ਬੱਬੂ ਮਾਨ ਦੇ ਜਿਗਰੀ ਯਾਰ ਨੇ ਉਧੇੜ ਦਿੱਤੀਆਂ ਸਿੱਧੂ ਮੂਸੇਵਾਲੇ ਦੀਆਂ ਵੱਖੀਆਂ, ਸਿੱਧਾ ਨਾਂ ਲਵੇ ਸਿੱਧੂ
ਉਹ ਝਗੜਿਆਂ ਤੋਂ ਦੂਰ ਰਹਿਣ ਵਿਚ ਹੀ...
ਚੰਡੀਗੜ੍ਹ: ਬੱਬੂ ਮਾਨ ਦੇ ਜਿਗਰੀ ਯਾਰ ਬੱਬਲਾ ਖੰਟ ਜਿਹਨਾਂ ਨੇ ਬਚਪਨ ਤੋਂ ਲੈ ਕੇ ਹੁਣ ਤਕ ਬੱਬੂ ਨਾਲ ਬਹੁਤ ਲੰਬਾ ਸਮਾਂ ਬਿਤਾਇਆ ਹੈ। ਬੱਬਲਾ ਖੰਟ ਦਾ ਨਾਮ ਜਦੋਂ ਬੱਬੂ ਮਾਨ ਨਾਲ ਜੁੜਦਾ ਹੈ ਤਾਂ ਵੱਡੀਆਂ-ਵੱਡੀਆਂ ਦਾਸਤਾਨਾਂ ਖੁੱਲ੍ਹ ਜਾਂਦੀਆਂ ਹਨ। ਇਸ ਦੇ ਚਲਦੇ ਉਹਨਾਂ ਨਾਲ ਸਪੋਕਸਮੈਨ ਟੀਮ ਵੱਲੋਂ ਖਾਸ ਗੱਲਬਾਤ ਕੀਤੀ ਗਈ।
ਬੱਬਲਾ ਖੰਟ ਨੇ ਗੱਲਬਾਤ ਦੌਰਾਨ ਦਸਿਆ ਕਿ ਬੱਬੂ ਮਾਨ, ਡਾ. ਬੰਟੀ ਤੇ ਬੱਬਲਾ ਖੰਟ ਆਪ ਤਿੰਨੋਂ ਬਚਪਨ ਤੋਂ ਲੈ ਕੇ ਹੁਣ ਤਕ ਪੱਕੇ ਦੋਸਤ ਰਹੇ ਹਨ। ਜਦ ਕਦੇ ਵੀ ਉਹਨਾਂ ਦੇ ਕੋਈ ਮੁਬੀਸਤ ਆਈ ਹੈ ਤਾਂ ਉਹਨਾਂ ਨੇ ਇਕ ਦੂਜੇ ਦੀ ਅੱਗੇ ਆ ਕੇ ਮਦਦ ਕੀਤੀ ਹੈ। ਬੱਬੂ ਮਾਨ ਦੀ ਜ਼ਿੰਦਗੀ ਬਾਰੇ ਜ਼ਿਕਰ ਕਰਦਿਆਂ ਉਹਨਾਂ ਦਸਿਆ ਕਿ ਉਹਨਾਂ ਦਾ ਛੋਟੇ ਹੁੰਦੇ ਤੋਂ ਹੀ ਸੁਪਨਾ ਸੀ ਕਿ ਉਹਨਾਂ ਦਾ ਦੁਨੀਆ ਵਿਚ ਨਾਮ ਰੌਸ਼ਨ ਹੋਵੇ।
ਉਹ ਸਿਰਫ ਅਪਣੇ ਪਿੰਡ ਲਈ ਨਹੀਂ ਸਗੋਂ ਪੰਜਾਬ, ਸੰਸਾਰ ਦੇ ਲਈ ਮਸ਼ਹੂਰ ਹੋਵੇ। ਬੱਬੂ ਮਾਨ ਦੇ ਸੁਭਾਅ ਬਾਰੇ ਗੱਲ ਕਰਦਿਆਂ ਬੱਬਲ ਖੰਟ ਨੇ ਦਸਿਆ ਕਿ ਉਹ ਇਕ ਸੁਲਝੇ ਹੋਏ ਵਿਅਕਤੀ ਹਨ ਇਸ ਲਈ ਜਿਵੇਂ ਸੋਸ਼ਲ ਮੀਡੀਆ ਤੇ ਉਹਨਾਂ ਤੇ ਉਂਗਲਾਂ ਵੀ ਚੁੱਕੀਆਂ ਜਾ ਰਹੀਆਂ ਹਨ ਪਰ ਉਹਨਾਂ ਨੇ ਕਦੇ ਵੀ ਕਿਸੇ ਦਾ ਜਵਾਬ ਨਹੀਂ ਦਿੱਤਾ।
ਉਹ ਝਗੜਿਆਂ ਤੋਂ ਦੂਰ ਰਹਿਣ ਵਿਚ ਹੀ ਸਮਝਦਾਰੀ ਮੰਨਦੇ ਹਨ। ਇਸ ਦੇ ਨਾਲ ਹੀ ਜਦੋਂ ਜ਼ਿਕਰ ਹੋਇਆ ਹੈ ਕਿ ਬੱਬੂ ਮਾਨ ਨੂੰ ਸਿੱਧੂ ਮੂਸੇਵਾਲਾ ਵੱਲੋਂ ਜਵਾਬ ਦਿੱਤਾ ਗਿਆ ਹੈ ਤਾਂ ਬੱਬਲਾ ਖੰਟ ਨੇ ਕਿਹਾ ਕਿ ਉਸ ਨੇ ਬੱਬੂ ਮਾਨ ਦਾ ਨਾਮ ਨਹੀਂ ਲਿਆ, ਪਰ ਜੇ ਉਹ ਬੱਬੂ ਮਾਨ ਦਾ ਨਾਮ ਲੈਂਦਾ ਹੈ ਤਾਂ ਉਸ ਨੂੰ ਬਖ਼ਸ਼ਿਆ ਨਹੀਂ ਜਾਵੇਗਾ।
ਦੌਰ ਦੀ ਗੱਲ ਕਰੀਏ ਤਾਂ ਬਬਲਾ ਖੰਟ ਨੇ ਅੱਗੇ ਦਸਿਆ ਕਿ ਜੇ ਕਿਸੇ ਕੋਲ ਕੋਈ ਕਲਾ ਹੈ ਤਾਂ ਉਹ ਲੰਬੇ ਸਮੇਂ ਲਈ ਚਲ ਸਕਦਾ ਹੈ ਪਰ ਜੇ ਉਸ ਕੋਲ ਕੋਈ ਕਲਾ ਨਹੀਂ ਹੈ ਤਾਂ ਉਹ ਵਿਅਕਤੀ ਜ਼ਿਆਦਾ ਸਮੇਂ ਲਈ ਅੱਗੇ ਨਹੀਂ ਵਧ ਸਕਦਾ। ਅਖੀਰ ਵਿਚ ਬੱਬਲਾ ਖੰਟ ਨੇ ਹੋਰਾਂ ਨੂੰ ਵੀ ਇਹੀ ਸਲਾਹ ਦਿੱਤੀ ਹੈ ਕਿ ਉਹ ਅਪਣੀ ਯਾਰੀ ਨੂੰ ਦਿਲੋਂ ਨਿਭਾਉਣ ਤੇ ਕੋਈ ਵੀ ਮੁਸੀਬਤ ਵਿਚ ਪਿੱਛੇ ਨਾ ਹਟਣ ਸਗੋਂ ਉਸ ਵਿਚ ਅਪਣੇ ਦੋਸਤਾਂ ਦਾ ਪੂਰਾ ਸਾਥ ਦੇਣ।