ਚੰਡੀਗੜ੍ਹ (ਸਸਸ): ਦੁਨਿਆ ਵਿਚ ਬਹੁਤ ਸਾਰੇ ਕਲਾਕਾਰ ਅਤੇ ਅਦਾਕਾਰ ਅਜਿਹੇ ਹਨ ਜਿਨ੍ਹਾਂ ਨੇ ਅਪਣੀ ਇੰਡਸਟਰੀ ਵਿਚ ਅਪਣਾ ਰੋਹਬ ਜਮਾਇਆ ਹੋਇਆ ਹੈ। ਇਹ ਅਦਾਕਾਰ ਦੀ ਖਾਸ ਗੱਲ ਵੀ ਹੁੰਦੀ ਹੈ ਕਿ ਉਸ ਦੀ ਪਹਿਚਾਣ ਉਸ ਦੇ ਵੱਖਰੇ ਅੰਦਾਜ਼ ਤੋਂ ਕੀਤੀ ਜਾਂਦੀ ਹੈ। ਪਾਲੀਵੁੱਡ ਸਿਨੇਮਾ ਦਾ ਅਜਿਹੇ ਹੀ ਅਦਾਕਾਰ ਦੀ ਅਸੀਂ ਗੱਲ ਕਰਨ ਲੱਗੇ ਹਾਂ ਜਿਸ ਨੇ ਅਪਣੀਆਂ ਅੱਖਾਂ, ਮੁੱਛਾਂ ਦੇ ਨਾਲ ਸਰੋਤਿਆਂ ਉਤੇ ਕਹਿਰ ਢਾਇਆ ਹੋਇਆ ਹੈ। ਜੀ ਹਾਂ, ਅਸੀਂ ਗੱਲ ਕਰ ਕੇ ਅੰਮ੍ਰਿਤ ਮਾਨ ਦੀ ਜੋ ਕਿ ਇੰਸਟਾਗਰਾਮ ਉਤੇ ਅਪਣੀਆਂ ਤਸਵੀਰਾਂ ਨਾਲ ਦਿਖਾ ਦਿੰਦੇ ਹਨ ਕਿ ਅਸਲੀ ਰੋਹਬ ਕਿਸ ਨੂੰ ਕਹਿੰਦੇ ਹਨ।
ਅੰਮ੍ਰਿਤ ਮਾਨ ਦਾ ਵੱਖਰਾ ਅੰਦਾਜ਼ ਦੇਖ ਕੇ ਲੱਗਦਾ ਹੈ ਕਿ ਇਨ੍ਹਾਂ ਤਸਵੀਰਾਂ ਨਾਲ ਉਹ ਅਪਣੇ ਸਰੋਤਿਆਂ ਨੂੰ ਬੇਹੋਸ਼ ਕਰਨਗੇ। ‘ਆਟੇ ਦੀ ਚੀੜੀ’ ਨਾਲ ਲੋਕਾਂ ਨੂੰ ਦੱਸ ਦਿਤਾ ਹੈ ਕਿ ਅੰਮ੍ਰਿਤ ਮਾਨ ਵੀ ਕਿਸੇ ਨਾਲੋਂ ਘੱਟ ਨਹੀਂ ਹਨ। ਇਹ ਫਿਲਮ ਕੁਝ ਕੁ ਦਿਨ ਪਹਿਲਾ ਮਸ਼ਹੂਰ ਹੋਈ ਸੀ ਜਿਸ ਨੇ ਚੰਗੀ ਕਮਾਈ ਕੀਤੀ ਹੈ। ਇਹ ਫਿਲਮ ਪੰਜਾਬੀ ਸੱਭਿਆਚਾਰ ਉਤੇ ਬਣੀ ਹੋਈ ਸੀ ਜੋ ਕਿ ਪੰਜਾਬੀ ਲੋਕਾਂ ਨੂੰ ਇਕ ਭਾਵੁਕ ਸੁਨੇਹਾ ਦਿੰਦੀ ਹੈ ਕਿ ਅਪਣੇ ਸੱਭਿਆਚਾਰ ਨੂੰ ਕਦੇ ਭੁੱਲਣਾ ਨਹੀਂ ਚਾਹੀਦਾ। ਅੰਮ੍ਰਿਤ ਮਾਨ ਲੋਕਾਂ ਨੂੰ ਅਪਣੇ ਸੱਭਿਆਚਾਰ ਨਾਲ ਜੋੜ ਕੇ ਰੱਖਣ ਦੇ ਯਤਨ ਕਰਦੇ ਰਹਿੰਦੇ ਹਨ।
ਅੰਮ੍ਰਿਤ ਮਾਨ ਨੇ ਪੰਜਾਬੀ ਗੀਤਾਂ ਵਿਚ ਅਪਣੀ ਪਕੜ ਬਣਾਈ ਹੋਈ ਹੈ। ਜਿਥੇ ਅਦਾਕਾਰੀ ਨਾਲ ਰੰਗ ਬਿਖੇਰੇ ਹਨ ਉਥੇ ਅਪਣੀ ਕਲਮ ਨਾਲ ਵੀ ਰੰਗ ਬਿਖੇਰੇ ਹਨ। ਦੱਸ ਦਈਏ ਕਿ ਅੰਮ੍ਰਿਤ ਮਾਨ ਕਲਾਕਾਰੀ ਅਤੇ ਅਦਾਕਾਰੀ ਤੋਂ ਬਗੈਰ ਚੰਗੇ ਗੀਤਕਾਰ ਵੀ ਹਨ।
ਅੰਮ੍ਰਿਤ ਮਾਨ ਨੇ ਬਹੁਤ ਸਾਰੇ ਪੰਜਾਬੀ ਨਾਮੀ ਕਲਾਕਾਰਾਂ ਨੂੰ ਅਪਣੇ ਲਿਖੇ ਹੋਏ ਗੀਤ ਦਿਤੇ ਹਨ। ਪੰਜਾਬੀ ਇੰਡਸਟਰੀ ਵਿਚ ਹੁਣ ਤਾਂ ਅਪਣੀ ਰੋਹਬ ਵਾਲੀ ਪਹਿਚਾਣ ਬਣਾ ਚੁੱਕੇ ਹਨ।