lockdown

ਪਠਾਨਕੋਟ : ਕਰੋਨਾ ਵਾਇਰਸ ਖਿਲਾਫ ਚੱਲ ਰਹੀ ਜੰਗ ਵਿਚ ਜਿੱਥੇ ਲੌਕਡਾਊਨ ਦੇ ਕਾਰਨ ਲੋਕਾਂ ਨੂੰ ਕਾਫੀ ਪ੍ਰੇਸ਼ਾਨੀ ਹੋ ਰਹੀ ਹੈ ਉਥੇ ਹੀ ਇਸ ਲੌਕਡਾਊਨ ਵਿਚ ਕੁਝ ਲੋਕ ਬਿਨਾ ਇਕੱਠ ਕੀਤੇ ਅਤੇ ਸਾਦੇ ਵਿਆਹ ਕਰ ਰਹੇ ਹਨ। ਅਜਿਹਾ ਹੀ ਇਕ ਵਿਆਹ ਅੱਜ ਪਠਾਨਕੋਟ ਵਿਚ ਦੇਖਣ ਨੂੰ ਮਿਲਿਆ ਜਿੱਥੇ ਇਕ ਬੈਂਕ ਮੁਲਾਜ਼ਮ ਬਣਿਆ ਲਾੜਾ ਆਪਣੀ ਲੈਕਚਰਾਰ ਪਤਨੀ ਨੂੰ ਬੁਲਟ ਤੇ ਵਿਆਹ ਕਿ ਲਿਆਇਆ ਹੈ।

ਇਸ ਸਮੇਂ ਲਾੜਾ ਬਣਿਆ ਅਭਿਨੰਦਨ ਨੇ ਦੱਸਿਆ ਕਿ ਉਸ ਦੀ ਸ਼ੁਰੂ ਤੋ ਹੀ ਇਹ ਖੁਆਇਸ਼ ਸੀ ਕਿ ਉਹ ਆਪਣੀ ਲਾੜੀ ਨੂੰ ਬੁਲੇਟ ਮੋਟਰਸਾਈਕਲ ਤੇ ਵਿਆਹ ਕੇ ਲਿਆਵੇਗਾ ਅਤੇ ਉਸ ਦੀ ਇਹ ਰੀਝ ਪੂਰੀ ਹੋ ਗਈ ਹੈ। ਇਸ ਦੇ ਨਾਲ ਹੀ ਲਾੜੇ ਨੇ ਇਹ ਵੀ ਕਿਹਾ ਕਿ ਭਾਂਵੇ ਕਿ ਲੌਕਡਾਊਨ ਦੇ ਕਾਰਨ ਅੱਜ-ਕੱਲ਼ ਲੋਕ ਇਹ ਸਾਦੇ ਵਿਆਹ ਕਰ ਰਹੇ ਹਨ

ਪਰ ਸਾਨੂੰ ਉਂਝ ਵੀ ਇਕ ਸੱਭਿਅਕ ਸਮਾਜ ਦੀ ਸਿਰਜਨਾ ਕਰਨ ਲਈ ਸਾਦੇ ਵਿਆਹਾਂ ਨੂੰ ਤਰਜ਼ੀਹ ਦੇਣੀ ਚਾਹੀਦੀ ਹੈ ਕਿਉਂਕਿ ਇਸ ਨਾਲ ਦੋਵੇਂ ਧਿਰਾ ਖਰਚੇ ਤੋਂ ਵੀ ਬਚ ਜਾਂਦੀਆਂ ਹਨ ਅਤੇ ਇਸ ਨਾਲ ਦਾਜ ਪ੍ਰਥਾ ਵੀ ਰੁਕ ਸਕੇਗੀ। ਦੱਸ ਦੱਈਏ ਕਿ ਲਾੜੇ ਦੀ ਮਾਤਾ ਨੇ ਇਸ ਵਿਆਹ ਬਾਰੇ ਦੱਸਦਿਆਂ ਕਿਹਾ ਕਿ ਅਸੀਂ ਪਹਿਲਾਂ ਵੀ ਆਪਣੀਆਂ ਦੋ ਬੇਟੀਆਂ ਦੇ ਵਿਆਹ ਇਸੇ ਤਰ੍ਹਾਂ ਸਾਦੇ ਢੰਗ ਨਾਲ ਕੀਤੇ ਹਨ।

ਇਸ ਲਈ ਅੱਜ ਭਾਂਵੇ ਕਿ ਲੌਕਡਾਊਨ ਲੱਗਾ ਹੈ ਪਰ ਸਾਡੀ ਹਮੇਸ਼ਾ ਹੀ ਸੋਚ ਸਾਦੇ ਅਤੇ ਕਰਜੇ ਰਹਿਤ ਵਿਆਹ ਵਾਲੀ ਰਹੀ ਹੈ। ਦੱਸ ਦੱਈਏ ਕਿ ਇਸ ਵਿਆਹ ਵਿਚ ਕੋਈ ਇਕੱਠ ਨਹੀਂ ਕੀਤਾ ਗਿਆ ਸਗੋਂ ਘਰ ਦੇ ਕੇਵਲ ਪੰਜ ਮੈਂਬਰ ਹੀ ਬਰਾਤ ਵਿਚ ਗਏ ਸਨ।

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook  ਤੇ ਲਾਈਕ Twitter  ਤੇ follow  ਕਰੋ।