Sagarika Ghatge

ਮੁੰਬਈ : 'ਚਕ ਦੇ ਇੰਡੀਆ' ਫੇਮ ਅਦਾਕਾਰਾ ਸਾਗਰਿਕਾ ਘਾਟਗੇ ਅੱਜ ਅਪਣਾ 33ਵਾਂ ਜਨਮਦਿਨ ਮਨਾ ਰਹੀ ਹੈ। 'ਚੱਕ ਦੇ ਇੰਡੀਆ' ਲਈ ਸਾਗਰਿਕਾ ਨੂੰ ਬੇਸਟ ਸਪੋਰਟਿੰਗ ਅਦਾਕਾਰਾ ਦਾ ਅਵਾਰਡ ਵੀ ਦਿਤਾ ਗਿਆ ਸੀ। ਅਸਲ ਜਿੰਦਗੀ ਵਿਚ ਵੀ ਨੈਸ਼ਨਲ ਲੈਵਲ ਦੀ ਹਾਕੀ ਖਿਡਾਰੀ ਰਹਿ ਚੁੱਕੀ ਸਾਗਰਿਕਾ ਨੇ ਸਾਲ 2017 ਵਿਚ ਕ੍ਰਿਕਟਰ ਜਹੀਰ ਖਾਨ ਨਾਲ ਵਿਆਹ ਕਰਵਾਇਆ ਸੀ।

ਦੋਨਾਂ ਦੀ ਲਵ ਸਟੋਰੀ ਦੀ ਗੱਲ ਕਰੀਏ ਤਾਂ ਇਹਨਾਂ ਦੀ ਕਹਾਣੀ ਕਿਸੇ ਫਿਲਮੀ ਲਵ ਸਟੋਰੀ ਤੋਂ ਘੱਟ ਨਹੀਂ ਹੈ। ਇਸ ਖਾਸ ਮੌਕੇ ਤੁਹਾਨੂੰ ਦੱਸਦੇ ਹਨ ਇਹਨਾਂ ਦੀਆਂ ਤਿੰਨ ਅਜਿਹੀ ਗੱਲਾਂ ਜੋਕਿ ਇਕਦਮ ਫਿਲਮੀ ਹਨ। ਦੋਨਾਂ ਦੀ ਪਹਿਲੀ ਮੁਲਾਕਾਤ ਕਾਫ਼ੀ ਫਿਲਮੀ ਸੀ। ਕਿਹਾ ਜਾਂਦਾ ਹੈ ਕਿ ਸਾਗਰਿਕਾ ਅਤੇ ਜਹੀਰ ਦੋਵੇਂ ਅੰਗਦ ਬੇਦੀ ਅਤੇ ਕੁੱਝ ਹੋਰ ਕਾਮਨ ਦੋਸਤਾਂ ਦੇ ਜਰੀਏ ਕਿਸੇ ਪਾਰਟੀ ਵਿਚ ਮਿਲੇ ਸਨ। ਜਿਸ ਤੋਂ ਬਾਅਦ ਦੋਨਾਂ ਨੇ ਡੇਢ ਸਾਲ ਤੱਕ ਇੱਕ ਦੂਜੇ ਨੂੰ ਡੇਟ ਕੀਤਾ ਅਤੇ ਫਿਰ ਵਿਆਹ ਦੇ ਬੰਧਨ ਵਿਚ ਬੰਨੇ ਗਏ।

ਉਥੇ ਹੀ ਸਾਗਰਿਕਾ ਦੀ ਫਿਲਮੀ ਜ਼ਿੰਦਗੀ ਹਕੀਕਤ ਵਿਚ ਵੀ ਬਦਲ ਗਈ। ਸ਼ਾਹਰੁੱਖ ਦੇ ਨਾਲ ਫਿਲਮ 'ਚਕ ਦੇ ਇੰਡੀਆ' ਵਿਚ ਨਜ਼ਰ ਆਉਣ ਵਾਲੀ ਸਾਗਰਿਕਾ ਦੇ ਇਸ ਫਿਲਮ ਵਿਚ ਉਨ੍ਹਾਂ ਦੇ ਨਾਲ ਜੋ ਆਨ ਸਕਰੀਨ ਹੋਇਆ ਸੀ ਉਹੋ ਜਿਹਾ ਹੀ ਕੁੱਝ ਉਨ੍ਹਾਂ ਦੀ ਰੀਅਲ ਜ਼ਿੰਦਗੀ ਵਿਚ ਵੀ ਹੋਇਆ ਹੈ। ਫਿਲਮ ਵਿਚ ਸਾਗਰਿਕਾ ਇੰਡੀਅਨ ਕ੍ਰਿਕੇਟ ਟੀਮ ਦੇ ਇਕ ਸਟਾਰ ਖਿਡਾਰੀ ਨਾਲ ਪਿਆਰ ਕਰਦੀ ਹੈ, ਉਥੇ ਹੀ ਸਾਗਰਿਕਾ ਦੇ ਰੀਅਲ ਜ਼ਿੰਦਗੀ ਵਿਚ ਵੀ ਕੁੱਝ ਅਜਿਹਾ ਹੀ ਹੋਇਆ।

ਤੀਜੀ ਫਿਲਮੀ ਗੱਲ ਇਹ ਹੈ ਕਿ ਉਹ ਦੋਵੇਂ ਹੀ ਮੁੰਬਈ ਦੇ ਹਨ। ਦੋਨਾਂ ਨੂੰ ਹੀ ਇਕ ਦੂਜੇ ਦਾ ਪ੍ਰੋਫੇਸ਼ਨ ਕਾਫ਼ੀ ਪਸੰਦ ਹੈ। ਸਾਗਰਿਕਾ ਵੈਸੇ ਤਾਂ ਇਕ ਅਦਾਕਾਰਾ ਹਨ ਪਰ ਉਨ੍ਹਾਂ ਨੂੰ ਕ੍ਰਿਕੇਟ ਦਾ ਖੇਡ ਦੀਵਾਨਗੀ ਦੀ ਹੱਦ ਤੱਕ ਪਸੰਦ ਹੈ। ਕੁੱਝ ਅਜਿਹਾ ਹੀ ਹਾਲ ਜਹੀਰ ਖਾਨ ਦਾ ਵੀ ਹੈ। ਜਹੀਰ ਖਾਨ ਕਰਿਕਟਰ ਹਨ ਅਤੇ ਥੋੜ੍ਹੇ ਸ਼ਰਮੀਲੇ ਵੀ ਹਨ ਪਰ ਉਹ ਬਾਲੀਵੁੱਡ ਦੇ ਵੱਡੇ ਦੀਵਾਨੇ ਹਨ।

ਇਸ ਤੋਂ ਵੀ ਖਾਸ ਗੱਲ ਦੱਸ ਦਈਏ ਕਿ ਖਬਰਾਂ ਦੇ ਅਨੁਸਾਰ ਜਹੀਰ ਨੇ ਅਪਣੇ ਘਰ ਵਾਲਿਆਂ ਨੂੰ ਅਪਣੀ ਅਤੇ ਸਾਗਰਿਕਾ ਦੇ ਵਿਆਹ ਲਈ ਬਹੁਤ ਮੁਸ਼ਕਲ ਨਾਲ ਮਨਾਇਆ। ਉਨ੍ਹਾਂ ਦੇ ਘਰਵਾਲਿਆਂ ਨੇ ਪਹਿਲਾਂ ਸਾਗਰਿਕਾ ਦੀ ਫਿਲਮ 'ਚਕ ਦੇ ਇੰਡੀਆ' ਦੀ ਸੀਡੀ ਮੰਗਵਾਈ ਅਤੇ ਪੂਰੀ ਫਿਲਮ ਵੇਖੀ ਤੱਦ ਉਸ ਤੋਂ ਬਾਅਦ ਹੀ ਉਨ੍ਹਾਂ ਨੇ ਵਿਆਹ ਲਈ ਹਾਂ ਬੋਲਿਆ।