ਸਲਮਾਨ ਖ਼ਾਨ ਦਾ ਨਵਾਂ ਗਾਣਾ ‘ਤੇਰੇ ਬਿਨ’ ਦਾ ਟੀਜ਼ਰ ਹੋਇਆ ਰੀਲੀਜ਼, ਲੋਕ ਕਰ ਰਹੇ ਨੇ ਖੂਬ ਪਸੰਦ
ਬਾਲੀਵੁੱਡ ਦੇ ਸੁਲਤਾਨ ਸਲਮਾਨ ਖ਼ਾਨ ਫਿਲਮਾਂ ਦੇ ਨਾਲ-ਨਾਲ ਗਾਣਿਆਂ ਦੇ ਜ਼ਰੀਏ ਵੀ ਆਪਣੇ ਫੈਂਸ ਨੂੰ ਅਕਸਰ ਖੁਸ਼ ਕਰਦੇ ਆ ਰਹੇ ਹਨ।
ਨਵੀਂ ਦਿੱਲੀ : ਬਾਲੀਵੁੱਡ ਦੇ ਸੁਲਤਾਨ ਸਲਮਾਨ ਖ਼ਾਨ ਫਿਲਮਾਂ ਦੇ ਨਾਲ-ਨਾਲ ਗਾਣਿਆਂ ਦੇ ਜ਼ਰੀਏ ਵੀ ਆਪਣੇ ਫੈਂਸ ਨੂੰ ਅਕਸਰ ਖੁਸ਼ ਕਰਦੇ ਆ ਰਹੇ ਹਨ। ਪਹਿਲਾਂ ਵੀ ਕਈ ਫਿਲਮਾਂ ਵੀ ਸਲਮਾਨ ਖ਼ਾਨ ਦੀ ਗਾਇਕੀ ਸੁਣਨ ਨੂੰ ਮਿਲੀ ਹੈ ਹੁਣ ਇਕ ਵਾਰ ਫਿਰ ਸਲਮਾਨ ਖ਼ਾਨ ਇਕ ਨਵਾਂ ਗਾਣਾ ਲੈ ਕੇ ਆ ਰਹੇ ਹਨ। ਇਸ ਗਾਣੇ ਦਾ ਨਾਮ ‘ਤੇਰੇ ਬਿਨ’ ਹੈ ਜਿਸ ਦਾ ਹਾਲਹੀ ਵਿਚ ਟੀਜ਼ਰ ਰੀਲੀਜ਼ ਹੋਇਆ ਹੈ। ਇਸ ਗਾਣੇ ਵਿਚ ਸਲਮਾਨ ਖ਼ਾਨ ਜੈਕਲੀਨ ਫਰਟੈਂਡਿੰਸ ਨਾਲ ਰੋਮਾਂਸ ਕਰਦੇ ਹੋਏ ਨਜ਼ਰ ਆ ਰਹੇ ਹਨ।
ਇਸ ਦੇ ਟੀਜ਼ਰ ਵਿਚ ਸਲਮਾਨ ਖਾਨ ਅਤੇ ਜੈਕਲੀਨ ਦੀ ਸ਼ਾਨਦਾਰ ਕੈਮਿਸਟਰੀ ਦੇਖਣ ਨੂੰ ਮਿਲ ਰਹੀ ਹੈ। ਇਸ ਤੋਂ ਇਲਾਵਾ ਸਲਮਾਨ ਖਾਨ ਦੀ ਅਵਾਜ਼ ਵੀ ਕਾਫੀ ਪ੍ਰਭਾਵਿਤ ਕਰ ਰਹੀ ਹੈ। ਹੁਣ ਜਾਹਿਰ ਜਿਹੀ ਗੱਲ ਹੈ ਕਿ ਟੀਜ਼ਰ ਆਉਂਣ ਤੋਂ ਬਆਦ ਸਲਮਾਨ ਖਾਨ ਦੇ ਫੈਂਸ ਵਿਚ ਇਸ ਗਾਣੇ ਨੂੰ ਲੈ ਕੇ ਉਤਸੁਕਤਾ ਵੱਧ ਗਈ ਹੈ। ਲੋਕ ਬੜੀ ਬੇਸਬਰੀ ਨਾਲ ਇਸ ਗਾਣੇ ਦੀ ਉਡੀਕ ਕਰ ਰਹੇ ਹਨ। ਹੁਣ ਜੇਕਰ ਇਸ ਗਾਣੇ ਦੇ ਨਿਰਦੇਸ਼ਨ ਦੀ ਗੱਲ ਕਰੀਏ ਤਾਂ ਇਸ ਦਾ ਨਿਰਦੇਸ਼ਨ ਸਲਮਾਨ ਖ਼ਾਨ ਵੱਲੋਂ ਖੁਦ ਹੀ ਕੀਤਾ ਗਿਆ ਹੈ
ਅਤੇ ਇਸ ਗਾਣੇ ਨੂੰ ਗਾਇਆ ਵੀ ਸਲਮਾਨ ਨੂੰ ਖੁਦ ਹੀ ਹੈ। ਇਸ ਗਾਣੇ ਦੇ ਬੋਲ ਸ਼ਬੀਰ ਅਹਿਮਦ ਵੱਲੋਂ ਲਿਖੇ ਗਏ ਹਨ ਅਤੇ ਇਸ ਗਾਣੇ ਨੂੰ ਮਿਊਜਿਕ ਅਜੇ ਭਾਟੀਆ ਵੱਲੋਂ ਦਿੱਤਾ ਗਿਆ ਹੈ। ਦੱਸ ਦੱਈਏ ਕਿ ਸਲਮਾਨ ਦੇ ਇਹ ਗਾਣਾ ਯੂਟਿਊਬ ਤੇ 12 ਮਈ ਨੂੰ ਲਾਂਚ ਕੀਤਾ ਜਾਵੇਗਾ। ਦੱਸ ਦੱਈਏ ਕਿ ਲੌਕਡਾਊਨ ਦੇ ਕਾਰਨ ਸਲਮਾਨ ਖਾਨ ਆਪਣੇ ਪਨਵਾਲ ਸਥਿਤ ਫਾਰਮ ਹਾਊਸ ਵਿਚ ਆਪਣੇ ਪਰਿਵਾਰ ਦੇ ਕੁਝ ਮੈਂਬਰਾਂ ਅਤੇ ਆਪਣੇ ਕੁਝ ਕਰੀਬੀ ਦੋਸਤਾਂ ਨੂੰ ਰਹਿ ਰਹੇ ਹਨ।
ਇਸ ਤੋਂ ਇਲਾਵਾ ਸਲਮਾਨ ਇਸ ਲੌਕਡਾਊਨ ਦੇ ਸਮੇਂ ਵਿਚ ਸੋਸ਼ਲ ਮੀਡੀਆ ਦੇ ਜ਼ਰੀਏ ਆਪਣੇ ਚਹਾਉਣ ਵਾਲਿਆਂ ਨਾਲ ਗੱਲਬਾਤ ਕਰ ਰਹੇ ਹਨ। ਇਸ ਗੱਲਬਾਤ ਦੌਰਾਨ ਉਨ੍ਹਾਂ ਵੱਲੋਂ ਲੋਕਾਂ ਨੂੰ ਸੋਸ਼ਲ ਡਿਸਟੈਸਿੰਗ ਅਤੇ ਲੌਕਡਾਊਨ ਦੇ ਨਿਯਮਾਂ ਦੀ ਪਲਣਾ ਕਰਨ ਬਾਰੇ ਵੀ ਕਿਹਾ ਜਾ ਰਿਹਾ ਹੈ। ਅਜਿਹੇ ਮੁਸ਼ਕਿਲ ਸਮੇਂ ਵਿਚ ਉਹ ਲੋਕਾਂ ਦੀ ਮਦਦ ਵੀ ਕਰ ਰਹੇ ਹਨ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।