ਲੌਕਡਾਊਂਨ ‘ਚ 'ਗਿੱਪੀ ਗਰੇਵਾਲ' ਨੇ ਆਪਣੇ ਫੈਂਨਸ ਨੂੰ ਦਿੱਤਾ ਇਹ ਆਫ਼ਰ
‘ਨੱਚ-ਨੱਚ’ ਨਾ ਦੇ ਗੀਤ ਚ ਕਈ ਨਾਮੀ ਕਲਾਕਾਰ ਵੀ ਦੇਖਣ ਨੂੰ ਮਿਲੇ ਸਨ। ਇਸ ਗੀਤ ਵਿਚ ਵੀ ਸਾਰੇ ਕਾਲਕਾਰਾਂ ਦੇ ਵੱਲੋਂ ਘਰ ਵਿਚੋਂ ਹੀ ਵੀਡੀਓ ਸ਼ੂਟ ਕੀਤਾ ਗਿਆ ਸੀ।
ਦੇਸ਼ ਵਿਚ ਲੱਗੇ ਲੌਕਡਾਊਨ ਦੇ ਕਾਰਨ ਜਿੱਥੇ ਪ੍ਰਸ਼ਾਸਨ ਅਤੇ ਵੱਡੇ-ਵੱਡੇ ਫਿਲਮੀ ਕਲਾਕਾਰਾਂ ਦੇ ਵੱਲੋਂ ਲੋਕਾਂ ਨੂੰ ਘਰ ਵਿਚ ਰਹਿਣ ਦੀ ਅਪੀਲ ਕੀਤੀ ਜਾ ਰਹੀ ਹੈ ਉਥੇ ਹੀ ਪੰਜਾਬ ਇੰਡਸਟਰੀ ਦੇ ਮਸ਼ਹੂਰ ਅਦਾਕਾਰ ਅਤੇ ਸਿੰਗਰ ਗਿੱਪੀ ਗਰੇਵਾਲ ਵੀ ਸਮੇਂ-ਸਮੇਂ ਤੇ ਸੋਸ਼ਲ ਮੀਡੀਆ ਦੇ ਜ਼ਰੀਏ ਆਪਣੇ ਫੈਂਸ ਨੂੰ ਕੁਝ ਸੁਝਾਅ ਅਤੇ ਘਰ ਵਿਚ ਰਹਿਣ ਦੀ ਅਪੀਲ ਕਰਦੇ ਰਹਿੰਦੇ ਹਨ। ਇਸ ਤਹਿਤ ਹੁਣ ਉਹ ਇਸ ਲੌਕਡਾਊਨ ਵਿਚ ਆਪਣੇ ਫੈਂਸ ਲਈ ਇਕ ਵੱਡਾ ਆਫਰ ਲੈ ਕੇ ਆਏ ਹਨ।
ਦੱਸ ਦੱਈਏ ਕਿ ਲੌਕਡਾਊਨ ਦੇ ਵਿਚ ਗਿੱਪੀ ਗਰੇਵਾਲ ਇਕ ਗੀਤ ਬਣਾਉਂਣ ਜਾ ਰਹੇ ਹਨ। ਜਿਸ ਵਿਚ ਉਨ੍ਹਾਂ ਨੇ ਆਪਣੇ ਪਿਆਰ ਕਰਨ ਵਾਲਿਆਂ ਨੂੰ ਮੌਕਾ ਦੇਣ ਬਾਰੇ ਕਿਹਾ ਹੈ। ਇਸ ਲਈ ਇਸ ਗਾਣੇ ਦਾ ਆਡੀਓ ਜਲਦ ਹੀ ਰਲੀਜ਼ ਕੀਤਾ ਜਾਵੇਗਾ। ਗਿੱਪੀ ਗਰੇਵਾਲ ਨੇ ਆਪਣੇ ਫੈਂਸ ਨੂੰ ਇਸ ਗਾਣੇ ਵਿਚ ਫੀਚਰ ਕਰਨ ਦਾ ਫੈਸਲਾ ਕੀਤਾ ਹੈ। ਜਿਸ ਲਈ ਗਿੱਪੀ ਨੇ ਲੋਕਾਂ ਨੂੰ ਆਪਣੇ ਘਰ ਤੋਂ ਹੀ ਵੀਡੀਓ ਬਣਾ ਕੇ ਭੇਜਣ ਨੂੰ ਕਿਹਾ ਹੈ।
ਇਸ ਤੋਂ ਪਹਿਲਾਂ ਵੀ ਲੌਕਡਾਊਨ ਦੌਰਾਨ ਦੇਸੀ ਰੌਕਸਟਾਰ ਗਿੱਪੀ ਗਰੇਵਾਲ ਵੱਲੋਂ ਆਪਣੇ ਫੈਨਜ਼ ਦਾ ਮਨੋਰੰਜਨ ਕੀਤਾ ਗਿਆ ਸੀ। ਗਿੱਪੀ ਗਰੇਵਾਲ ਦਾ ਹਾਲ ਹੀ 'ਚ ਰਿਲੀਜ਼ ਹੋਇਆ ਗੀਤ 'ਨੱਚ-ਨੱਚ' ਵੀ ਘਰ ਅੰਦਰ ਹੀ ਸ਼ੂਟ ਕੀਤਾ ਗਿਆ ਸੀ। ਦਰਸ਼ਕਾਂ ਵਲੋਂ ਇਸ ਗੀਤ ਨੂੰ ਬਹੁਤ ਪਿਆਰ ਮਿਲਿਆ ਤੇ ਯੂਟਿਊਬ ਤੇ ਇਸ ਗੀਤ ਨੇ ਚੰਗੇ ਵੀਊਜ਼ ਖੱਟੇ।
ਦੱਸ ਦੱਈਏ ਕਿ ਇਹ ਗੀਤ ਕੁਲਸ਼ਾਨ ਸੰਧੂ ਦੀ ਕਲਮ ਤੋਂ ਲਿਖਿਆ ਗਿਆ ਹੈ ਅਤੇ ਐਨਜ਼ੋ ਨੇ ਇਸ ਦਾ ਸੰਗੀਤ ਕੀਤਾ ਹੈ। ਇਸ ‘ਨੱਚ-ਨੱਚ’ ਨਾ ਦੇ ਗੀਤ ਚ ਕਈ ਨਾਮੀ ਕਲਾਕਾਰ ਵੀ ਦੇਖਣ ਨੂੰ ਮਿਲੇ ਸਨ। ਇਸ ਗੀਤ ਵਿਚ ਵੀ ਸਾਰੇ ਕਾਲਕਾਰਾਂ ਦੇ ਵੱਲੋਂ ਘਰ ਵਿਚੋਂ ਹੀ ਵੀਡੀਓ ਸ਼ੂਟ ਕੀਤਾ ਗਿਆ ਸੀ। ਹੁਣ ਅਜਿਹਾ ਹੀ ਇਕ ਹੋਰ ਗੀਤ ਗਿੱਪੀ ਗਰੇਵਾਲ ਲੈ ਕੇ ਆ ਰਹੇ ਹਨ ਜਿਸ ਵਿਚ ਕਲਾਕਾਰਾਂ ਦੀ ਥਾਂ ਉਨ੍ਹਾਂ ਦੇ ਫੈਂਨ ਨਜ਼ਰ ਆਉਂਣਗੇ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।