sidhu moosewala

ਚੰਡੀਗੜ੍ਹ  : ਮਕਬੂਲ ਪੰਜਾਬੀ ਗਾਇਕ ਤੇ ਲੇਖਕ ਸਿੱਧੂ ਮੂਸੇ ਵਾਲੇ ਦੀਆਂ ਮੁਸ਼ਕਿਲਾਂ ਘੱਟਣ ਦਾ ਨਾਮ ਨਹੀਂ  ਲੈ ਰਹੀਆਂ। ਸਿੱਖ ਕੌਮ ਦੀ ਮਹਾਨ ਸ਼ਖਸ਼ੀਅਤ 'ਮਾਈ ਭਾਗੋ' ਦੇ ਨਾਮ ਦੀ ਵਰਤੋਂ ਆਪਣੇ ਗੀਤ ਵਿੱਚ ਕਰਕੇ ਮੂਸੇ ਵਾਲਾ ਲਗਾਤਾਰ ਵਿਵਾਦਾਂ ਵਿਚ ਘਿਰ ਗਿਆ ਹੈ। ਸਿੱਖ ਜਥੇਬੰਦੀਆਂ ਜਿਥੇ ਸਿੱਧੂ ਮੂਸੇ ਵਾਲੇ ਦੇ ਅਜਿਹੇ ਬੋਲਾਂ ਦੀ ਨਿੰਦਾ ਕਰ ਰਹੀਆਂ ਨੇ ਉੱਥੇ ਹੀ ਵਿਰੋਧ ਵਧਦਾ ਦੇਖ ਸਿੱਧੂ ਮੂਸੇ ਵਾਲਾ ਵਲੋਂ ਵੀ ਸ਼ੋਸ਼ਲ ਮੀਡੀਆ ਤੇ ਲਾਈਵ ਹੋ ਕੇ ਮਾਫੀ ਮੰਗ ਲਈ ਗਈ ਹੈ। ਇਸਦੇ ਬਾਵਜੂਦ ਵੀ ਸਿੱਧੂ ਮੂਸੇ ਵਾਲਾ ਖਿਲਾਫ ਲੋਕਾਂ ਦਾ ਗੁੱਸਾ ਫੁੱਟਦਾ ਜਾ ਰਿਹਾ ਹੈ।

ਸਿੱਖ ਜਥੇਬੰਦੀਆਂ ਦਾ ਕਹਿਣਾ ਹੈ ਕਿ ਸਿਧੂ ਮੂਸੇ ਵਾਲੇ ਦੇ ਲਿਹਾਜੇ ਤੋਂ ਨਹੀਂ ਲਗਦਾ ਸੀ ਕਿ ਮੂਸੇ ਵਾਲਾ ਨੇ ਲੋਕਾਂ ਤੋਂ ਮਾਫੀ ਮੰਗੀ ਹੈ। ਕੁਲਜਿੰਦਰ ਸਿੰਘ ਸੰਧੂ ਤੇ ਸੁਖਚੈਨ ਸਿੰਘ ਨੇ ਵੀ ਸਿੱਧੂ ਮੂਸੇ ਵਾਲਾ ਦੇ ਖਿਲਾਫ ਪਟੀਸ਼ਨ ਦਾਇਰ  ਕੀਤੀ ਹੈ ਤੇ ਸਿੱਧੂ ਮੂਸੇਵਾਲਾ ਵਿਰੁੱਧ ਬਣਦੀ ਕਾਰਵਾਈ ਕਰਨ ਦੀ ਅਪੀਲ ਕੀਤੀ ਹੈ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਸਿੱਧੂ ਮੂਸੇ ਵਾਲਾ ਨੇ ਆਪਣੇ ਗੀਤ ਵਿੱਚ 'ਮਾਈ ਭਾਗੋ' ਦੇ ਨਾਮ ਦੀ ਗਲਤ ਵਰਤੋਂ ਕਰਕੇ ਸਿੱਖਾਂ ਦੀਆਂ ਭਾਵਨਾਵਾਂ ਨੂੰ ਠੇਸ ਪਹੁੰਚਾਈ ਹੈ ਤੇ ਇਸਦੇ ਖਿਲਾਫ ਧਾਰਾ 295ਏ, 509 ਦੀ ਧਾਰਾ ਅਧੀਨ ਕਾਰਵਾਈ ਕਰਨੀ ਚਾਹੀਦੀ ਹੈ।

ਉਨ੍ਹਾਂ ਇਹ ਵੀ ਮੰਗ ਕੀਤੀ ਹੈ ਕਿ ਸਿੱਧੂ ਮੂਸੇ ਵਾਲਾ ਨੂੰ ਕੋਰਟ ਵਿਚ ਤਲਬ ਕੀਤਾ ਜਾਵੇ ਅਤੇ ਉਸ ਨੂੰ ਸਖਤ ਸਜਾ ਦਿੱਤੀ ਜਾਵੇ। ਪੰਜਾਬੀ ਗਾਇਕ ਲਗਾਤਾਰ ਵਿਵਾਦਾਂ ਵਿੱਚ ਘਿਰ ਰਹੇ ਹਨ ਕਦੇ ਸਿੱਧੂ ਮੂਸੇ ਵਾਲਾ ਕਦੇ ਗੁਰਦਾਸ ਮਾਨ,ਕਦੇ ਐਲੀ ਮਾਂਗਟ ਤੇ ਕਦੇ ਰੰਧਾਵਾ ਭਰਾ। ਜੇਕਰ ਸਾਡੇ ਗਾਇਕ ਹੀ ਇਸ ਤਰਾਂ ਪੰਜਾਬੀ ਮਾਂ ਬੋਲੀ ਤੇ ਪੰਜਾਬੀ ਇਤਿਹਾਸ ਨਾਲ ਛੇੜਛਾੜ ਕਰਨ ਤੇ ਗਲਤ ਸ਼ਬਾਦਵਲੀ ਵਰਤਣਗੇ ਤਾ ਇਹ ਗਾਇਕ ਪੰਜਾਬ ਦੇ ਭਵਿੱਖ ਉਸਾਰੀਆਂ ਨੂੰ ਕੀ ਸੁਨੇਹਾ ਦੇਣਗੇ। ਅਜੇ ਲੋੜ ਹੈ ਸੇਧ ਲੈਣ ਦੀ ਗਾਇਕਾਂ ਨੂੰ ਹੁਣ ਵੇਖਣਾ ਇਹ ਹੋਵੇਗਾ ਕਿ ਕਦੋਂ ਇਹ ਵਿਵਾਦ ਖਤਮ ਹੁੰਦਾ ਹੈ।