ਟੀਜ਼ਰ ਦੀ ਸ਼ੁਰੂਆਤ ਸਲਮਾਨ ਦੇ ਵਾਇਸ ਓਵਰ ਨਾਲ ਹੁੰਦੀ ਹੈ, ਜਿਸ ਵਿਚ ਉਹ ਕਹਿੰਦੇ ਹਨ, ਅਕਸਰ ਲੋਕ ਮੇਰੇ ਤੋਂ ਪੁੱਛਦੇ ਹਨ ਕਿ ਮੇਰਾ ਸਰਨੇਮ ਕੀ ਹੈ, ਜਾਤੀ ਕੀ ਹੈ, ਧਰਮ ਕੀ ਹੈ ਅਤੇ ਮੈਂ ਉਨ੍ਹਾਂ ਨੂੰ ਹੱਸ ਕੇ ਕਹਿੰਦਾ ਹਾਂ ਕਿ ਇਸ ਦੇਸ਼ ਦੇ ਨਾਮ ਉਤੇ ਬਾਬੂਜੀ ਨੇ ਮੇਰਾ ਨਾਮ ਭਾਰਤ ਰੱਖਿਆ। ਹੁਣ ਇਨ੍ਹੇ ਵੱਡੇ ਨਾਮ ਦੇ ਅੱਗੇ ਜਾਤੀ, ਧਰਮ ਜਾਂ ਸਰਨੇਮ ਲਗਾਕੇ ਨਾ ਤਾਂ ਅਪਣਾ ਅਤੇ ਨਾ ਹੀ ਇਸ ਦੇਸ਼ ਦਾ ਮਾਨ ਘੱਟ ਕਰ ਸਕਦਾ ਹਾਂ।  

ਇਹ ਡਾਇਲਾਗ ਜਿਨ੍ਹਾਂ ਜਾਨਦਾਰ ਹੈ ਓਨੀ ਹੀ ਧਾਕੜ ਸਲਮਾਨ ਦੀ ਐਂਟਰੀ ਅਤੇ ਉਨ੍ਹਾਂ ਦਾ ਲੁਕ ਹੈ। ਹਾਲਾਂਕਿ ਫਿਲਮ ਦੀ ਕਹਾਣੀ ਆਜ਼ਾਦੀ ਦੇ ਵਕਤ ਦੀ ਹੈ ਅਤੇ ਸ਼ਾਇਦ ਇਸ ਲਈ ਮੇਕਰਸ ਨੇ ਫਿਲਮ ਦੇ ਟੀਜ਼ਰ ਨੂੰ ਗਣਤੰਤਰ ਦਿਨ ਦੇ ਇਕ ਦਿਨ ਪਹਿਲਾਂ ਰਿਲੀਜ਼ ਕੀਤਾ ਹੈ। ਫਿਲਮ ਵਿਚ ਭਲੇ ਹੀ ਹੋਰ ਵੀ ਕਲਾਕਾਰ ਹੋਣ ਪਰ ਟੀਜ਼ਰ ਵਿਚ ਸਿਰਫ ਸਲਮਾਨ ਨੂੰ ਹੀ ਜਗ੍ਹਾ ਦਿਤੀ ਗਈ ਹੈ।  

ਸਲਮਾਨ ਦਾ ਅੰਦਾਜ਼ ਫੈਂਸ ਨੂੰ ਪ੍ਰਭਾਵਿਤ ਕਰ ਰਿਹਾ ਹੈ। ਰਿਲੀਜ਼ ਕੀਤੇ ਜਾਣ ਦੇ ਕੁਝ ਮਿੰਟ ਬਾਅਦ ਹੀ ਭਾਰਤ ਦਾ ਟੀਜ਼ਰ ਸੋਸ਼ਲ ਮੀਡੀਆ ਉਤੇ ਵਾਇਰਲ ਹੋ ਗਿਆ ਹੈ ਅਤੇ ਫੈਂਸ ਖੂਬ ਕਮੈਂਟ ਕਰ ਰਹੇ ਹਨ। ਭਾਰਤ ਨੂੰ ਅਲੀ ਅੱਬਾਸ ਜਜ਼ਫਰ ਨੇ ਡਾਇਰੈਕਟ ਕੀਤਾ ਹੈ ਅਤੇ ਇਹ ਕੋਰਿਅਨ ਫਿਲਮ 'ਓਡ ਟੁ ਮਾਈ ਫਾਦਰ' ਦੀ ਰੀਮੇਕ ਹੈ, ਜੋ ਸਾਲ 2014 ਵਿਚ ਰਿਲੀਜ਼ ਹੋਈ ਸੀ। ਫਿਲਮ ਵਿਚ ਤਬੂ ਅਤੇ ਜੈਕੀ ਸ਼ਰਾਫ ਵੀ ਨਜ਼ਰ ਆਉਣਗੇ।