Diljit Dosanjh News Song: ਰੂਹਾਨੀਅਤ ਨਾਲ ਭਰਪੂਰ ਹੈ ਦਿਲਜੀਤ ਦੁਸਾਂਝ ਦਾ ਗੀਤ ‘ਰੂਹ ਵੈਰਾਗਣ’
ਜਗਤ ਗੁਰੂ ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੇ ਪ੍ਰਕਾਸ਼ ਪੁਰਬ ਮੌਕੇ ਪੰਜਾਬੀ ਗਾਇਕ ਅਤੇ ਅਦਾਕਾਰ ਦਿਲਜੀਤ ਦੁਸਾਂਝ ਵਲੋਂ ਅਪਣਾ ਨਵਾਂ ਧਾਰਮਕ ਗੀਤ ਰਿਲੀਜ਼ ਕੀਤਾ ਗਿਆ।
Diljit Dosanjh News Song: ਜਗਤ ਗੁਰੂ ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੇ ਪ੍ਰਕਾਸ਼ ਪੁਰਬ ਮੌਕੇ ਪੰਜਾਬੀ ਗਾਇਕ ਅਤੇ ਅਦਾਕਾਰ ਦਿਲਜੀਤ ਦੁਸਾਂਝ ਵਲੋਂ ਅਪਣਾ ਨਵਾਂ ਧਾਰਮਕ ਗੀਤ ਰਿਲੀਜ਼ ਕੀਤਾ ਗਿਆ। ਇਸ ਗੀਤ ਦਾ ਨਾਮ ਰੂਹ ਵੈਰਾਗਣ ਹੈ। ਹਾਲ ਹੀ ਵਿਚ ਇਸ ਗੀਤ ਸਬੰਧੀ ਦਿਲਜੀਤ ਨੇ ਅਪਣੇ ਇੰਸਟਾਗ੍ਰਾਮ ‘ਤੇ ਇਕ ਪੋਸਟਰ ਪਾ ਕੇ ਜਾਣਕਾਰੀ ਸਾਂਝੀ ਕੀਤੀ ਸੀ।
ਇਸ ਗੀਤ ਦੇ ਬੋਲ ਕੁੱਝ ਇਸ ਤਰ੍ਹਾਂ ਹਨ,
“ਨੀਵੀਂ ਪਾ ਕੇ ਰੂਹ ਵੈਰਾਗਣ ਪ੍ਰੇਮ ਦੇ ਅੱਥਰੂ ਚੋ ਰਹੀ ਹੈ
ਕਿਣ-ਮਿਣ ਕਿਣ-ਮਿਣ ਨਾਮ ਦੀ ਵਰਖਾ ਸੱਭ ਸੰਗਤ ’ਤੇ ਹੋ ਰਹੀ ਹੈ
ਧੰਨ ਗੁਰੂ ਨਾਨਕ, ਧੰਨ ਗੁਰੂ ਨਾਨਕ, ਪਿਘਲ ਗਏ ਅੱਜ ਦਿਲ ਅਚਾਨਕ”
ਇਸ ਗੀਤ ਦੇ ਬੋਲ ਹਰਮਨਜੀਤ ਸਿੰਘ ਵਲੋਂ ਲਿਖੇ ਗਏ ਹਨ ਜਦਕਿ ਇਸ ਨੂੰ ਸੰਗੀਤ ਗੁਰਮੀਤ ਸਿੰਘ ਨੇ ਦਿਤਾ ਹੈ। ਦੱਸ ਦੇਈਏ ਕਿ ਹਰ ਸਾਲ ਦਿਲਜੀਤ ਦੁਸਾਂਝ ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੇ ਪ੍ਰਕਾਸ਼ ਪੁਰਬ ਨੂੰ ਸਮਰਪਿਤ ਧਾਰਮਿਕ ਗੀਤ ਰਿਲੀਜ਼ ਕਰਦੇ ਹਨ।
ਇਸ ਤੋਂ ਪਹਿਲਾਂ ਦਿਲਜੀਤ ‘ਆਰ ਨਾਨਕ ਪਾਰ ਨਾਨਕ’, ‘ਪੈਗੰਬਰ’, ‘ਧਿਆਨ ਧਰ ਮਹਿਸੂਸ ਕਰ’ ਵਰਗੇ ਧਾਰਮਿਕ ਗੀਤ ਕਰ ਚੁੱਕੇ ਹਨ। ਹੁਣ ਫਿਰ ਤੋਂ ਲੋਕਾਂ ਨੂੰ ਦਿਲਜੀਤ ਦੀ ਆਵਾਜ਼ ‘ਚ ਇਸ ਧਾਰਮਿਕ ਗੀਤ ਦਾ ਬੇਸਬਰੀ ਨਾਲ ਇੰਤਜ਼ਾਰ ਸੀ।
(For more news apart from Diljit Dosanjh News Song Rooh Vairagan on Guru Nanak Dev Ji Parkash Purab , stay tuned to Rozana Spokesman)