Rapper badshah and yo yo honey singh partnership broken reason

ਨਵੀਂ ਦਿੱਲੀ: ਰੈਪਰ ਬਾਦਸ਼ਾਹ ਨੂੰ ਅੱਜ ਕੌਣ ਨਹੀਂ ਜਾਣਦਾ। ਬਾਦਸ਼ਾਹ ਨੇ ਅਪਣੇ ਜੀਵਨ ਵਿਚ ਸਖ਼ਤ ਮਿਹਨਤ ਕਰ ਕੇ ਮੰਜ਼ਿਲ ਹਾਸਲ ਕੀਤੀ ਹੈ। ਬਾਦਸ਼ਾਹ ਨੇ ਅਪਣੇ ਕਰੀਅਰ ਦੀ ਸ਼ੁਰੂਆਤ ਹਨੀ ਸਿੰਘ ਨਾਲ ਕੀਤੀ ਸੀ। ਅੱਜ ਦੋਵਾਂ ਨੂੰ ਪੂਰਾ ਦੇਸ਼ ਜਾਣਦਾ ਹੈ ਪਰ ਹੁਣ ਦੋਵੇਂ ਇਕੱਠੇ ਨਜ਼ਰ ਨਹੀਂ ਆਉਂਦੇ। ਬਾਦਸ਼ਾਹ ਨੇ ਈ-ਮਾਇੰਡ ਰਾਕਸ ਵਿਚ ਹਨੀ ਸਿੰਘ ਤੋਂ ਵੱਖ ਹੋਣ ਦਾ ਕਿੱਸਾ ਸੁਣਾਇਆ।

ਉਹਨਾਂ ਨੂੰ ਪੁੱਛਣ ਤੇ ਉਹਨਾਂ ਦਸਿਆ ਕਿ ਜਦੋਂ ਵੱਡੇ ਹੁੰਦੇ ਹਾਂ ਤਾਂ ਥੋੜੇ ਵੱਖਰੇ ਸੁਭਾਅ ਦੇ ਹੋ ਜਾਂਦੇ ਹਾਂ। ਵਿਚਾਰਧਾਰਾ ਵਿਚ ਅੰਤਰ ਹੋ ਜਾਂਦਾ ਹੈ ਬਾਕੀ ਹੋਰ ਕੁੱਝ ਨਹੀਂ ਬਦਲਦਾ। ਹਨੀ ਸਿੰਘ ਦਾ ਕੰਮ ਕਰਨ ਦਾ ਤਰੀਕਾ ਵੱਖਰਾ ਸੀ ਅਤੇ ਉਹਨਾਂ ਦਾ ਤਰੀਕਾ ਵੱਖਰਾ ਸੀ। ਉਹਨਾਂ ਨੇ ਇਕੱਠਿਆਂ ਸ਼ੁਰੂ ਜ਼ਰੂਰ ਕੀਤਾ ਸੀ। ਅਜਿਹਾ ਨਹੀਂ ਹੈ ਕਿ ਉਹ ਕੁੱਝ ਗਲਤ ਕਰ ਰਹੇ ਹਨ।

ਉਹ ਕਾਫੀ ਚੰਗਾ ਕੰਮ ਕਰ ਰਹੇ ਹਨ ਅਤੇ ਉਹ ਇਸ ਤੋਂ ਕਾਫੀ ਖੁਸ਼ ਹਨ। ਹੋਰ ਰੈਪਰ ਜਿਵੇਂ ਹਨੀ, ਰਫ਼ਤਾਰ, ਇਕਾ ਜਿੰਨੇ ਵੀ ਸਿੰਗਰ ਹਨ ਉਹ ਸਾਰੇ ਬਹੁਤ ਵਧੀਆ ਕੰਮ ਕਰ ਰਹੇ ਹਨ। ਈ ਮਾਇੰਡ ਰਾਕਸ ਦੌਰਾਨ ਜੋਂ ਬਾਦਸ਼ਾਹ ਨੂੰ ਉਹਨਾਂ ਦੀ ਪਹਿਲੀ ਰੈਪ ਬਾਰੇ ਪੁੱਛਿਆ ਗਿਆ ਤਾਂ ਉਹਨਾਂ ਕਿਹਾ ਕਿ ਉਹਨਾਂ ਨੂੰ ਯਾਦ ਨਹੀਂ ਹੈ ਪਰ ਉਹਨਾਂ ਨੇ ਇਸ ਦਾ ਵੀ ਮਜ਼ੇਦਾਰ ਕਿੱਸਾ ਸੁਣਾਇਆ। ਬਾਦਸ਼ਾਹ ਨੇ ਦਸਿਆ ਕਿ ਉਹਨਾਂ ਨੇ ਪਹਿਲਾ ਰੈਪ ਅਪਣੇ ਮੈਥ ਟੀਚਰ ਤੇ ਲਿਖਿਆ ਸੀ।

ਪਰਫਾਰਮ ਵੀ ਉਹਨਾਂ ਨੇ ਕਲਾਸ ਵਿਚ ਹੀ ਲੰਚ ਬ੍ਰੇਕ ਵਿਚ ਹੀ ਕੀਤੀ ਸੀ। ਹਾਲਾਂਕਿ ਬਾਦਸ਼ਾਹ ਨੇ ਦਸਿਆ ਕਿ ਉਹਨਾਂ ਨੂੰ ਇਹ ਰੈਪ ਯਾਦ ਨਹੀਂ ਹੈ। ਦਸ ਦਈਏ ਕਿ ਆਪਣੇ ਗਾਣਿਆਂ ਦੀ ਵਜ੍ਹਾ ਕਰਕੇ ਬਾਦਸ਼ਾਹ ਹਮੇਸ਼ਾ ਚਰਚਾ ਵਿੱਚ ਰਹੇ ਹਨ। ਸਿੰਗਰ ਯੋ ਯੋ ਹਨੀ ਸਿੰਘ ਦੇ ਨਾਲ ਮਿਲਕੇ ਬਾਦਸ਼ਾਹ ਨੇ 2006 ਵਿੱਚ ਆਪਣੇ ਕਰੀਅਰ ਦੀ ਸ਼ੁਰੂਆਤ ਕੀਤੀ ਸੀ। ਹਨੀ ਸਿੰਘ ਦੇ ਮਾਫੀਆ ਮੰਡੀਰ ਬਰਾਂਡ ਦੇ ਨਾਲ ਬਾਦਸ਼ਾਹ ਨੇ ਕੰਮ ਕੀਤਾ ਹੈ।

ਇਸ ਵਿੱਚ ਕੰਮ ਕਰਨ ਤੋਂ ਬਾਅਦ ਉਨ੍ਹਾਂ ਨੂੰ ਯੁਵਾਵਾਂ ਦੇ ਵਿੱਚ ਜ਼ਬਰਦਸਤ ਫੇਮ ਮਿਲਿਆ। ਬਾਦਸ਼ਾਹ ਨੇ ਉਝ ਤਾਂ ਜ਼ਿਆਦਾਤਰ ਗਾਣੇ ਪੰਜਾਬੀ ਵਿੱਚ ਗਾਏ ਹਨ ਪਰ ਬਾਲੀਵੁਡ ਵਿੱਚ ਉਨ੍ਹਾਂ ਦਾ ਸਿੱਕਾ ਚੱਲਦਾ ਹੈ। ਹਿੰਦੀ ਫਿਲਮ ਹੰਪਟੀ ਸ਼ਰਮਾ ਕੀ ਦੁਲਹਨੀਆ, ਫਿਲਮ ਬਜਰੰਗੀ ਭਾਈ ਜਾਨ ਵਰਗੀਆਂ ਫਿਲਮਾਂ ਵਿੱਚ ਵੀ ਉਨ੍ਹਾਂ ਨੇ ਬੇਹੱਦ ਹੀ ਖੂਬਸਰਤ ਗਾਣੇ ਗਾਏ ਹਨ। ਇਹੀ ਨਹੀਂ ਉਨ੍ਹਾਂ ਨੇ ਕਈ ਐਲਬਮ ਵਿੱਚ ਵੀ ਗਾਣੇ ਗਾਏ ਹਨ।

ਦਿੱਲੀ ਵਿੱਚ ਪੈਦਾ ਹੋਏ ਬਾਦਸ਼ਾਹ ਦੇ ਪਿਤਾ ਹਰਿਆਣਵੀ ਤੇ ਮਾਂ ਪੰਜਾਬੀ ਹੈ, ਸ਼ਾਇਦ ਇਹੀ ਵਜ੍ਹਾ ਹੈ ਕਿ ਉਨ੍ਹਾਂ ਦੇ ਸਟਾਇਲ ਵਿੱਚ ਦੋਨਾਂ ਦਾ ਮਿਕਚਰ ਹੈ। ਬਾਦਸ਼ਾਹ ਨੇ ਆਪਣੇ ਗਾਣਿਆਂ ਦੇ ਅੰਦਾਜ਼ ਨਾਲ ਹਮੇਸ਼ਾ ਤੋਂ ਲੋਕਾਂ ਦਾ ਦਿਲ ਜਿੱਤਿਆ ਹੈ। ਚਾਹੇ ਬਾਲੀਵੁਡ ਹੋਵੇ ਜਾਂ ਸਟੇਜ ਸ਼ੋਅ, ਬਾਦਸ਼ਾਹ ਨੇ ਹਮੇਸ਼ਾ ਤੋਂ ਧਮਾਲ ਮਚਾਇਆ ਹੈ। ਸਿੰਗਰ ਨੇਹਾ ਕੱਕੜ ਦੇ ਨਾਲ ਵੀ ਉਨ੍ਹਾਂ ਨੇ ਸਟੇਜ ਸ਼ੋਅ ਉੱਤੇ ਕੰਮ ਕੀਤਾ ਹੈ। ਦੋਨਾਂ ਦੀ ਜੋੜੀ ਨੂੰ ਵੀ ਉਨ੍ਹਾਂ ਦੇ ਫੈਨਜ਼ ਨੇ ਖੂਬ ਪੰਸਦ ਕੀਤਾ ਹੈ।

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook  ਤੇ  ਲਾਈਕ Twitter  ਤੇ follow  ਕਰੋ।