Manoj Joshi to play Amit Shah Role

ਮੁੰਬਈ : ਪਿਛਲੇ ਕੁੱਝ ਦਿਨਾਂ ਤੋਂ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਬਾਇਓਪਿਕ ਕਾਫ਼ੀ ਚਰਚਾ ਵਿਚ ਹੈ। ਇਸ ਫ਼ਿਲਮ ਵਿਚ ਵਿਵੇਕ ਓਬੇਰਾਏ, ਪੀਐਮ ਨਰਿੰਦਰ ਮੋਦੀ ਦੀ ਭੂਮਿਕਾ ਨਿਭਾਉਣ ਜਾ ਰਹੇ ਹਨ। ਹਾਲ ਵਿਚ ਖਬਰ ਆਈ ਸੀ ਕਿ ਇਸ ਫ਼ਿਲਮ ਵਿਚ ਐਕਟਰੈਸ ਬਾਰਸ਼ ਬਿਸ਼ਟ, ਨਰਿੰਦਰ ਮੋਦੀ ਦੀ ਪਤਨੀ ਜਸੋਦਾਬੇਨ ਦੇ ਕਿਰਦਾਰ ਵਿਚ ਨਜ਼ਰ ਆਉਣਗੀ। ਹੁਣ ਇਹ ਵੀ ਸਾਹਮਣੇ ਆ ਗਿਆ ਹੈ ਕਿ ਕਿਹੜੇ ਐਕਟਰ ਫਿਲਮ ਵਿਚ ਬੀਜੇਪੀ ਦੇ ਮੌਜੂਦਾ ਪ੍ਰਧਾਨ ਅਮਿਤ ਸ਼ਾਹ ਦਾ ਕਿਰਦਾਰ ਨਿਭਾਉਣ ਜਾ ਰਹੇ ਹਨ।

ਖਬਰ ਹੈ ਕਿ ਫਿਲਮਾਂ ਅਤੇ ਥਿਏਟਰ ਦੇ ਮਸ਼ਹੂਰ ਐਕਟਰ ਮਨੋਜ ਜੋਸ਼ੀ ਇਸ ਬਾਇਓਪਿਕ ਵਿਚ ਅਮਿਤ ਸ਼ਾਹ ਦੇ ਕਿਰਦਾਰ ਵਿਚ ਵਿਖਾਈ ਦੇਣਗੇ। ਹਾਲ ਹੀ 'ਚ ਮਨੋਜ ਨੇ ਮੁੰਬਈ ਵਿਚ ਇਸ ਫਿਲਮ ਦੀ ਸ਼ੂਟਿੰਗ ਵੀ ਸ਼ੁਰੂ ਕਰ ਦਿਤੀ ਹੈ। ਉਨ੍ਹਾਂ ਨੇ ਕਿਹਾ ਕਿ ਜਿਵੇਂ ਹੀ ਉਨ੍ਹਾਂ ਨੂੰ ਇਸ ਰੋਲ ਦਾ ਆਫ਼ਰ ਆਇਆ ਤਾਂ ਉਨ੍ਹਾਂ ਨੇ ਹੋਰ ਪ੍ਰਾਜੈਕਟਸ ਹੱਥ ਵਿਚ ਹੋਣ ਦੇ ਬਾਵਜੂਦ ਤੁਰਤ ਇਸਦੇ ਲਈ ਹਾਮੀ ਭਰ ਦਿਤੀ। ਮਨੋਜ ਨੇ ਕਿਹਾ, ਇਹ ਪਹਿਲੀ ਵਾਰ ਹੋਵੇਗਾ ਜਦੋਂ ਕਿ ਮੈਂ ਕਿਸੇ ਜਿੰਦਾ ਵਿਅਕਤੀ ਦਾ ਕਿਰਦਾਰ ਪਰਦੇ 'ਤੇ ਨਿਭਾਉਣ ਜਾ ਰਿਹਾ ਹਾਂ।

ਲੋਕਾਂ ਨੂੰ ਮੋਦੀ ਦੀ ਬਾਇਓਪਿਕ ਦਾ ਬੇਸਬਰੀ ਨਾਲ ਇੰਤਜ਼ਾਰ ਹੈ ਅਤੇ ਮੈਨੂੰ ਖੁਸ਼ੀ ਹੈ ਕਿ ਮੈਂ ਅਮਿਤ ਸ਼ਾਹ ਦਾ ਮਹੱਤਵਪੂਰਣ ਕਿਰਦਾਰ ਫਿਲਮ ਵਿਚ ਨਿਭਾਉਣ ਜਾ ਰਿਹਾ ਹਾਂ। ਉਨ੍ਹਾਂ ਨੇ ਕਿਹਾ ਕਿ ਉਹ ਅਸਲ ਜ਼ਿੰਦਗੀ ਵਿਚ ਰਾਜਨੀਤਿਕ ਘਟਨਾਕ੍ਰਮ ਬਾਰੇ ਪੜ੍ਹਦੇ ਰਹਿੰਦੇ ਹਾਂ।  ਕਾਮਦੇਵ ਨੇ ਕਿਹਾ ਕਿ ਹਮੇਸ਼ਾ ਇਹ ਜਾਨਣਾ ਜ਼ਰੂਰੀ ਹੁੰਦਾ ਹੈ ਕਿ ਤੁਹਾਡੇ ਦੇਸ਼ ਵਿਚ ਕੀ ਹੋ ਰਿਹਾ ਹੈ।  

ਮਨੋਜ ਜੋਸ਼ੀ ਨੇ ਕਿਹਾ ਕਿ ਉਨ੍ਹਾਂ ਦੀ ਨਜ਼ਰ 'ਚ ਅਮਿਤ ਸ਼ਾਹ ਇਕ ਚੰਗੇ ਸੰਗਠਨਕਰਤਾ ਹਨ। ਫ਼ਿਲਮ ਬਾਰੇ ਅਪਣੀ ਤਿਆਰਿਆਂ 'ਤੇ ਉਨ੍ਹਾਂ ਨੇ ਕਿਹਾ ਕਿ ਮੈਂ ਅਮਿਤ ਸ਼ਾਹ ਦੇ ਭਾਸ਼ਣਾਂ ਨੂੰ ਸੁਣ ਰਿਹਾ ਹਾਂ ਅਤੇ ਉਨ੍ਹਾਂ ਬਾਰੇ 'ਚ ਜ਼ਿਆਦਾ ਜਾਣਨ ਦੀ ਕੋਸ਼ਿਸ਼ ਕਰ ਰਿਹਾ ਹਾਂ। ਅਸੀਂ ਬਹੁਤ ਜ਼ਰੂਰੀ ਪੈਣ 'ਤੇ ਹੀ ਮੇਕਅਪ ਦਾ ਇਸਤੇਮਾਲ ਕਰਾਂਗੇ। ਜਿਵੇਂ - ਜਿਵੇਂ ਫਿਲਮ ਅੱਗੇ ਵਧੇਗੀ ਤਾਂ ਉਸ ਵਿਚ ਮੇਰੀ ਵੱਖ - ਵੱਖ ਹੇਅਰਸਟਾਇਲ ਵੀ ਨਜ਼ਰ ਆਵੇਗੀ।