Karan Diljeet Badsha

ਮੁੰਬਈ (ਭਾਸ਼ਾ) : 'ਕਰਨ ਜੌਹਰ' ਦਾ ਚੈਟ ਸ਼ੋ 'ਕਾਫ਼ੀ ਵਿਦ ਕਰਨ' ਦਾ ਅੱਜ ਕੱਲ੍ਹ ਛੇਵਾਂ ਸੀਜ਼ਨ ਚਲ ਰਿਹਾ ਹੈ। ਇਸ ਸੀਜ਼ਨ 'ਚ ਹੁਣ ਤਕ ਕਈ ਗੈਸਟ 'ਕਰਨ' ਦੇ ਚਟਪਟੇ ਅਤੇ ਗੋਸਿਪ ਨਾਲ ਭਰੇ ਸਵਾਲਾਂ ਦਾ ਜਵਾਬ ਦਿੰਦੇ ਨਜ਼ਰ ਆ ਚੁੱਕੇ ਹਨ। ਇਸ ਵਾਰ ਕਰਨ ਦੇ ਸ਼ੋਅ ਉੱਤੇ ਪੰਜਾਬੀ ਗਾਇਕੀ ਦੇ ਸਮਰਾਟ 'ਦਿਲਜੀਤ ਦੋਸਾਂਝ' ਅਤੇ 'ਬਾਦਸ਼ਾਹ' ਆਉਣ ਵਾਲੇ ਹਨ।

ਹਾਲ ਹੀ ਵਿਚ ਸ਼ੋਅ ਦੇ ਮੇਕਰਸ ਨੇ ਇਨ੍ਹਾਂ ਦੇ ਐਪੀਸੋਡ  ਦੇ ਦੋ ਪ੍ਰੋਮੋ ਰਿਲੀਜ਼ ਕੀਤੇ। ਇਹ ਪ੍ਰੋਮੋ ਨੂੰ ਵੇਖ ਕੇ ਕਿਹਾ ਜਾ ਸਕਦਾ ਹੈ ਕਿ 'ਕਰਨ' 'ਦਿਲਜੀਤ' ਅਤੇ 'ਬਾਦਸ਼ਾਹ' ਦੇ ਵਿਚ ਦੀ ਗੱਲਬਾਤ ਕਾਫ਼ੀ ਮਜ਼ੇਦਾਰ ਰਹੀ ਹੋਵੇਗੀ।ਪ੍ਰੋਮੋ ਦੀ ਸ਼ੁਰੁਆਤ 'ਚ 'ਦਿਲਜੀਤ' ਆਪਣੇ ਬਚਪਨ ਦੀ ਇਕ ਯਾਦ ਸਾਂਝੀ ਕਰਦੇ ਹਨ। 'ਦਿਲਜੀਤ' ਨੇ ਕਰਨ ਨੂੰ ਦੱਸਿਆ ਕਿ ਕਿਵੇਂ ਉਹ ਬਚਪਨ ਵਿਚ ਅਰਦਾਸ ਕਰਦੇ ਸਨ ਕਿ ਦੁਨੀਆ 'ਚ ਉਨ੍ਹਾਂ ਨੂੰ ਸਾਰੇ ਲੋਕ ਜਾਨਣ।

ਇਸਦੇ ਬਾਅਦ 'ਕਰਨ' 'ਬਾਦਸ਼ਾਹ' ਨੂੰ ਪੁੱਛਦੇ ਹਨ ਕਿ ਬਾਲੀਵੁੱਡ ਵਿਚ ਉਹ ਕਿਹੜੀ ਗਲਤੀ ਹੈ ਜਿਹਨੂੰ ਉਹ ਦਹੁਰਾਉਣਾ ਨਹੀਂ ਚਾਹੁੰਦੇ? ਜਵਾਬ ਵਿਚ 'ਬਾਦਸ਼ਾਹ' ਨੇ ਕਿਹਾ ਕਿ ਉਹ 'ਬਾਰ-ਬਾਰ ਦੇਖੋ' ਵਰਗੀ ਫਿਲਮਾਂ ਲਈ ਗੀਤ ਨਹੀਂ ਗਾਉਣਾ ਚਾਹੁੰਦੇ।  ਦੂਜੇ ਪ੍ਰੋਮੋ ਦੀ ਸ਼ੁਰੁਆਤ 'ਚ ਜਿਥੇ 'ਕਰਨ' ਦਰਸ਼ਕਾਂ ਨੂੰ ਦਸਦੇ ਹਨ ਕਿ 'ਦਿਲਜੀਤ' ਅਤੇ 'ਬਾਦਸ਼ਾਹ' ਫ਼ੈਸ਼ਨ ਨੂੰ ਕਾਫ਼ੀ ਚੰਗੇ ਤਰੀਕੇ ਨਾਲ ਫੋਲੋ ਕਰਦੇ ਹਨ। ਇਸ ਤੋਂ ਬਾਅਦ ਦਿਲਜੀਤ ਅਤੇ ਬਾਦਸ਼ਾਹ ਦੇ ਵਿਚ ਕਰਨ ਇਕ ਮਜ਼ੇਦਾਰ ਕੁਇਜ਼ ਖੇਡਣ ਲਗਦੇ ਹਨ।

  ਗੱਲ ਜੇਕਰ ਪ੍ਰੋਫੈਸ਼ਨਲ ਫਰੰਟ ਦੀ ਕਰੀਏ ਤਾਂ ਦਿਲਜੀਤ ਨੇ ਇਸ ਸਾਲ ਦੋ ਹਿਟ ਨੰਬਰ ਦਿਤੇ ਹਨ ਅਤੇ ਇਸਦੇ ਨਾਲ ਹੀ ਉਨ੍ਹਾਂ ਨੇ ਆਪਣੀ ਫਿਲਮ 'ਸੂਰਮਾ' ਅਤੇ 'ਵੈਲਕਮ ਟੂ ਨਿਊ ਯਾਰਕ' ਨਾਲ ਦਰਸ਼ਕਾਂ ਦਾ ਦਿਲ ਜਿੱਤਿਆ ਹੈ। ਅਗਲੇ ਸਾਲ ਦਿਲਜੀਤ ਦੀਆਂ ਦੋ ਫਿਲਮਾਂ ਆਉਣ ਵਾਲੀਆਂ ਹਨ। 'ਅਰਜੁਨ ਪਟਿਆਲਾ' 'ਚ 'ਦਿਲਜੀਤ' ਦੇ ਨਾਲ 'ਕਿ੍ਰਤੀ ਸੈਨਨ' ਨਜ਼ਰ ਆਏਗੀ।

ਉਥੇ ਹੀ 'ਦਿਲਜੀਤ' ਅਤੇ 'ਕਰਨ ਜੌਹਰ' ਦੀ ਅਗਲੀ ਫਿਲਮ 'ਗੁੱਡ ਨਿਊਜ਼' 'ਚ ਵੀ ਕੰਮ ਕਰ ਰਹੇ ਹਨ। ਇਸ ਫਿਲਮ 'ਚ ਉਨ੍ਹਾਂ ਦੇ ਨਾਲ 'ਅਕਸ਼ੇ ਕੁਮਾਰ', 'ਕਰੀਨਾ ਕਪੂਰ' ਅਤੇ 'ਕਿਆਰਾ ਅਡਵਾਨੀ' ਨਜ਼ਰ ਆਉਣਗੇ। ਦੂਜੇ ਪਾਸੇ ਬਾਦਸ਼ਾਹ ਅੱਜ ਕੱਲ੍ਹ ਆਪਣੇ ਡੈਬਿਊ ਐਲਬਮ O.N.E ਦੀ ਕਾਮਯਾਬੀ ਦਾ ਅਨੰਦ ਮਾਨ ਰਹੇ ਹਨ ।