ਬੱਬੂ ਮਾਨ ਦਾ ਦਿੜ੍ਹਬਾ ਅਖਾੜਾ ਦੇਖਣ ਲਈ ਫ਼ੈਨਜ਼ ਨੇ ਚਲਾਈਆਂ ਫਰੀ ਬੱਸਾਂ
ਫ਼ੈਨਜ਼ ਨੇ ਭਾਰੀ ਇਕੱਠ ਹੋਣ ਕਾਰਨ ਦਰੱਖਤਾਂ ‘ਤੇ ਚੜ੍ਹ ਦੇਖਿਆ ਅਖਾੜਾ
ਸੰਗਰੂਰ: ਪੰਜਾਬ ਦੇ ਨੌਜਵਾਨਾਂ ਦੀ ਜਾਨ ਅਤੇ ਸ਼ਾਨ ਪੰਜਾਬੀ ਗਾਇਕ ਬੱਬੂ ਮਾਨ ਵੱਲੋਂ ਦਿੜਬੇ ‘ਚ ਜਿੱਥੇ ਖੁੱਲ੍ਹਾਂ ਅਖਾੜਾ ਲਗਾਇਆ ਗਿਆ, ਉੱਥੇ ਹੀ ਬੱਬੂ ਮਾਨ ਦੇ ਫੈਨਜ਼ ‘ਚ ਇੱਕ ਵੱਖਰਾ ਹੀ ਉਤਸ਼ਾਹ ਦੇਖਣ ਨੂੰ ਮਿਲਿਆ।
ਬੱਬੂ ਮਾਨ ਹਾਲੇ ਲਾਈਵ ਸ਼ੋਅ ਲਈ ਆਏ ਵੀ ਨਹੀਂ ਸੀ ਕਿ ਉਨ੍ਹਾਂ ਦੇ ਫ਼ੈਨਜ਼ ਦਾ ਪਹਿਲਾਂ ਹੀ ਭਾਰੀ ਇੱਕਠ ਦੇਖਣ ਨੂੰ ਮਿਲਿਆ। ਦੱਸਿਆ ਜਾ ਰਿਹਾ ਹੈ ਕਿ ਇਸ ਲਾਈਵ ਸ਼ੋਅ ਤੋਂ ਇਕ ਦਿਨ ਪਹਿਲਾਂ ਸਿੱਧੂ ਮੂਸੇਵਾਲਾ ਦਾ ਲਾਈਵ ਸ਼ੋਅ ਵੀ ਦਿੜ੍ਹਬਾ ‘ਚ ਦੇਖਣ ਨੂੰ ਮਿਲਿਆ ਪਰ ਬੱਬੂ ਦੇ ਲਾਈਵ ਸ਼ੋਅ ਨੂੰ ਉਨ੍ਹਾਂ ਦੇ ਕੱਟੜ ਫ਼ੈਨਜ਼ ਵਿਚ ਐਨਾ ਉਤਸ਼ਾਹ ਸੀ ਕਿ ਜਿਸ ਨੂੰ ਸੁਣ ਕੇ ਤੁਸੀਂ ਖ਼ੁਦ ਵੀ ਹੈਰਾਨ ਹੋ ਜਾਉਗੇ।
ਦਅਰਸਲ ਮਾਨ ਦੇ ਫ਼ੈਨਜ਼ ਵੱਲੋਂ ਫਰੀ ਬੱਸ ਸਰਵਿਸ ਚਲਾਈ ਗਈ, ਜਿੰਨਾਂ ਵੱਲੋਂ ਲੋਕਾਂ ਨੂੰ ਮੁਫਤ ‘ਚ ਅਖਾੜੇ ਤੱਕ ਪਹੁੰਚਾਇਆ ਗਿਆ। ਕਈ ਮਾਨ ਦੇ ਫ਼ੈਨਜ਼ ਟਰੱਕਾਂ, ਟਰਾਲੀਆਂ, ਕਾਰਾਂ ਉੱਤੇ ਉਨ੍ਹਾਂ ਦੇ ਕੱਟੜ ਫ਼ੈਨਜ਼ ਦੇ ਬੈਨਰ ਲਗਾ ਕੇ ਵੀ ਪੁੱਜੇ।
ਸਭ ਤੋਂ ਵੱਡੀ ਹੈਰਾਨੀ ਵਾਲੀ ਗੱਲ ਤਾਂ ਇਹ ਹੈ ਕਿ ਇਸ ਅਖਾੜੇ ਦੌਰਾਨ ਇੱਕ ਫ਼ੈਨ ਤਾਂ ਬੱਬੂ ਮਾਨ ਨੂੰ ਦੇਖਣ ਲਈ ਇੰਨਾ ਇਕੱਠ ਹੋਣ ਦੇ ਬਾਵਜੂਦ ਵੀ ਦਰੱਖਤ ‘ਤੇ ਹੀ ਚੜ੍ਹ ਗਿਆ ਤਾਂ ਜੋ ਉਹ ਬੱਬੂ ਮਾਨ ਨੂੰ ਉੱਚੀ ਜਗ੍ਹਾਂ ਚੜ੍ਹ ਕੇ ਚੰਗੀ ਤਰ੍ਹਾਂ ਦੇਖ ਸਕੇ।
ਵੀਡੀਓ ‘ਚ ਤੁਸੀਂ ਦੇਖ ਸਕਦੇ ਹੋ ਕੇ ਬੱਬੂ ਮਾਨ ਦਾ ਫੈਨ ਇੱਕ ਦਰੱਖਤ ‘ਤੇ ਚੜ੍ਹ ਕੇ ਸੁਣ ਰਹਾ ਸੀ, ਜੋ ਕਿ ਸਿਰਫ਼ ਬੱਬੂ ਮਾਨ ਦਾ ਹੀ ਨਹੀਂ ਬਲਕਿ ਬਾਕੀ ਲੋਕਾਂ ਲਈ ਵੀ ਖਿੱਚ ਦਾ ਕੇਂਦਰ ਬਣਿਆ।
ਦੱਸ ਦੇਈਏ ਕਿ ਬੱਬੂ ਮਾਨ ਵਧੀਆ ਗਾਇਕੀ ਅਤੇ ਸੋਚ ਕਾਰਨ ਅਕਸਰ ਹੀ ਚਰਚਾ ‘ਚ ਰਹਿੰਦੇ ਹਨ। ਜਿਸਨੂੰ ਪੰਜਾਬ ਦੇ ਨੌਜਵਾਨ ਬਹੁਤ ਹੀ ਜ਼ਿਆਦਾ ਪਸੰਦ ਕਰਦੇ ਹਨ ਅਤੇ ਉਨ੍ਹਾਂ ਨੂੰ ਦੇਖਣ ਅਤੇ ਸੁਣਨ ਵਾਲਿਆਂ ਦਾ ਤਾਂਤਾ ਲੱਗਿਆ ਰਹਿੰਦਾ ਹੈ।