Twinkle Khanna

ਮੁੰਬਈ (ਭਾਸ਼ਾ) : ਸੁਪਰਸਟਾਰ ਰਾਜੇਸ਼ ਖੰਨਾ ਅਤੇ ਡਿੰਪਲ ਕਪਾਡੀਆ ਦੀ ਧੀ ਅਤੇ ਬਾਲੀਵੁੱਡ ਦੇ ਖਿਡਾਰੀ ਅਕਸ਼ੈ ਕੁਮਾਰ ਦੀ ਪਤਨੀ ਅਦਾਕਾਰਾ ਟਵਿੰਕਲ ਖੰਨਾ ਸਿਲਵਰ ਸਕਰੀਨ ਤੋਂ  ਦੂਰ ਹੋਣ ਦੇ ਬਾਅਦ ਵੀ ਸੁਰਖੀਆਂ ਵਿਚ ਬਣੀ ਰਹਿੰਦੀ ਹੈ। ਉਨ੍ਹਾਂ ਦੀ ਜਿੰਦਗੀ ਜੀਣ ਦਾ ਅੰਦਾਜ ਹੀ ਕੁੱਝ ਅਜਿਹਾ ਹੈ ਕਿ ਲੋਕ ਉਨ੍ਹਾਂ ਦੀ ਹਰ ਗੱਲ ਜਾਨਣ ਲਈ ਉਤਸਕ ਰਹਿੰਦੇ ਹਨ। ਟਵਿੰਕਲ ਅਪਣੀ ਅਦਾਕਾਰੀ, ਖੂਬਸੂਰਤੀ ਅਤੇ ਇੰਟੇਲੀਜੈਂਸੀ ਦੇ ਨਾਲ ਅਪਣੀ ਹਾਜਰ ਜਵਾਬੀ ਲਈ ਵੀ ਚਰਚਾ ਵਿਚ ਰਹਿੰਦੀ ਹੈ।

ਅੱਜ ਟਵਿੰਕਲ ਦੇ 44ਵੇਂ ਜਨਮਦਿਨ 'ਤੇ ਜਾਂਣਦੇ ਹਾਂ ਉਨ੍ਹਾਂ ਦੇ ਬਾਰੇ ਵਿਚ ਅਜਿਹੀ ਹੀ ਕੁੱਝ ਖਾਸ ਗੱਲਾਂ.... ਬਾਲੀਵੁਡ ਦੀਆਂ ਕਈਆਂ ਅਭਿਨੇਤਰੀਆਂ ਨੇ ਵਿਆਹ ਤੋਂ ਬਾਅਦ ਅਪਣਾ ਸਰਨੇਮ ਨਹੀਂ ਬਦਲਿਆ, ਇਹਨਾਂ ਵਿਚੋਂ ਹੀ ਇਕ ਹੈ ਟਵਿੰਕਲ ਖੰਨਾ। ਪਰ ਇਸ ਗੱਲ 'ਤੇ ਕਈ ਵਾਰ ਉਨ੍ਹਾਂ 'ਤੇ ਸਵਾਲੀਆ ਨਿਸ਼ਾਨ ਲਗਾਏ ਗਏ ਹਨ। ਹਾਲ ਹੀ ਵਿਚ ਇਕ ਸੋਸ਼ਲ ਮੀਡੀਆ ਫਾਲੋਅਰ ਨੇ ਵਾਰ ਵਾਰ ਟਵਿੰਕਲ ਤੋਂ ਇਸ ਸਵਾਲ ਨੂੰ ਪੁੱਛਿਆ ਤਾਂ ਟਵਿੰਕਲ ਨੇ ਉਸ ਨੂੰ ਮੂੰਹ ਤੋੜ ਜਵਾਬ ਦੇ ਕੇ ਸੱਭ ਦਾ ਦਿਲ ਜਿੱਤ ਲਿਆ।

ਦਰਅਸਲ ਸੋਸ਼ਲ ਮੀਡੀਆ 'ਤੇ ਇਕ ਵਿਅਕਤੀ ਨੇ ਟਵਿੰਕਲ ਨੂੰ ਟੈਗ ਕਰਕੇ ਪੁੱਛਿਆ, ‘ਹੁਣ ਟਵਿੰਕਲ ਖੰਨਾ ਕਿਉਂ, ਹੁਣ ਤਾਂ ਤੁਸੀਂ ਕੁਮਾਰ ਹੋ ਨਾ ? ’ ਅਤੇ ਅਜਿਹੇ ਟਵੀਟ ਉਨ੍ਹਾਂ ਨੇ ਕਈ ਵਾਰ ਕੀਤੇ। ਇਸ ਦੇ ਜਵਾਬ ਵਿਚ ਟਵਿੰਕਲ ਨੇ ਟਵੀਟ ਕਰਦੇ ਹੋਏ ਲਿਖਿਆ, ‘ਬਹੁਤ ਸਾਰੇ ਲੋਕਾਂ ਨੇ ਪਹਿਲਾਂ ਵੀ ਇਹ ਸਵਾਲ ਕੀਤਾ ਹੈ ਪਰ ਇਨ੍ਹਾਂ ਬੇਹੂਦਾ ਤਰੀਕੇ ਨਾਲ ਨਹੀਂ ਜਿਵੇਂ ਕ‌ਿ ਇਸ ਨੇ ਕੀਤਾ ਹੈ।

ਮੇਰਾ ਸਰਨੇਮ ਖੰਨਾ ਹੈ ਅਤੇ ਹਮੇਸ਼ਾ ਰਹੇਗਾ। ਟਵਿੰਕਲ ਅਪਣੀ ਮਾਂ ਡਿੰਪਲ ਕਪਾਡੀਆ ਦੇ ਨਕਸ਼ੇ ਕਦਮ 'ਤੇ ਹੈ। ਪੁਰਾਣੇ ਸਮੇਂ ਵਿਚ ਹੋਣ ਦੇ ਬਾਵਜੂਦ ਡਿੰਪਲ ਕਪਾਡੀਆ ਨੇ ਵਿਆਹ ਤੋਂ ਬਾਅਦ ਪਤੀ ਰਾਜੇਸ਼ ਖੰਨਾ ਦਾ ਸਰਨੇਮ ਨਹੀਂ ਲਗਾਇਆ ਸੀ। ਕੁੱਝ ਸਮਾਂ ਪਹਿਲਾਂ ਵੀ ਟਵਿੰਕਲ ਨੇ ਮੀਡੀਆ ਨਾਲ ਗੱਲ ਕਰਦੇ ਹੋਏ ਕਿਹਾ ਸੀ, ‘ਮੈਂ ਅਪਣਾ ਸਰਨੇਮ ਖੰਨਾ ਤੋਂ ਕੁਮਾਰ ਕਿਉਂ ਨਹੀਂ ਕੀਤਾ, ਇਸ ਦਾ ਜਵਾਬ ਹਮੇਸ਼ਾ ਇਕ ਹੀ ਹੋਵੇਗਾ।

ਮੇਰਾ ਵਿਆਹ ਹੋਇਆ ਹੈ ਨਾ ਕਿ ਮੈਂ ਕੋਈ ਬਰੈਂਡ ਬਣੀ ਹਾਂ। ਮੈਂ ਕੋਈ ਛੋਟੀ ਕੰਪਨੀ ਨਹੀਂ ਹਾਂ ਜਿਸ ਦਾ ਵੱਡੀ ਕੰਪਨੀ ਨੇ ਟੇਕਓਵਰ ਕਰ ਲਿਆ ਹੈ ਅਤੇ ਹੁਣ ਮੈਨੂੰ ਅਪਣਾ ਬਰੈਂਡ ਨੇਮ ਚੇਂਜ ਕਰਨਾ ਹੋਵੇਗਾ। ਦੱਸ ਦਈਏ ਕਿ ਟਵਿੰਕਲ ਖੰਨਾ ਦੀ ਫੈਂਸ ਫਾਲੋਇੰਗ ਸੋਸ਼ਲ ਮੀਡੀਆ 'ਤੇ ਜਬਰਦਸਤ ਹੈ।

ਹਾਲ ਹੀ ਵਿਚ  # MeToo ਅਭਿਆਨ ਵਿਚ ਤਨੁਸ਼ਰੀ ਦੱਤਾ ਦੇ ਪੱਖ ਵਿਚ ਬੋਲਣ ਵਾਲਿਆਂ ਵਿਚ ਸੱਭ ਤੋਂ ਅੱਗੇ ਰਹਿਣ 'ਤੇ ਟਵਿੰਕਲ ਨੇ ਤਾਰੀਫਾਂ ਬਟੋਰੀਆਂ ਸਨ, ਤਾਂ ਉਥੇ ਹੀ ਅਪਣੀ ਤਿੰਨ ਕਿਤਾਬਾਂ ਤੋਂ ਉਹ ਇਕ ਅਦਾਕਾਰਾ ਦੇ ਨਾਲ ਹੁਣ ਰਾਈਟਰ ਦੇ ਤੌਰ 'ਤੇ ਵੀ ਜਾਣੀ ਜਾਂਦੀ ਹੈ।