀ ਉਮਰ ਵਿਚ ਅੱਜ ਬੁੱਧਵਾਰ ਨੂੰ ਦੇਹਾਂਤ ਹੋ ਗਿਆ।
ਮੁੰਬਈ: ਬਾਲੀਵੁੱਡ ਦੇ ਮਸ਼ਹੂਰ ਫਿਲਮ ਨਿਰਮਾਤਾ ਅਤੇ ਰਿਤਿਕ ਰੌਸ਼ਨ ਦੇ ਨਾਨਾ ਜੇ ਓਮ ਪ੍ਰਕਾਸ਼ ਦਾ 93 ਸਾਲ ਦੀ ਉਮਰ ਵਿਚ ਅੱਜ ਬੁੱਧਵਾਰ ਨੂੰ ਦੇਹਾਂਤ ਹੋ ਗਿਆ। ਜੇ ਓਮ ਪ੍ਰਕਾਸ਼ ਦੀ ਮੌਤ ਦੀ ਖ਼ਬਰ ਬਾਲੀਵੁੱਡ ਅਦਾਕਾਰ ਅਤੇ ਮਾਡਲ ਰਹਿ ਚੁੱਕੇ ਦੀਪਕ ਪਾਰਾਸ਼ਰ ਨੇ ਅਪਣੇ ਟਵੀਟ ਦੇ ਜ਼ਰੀਏ ਦਿੱਤੀ। ਉਹਨਾਂ ਨੇ ਜੇ ਓਮ ਪ੍ਰਕਾਸ਼ ਨਾਲ ਅਪਣੀ ਫੋਟੋ ਟਵੀਟ ਕਰਦੇ ਹੋਏ ਉਹਨਾਂ ਨੂੰ ਸ਼ਰਧਾਂਜਲੀ ਵੀ ਦਿੱਤੀ। ਫਿਲਮ ਨਿਰਮਾਤਾ ਜੇ ਓਮ ਪ੍ਰਕਾਸ਼ ਨੇ ਬਾਲੀਵੁੱਡ ਜਗਤ ਨੂੰ ਕਈ ਮਸ਼ਹੂਰ ਫਿਲਮਾਂ ਦਿੱਤੀਆਂ ਹਨ।
ਉਹਨਾਂ ਦੀਆਂ ਮਸ਼ਹੂਰ ਫਿਲਮਾਂ ਵਿਚ ‘ਭਗਵਾਨ ਦਾਦਾ’, ‘ਅਪਨਾਪਨ’, ‘ਆਪ ਕੀ ਕਸਮ’, ‘ਆਸ਼ਾ’, ‘ਆਸ-ਪਾਸ’, ‘ਆਪ ਕੇ ਸਾਥ’, ‘ਅਜੀਬ ਦਾਸਤਾਂ ਹੈ ਯੇ’, ‘ਅਗਨੀ ਔਰ ਆਦਮੀ’ ਅਤੇ ‘ਅਪਸਰਾ’ ਆਦਿ ਫਿਲਮਾਂ ਸ਼ਾਮਲ ਹਨ। ਦੱਸ ਦਈਏ ਕਿ ਬਾਲੀਵੁੱਡ ਅਦਾਕਾਰ ਰਿਤਿਕ ਰੌਸ਼ਨ ਵੀ ਅਪਣੇ ਨਾਨਾ ਦੇ ਕਾਫ਼ੀ ਕਰੀਬ ਸਨ। ਰਿਤਿਕ ਰੌਸ਼ਨ ਨੇ ਅਪਣੇ ਨਾਨਾ ਜੀ ਦੇ 92ਵੇਂ ਜਨਮ ਦਿਨ ਮੌਕੇ ਇਕ ਪਾਰਟੀ ਵੀ ਅਯੋਜਿਤ ਕੀਤੀ ਸੀ, ਜਿਸ ਦੀਆਂ ਫੋਟੋਆਂ ਉਹਨਾਂ ਨੇ ਸੋਸ਼ਲ ਮੀਡੀਆ ‘ਤੇ ਸ਼ੇਅਰ ਕੀਤੀਆਂ ਸਨ।
ਰਿਤਿਕ ਰੌਸ਼ਨ ਨੇ ਫੋਟੋ ਸ਼ੇਅਰ ਕਰਦੇ ਹੋਏ ਦੱਸਿਆ ਸੀ ਕਿ ਉਹਨਾਂ ਦੇ ਨਾਨਾ ਜੀ ਅਜਿਹੇ ਵਿਅਕਤੀ ਹਨ, ਜਿਨ੍ਹਾਂ ਨੇ ਕਿਤਾਬਾਂ ਲਈ ਅਪਣੇ ਵਿਆਹ ਦੀ ਅੰਗੂਠੀ ਵੇਚ ਦਿੱਤੀ ਸੀ ਅਤੇ ਸਟ੍ਰੀਟ ਲੈਂਪ ਵਿਚ ਪੜ੍ਹਾਈ ਕੀਤੀ ਸੀ। ਇਸ ਤੋਂ ਇਲਾਵਾ ਇਕ ਇੰਟਰਵਿਊ ਵਿਚ ਵੀ ਰਿਤਿਕ ਰੌਸ਼ਨ ਨੇ ਕਿਹਾ ਸੀ ਕਿ ਉਹਨਾਂ ਦੇ ਨਾਨਾ ਹੀ ਉਹਨਾਂ ਦੇ ਸਭ ਤੋਂ ਵੱਡੇ ਗੁਰੂ ਹਨ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।