High Rated Gabru

 

ਪੰਜਾਬੀ ਮਿਊਜ਼ਿਕ ਹੁਣ ਸਿਰਫ ਪੰਜਾਬ ਤਕ ਹੀ ਸੀਮਤ ਨਹੀਂ ਰਹਿ ਗਿਆ। ਭਾਰਤ ਦੇ ਵੱਖ-ਵੱਖ ਸੂਬਿਆਂ ਤੋਂ ਲੈ ਕੇ ਵਿਦੇਸ਼ਾਂ ਤਕ ਪੰਜਾਬੀ ਮਿਊਜ਼ਿਕ ਸੁਣਨ ਨੂੰ ਮਿਲਦਾ ਹੈ ਤੇ ਗੋਰੇ ਪੰਜਾਬੀ ਗੀਤਾਂ 'ਤੇ ਖੂਬ ਭੰਗੜਾ ਪਾਉਂਦੇ ਹਨ। ਪੰਜਾਬੀ ਗਾਇਕ ਗੁਰੂ ਰੰਧਾਵਾ ਨੇ ਇਨ੍ਹੀਂ ਦਿਨੀਂ ਬਾਲੀਵੁੱਡ 'ਚ ਵੀ ਖ਼ੂਬ ਖਲਬਲੀ ਮਚਾ ਰੱਖੀ ਹੈ।

ਪੰਜਾਬੀ ਗਾਇਕ ਗੁਰੂ ਰੰਧਾਵਾ ਦੇ ਗੀਤ ਇੰਨੀ ਦਿਨੀਂ ਕਈ ਦਿਲਾਂ ਦੀ ਧੜਕਨ ਬਣੇ ਹੋਏ ਹਨ। ਇਹੀ ਵਜ੍ਹਾ ਹੈ ਕਿ ਜੋ ਬਾਲੀਵੁੱਡ ਦੇ ਕਈ ਨਿਰਦੇਸ਼ਕ ਉਨ੍ਹਾਂ ਦੇ ਪੁਰਾਣੇ ਗੀਤਾਂ ਨੂੰ ਰੀਕ੍ਰਿਏਟ ਕਰਕੇ ਆਪਣੀਆਂ ਫਿਲਮਾਂ 'ਚ ਦਿਖਾ ਰਹੇ ਹਨ। ਫਿਲਮ 'ਤੁਮਾਹਰੀ ਸੁਲੁ', 'ਹਿੰਦੀ ਮੀਡੀਅਮ' ਤੇ 'ਬਲੈਕਮੇਲ' ਤੋਂ ਬਾਅਦ ਹੁਣ ਉਨ੍ਹਾਂ ਦੇ ਇਕ ਹੋਰ ਸੁਪਰਹਿੱਟ ਗੀਤ 'ਹਾਈ ਰੇਟਿਡ ਗੱਬਰੂ' ਨੂੰ ਫਿਲਮ 'ਚ ਰਿਕ੍ਰਿਏਟ ਕੀਤਾ ਗਿਆ ਹੈ। 

ਇਸ ਗੀਤ 'ਚ ਐਕਟਰ ਵਰੁਣ ਧਵਨ ਤੇ ਅਦਾਕਾਰਾ ਸ਼ਰਧਾ ਕਪੂਰ ਦੀ ਜੋੜੀ ਡਾਂਸ ਕਰਦੀ ਨਜ਼ਰ ਆ ਰਹੀ ਹੈ। ਗੀਤ ਦਾ ਨਵਾਂ ਵਰਜ਼ਨ ਡਾਂਸ 'ਤੇ ਆਧਾਰਿਤ ਫਿਲਮ 'ਨਵਾਬਜ਼ਾਦੇ' 'ਚ ਦੇਖਣ ਨੂੰ ਮਿਲੇਗਾ। 'ਹਾਈ ਰੇਟਿਡ ਗੱਬਰੂ' ਗੀਤ ਇਸ ਫਿਲਮ 'ਚ ਵਰੁਣ ਧਵਨ ਤੇ ਸ਼ਰਧਾ ਕਪੂਰ 'ਤੇ ਫਿਲਮਾਇਆ ਗਿਆ ਹੈ। ਹਾਲਾਂਕਿ ਵਰੁਣ ਧਵਨ ਤੇ ਸ਼ਰਧਾ ਕਪੂਰ ਇਸ ਫਿਲਮ 'ਚ ਬਸ ਇਸੇ ਗੀਤ 'ਚ ਹੀ ਨਜ਼ਰ ਆਉਣਗੇ।

ਦੱਸ ਦੇਈਏ ਕਿ ਵਰੁਣ ਧਵਨ ਤੇ ਸ਼ਰਧਾ ਕਪੂਰ ਦੂਜੀ ਵਾਰ ਵੱਡੇ ਪਰਦੇ 'ਤੇ ਨਜ਼ਰ ਆਉਣਗੇ। ਇਸ ਤੋਂ ਪਹਿਲਾ ਇਹ ਜੋੜੀ ਫਿਲਮ 'ਏ. ਬੀ ਸੀ. ਡੀ. 2' 'ਚ ਨਜ਼ਰ ਆ ਚੁੱਕੀ ਹੈ। ਉਨ੍ਹਾਂ ਨੇ ਆਪਣੇ ਆਫੀਸ਼ੀਅਲ ਇੰਸਟਾਗ੍ਰਾਮ 'ਤੇ ਇਸ ਗੀਤ ਨੂੰ ਸ਼ੇਅਰ ਕੀਤਾ ਹੈ, ਜਿਸ 'ਚ ਸ਼ਰਧਾ ਕਪੂਰ ਚੇ ਵਰੁਣ ਧਵਨ ਇਕਦਮ ਵੱਖਰੇ ਅੰਦਾਜ਼ 'ਚ ਨਜ਼ਰ ਆ ਰਹੇ ਹਨ। ਇਹ ਗੀਤ ਫਿਲਮ 'ਚ ਵਰੁਣ ਤੇ ਸ਼ਰਧਾ ਦੀ ਸਪੈਸ਼ਲ ਕੈਮਿਸਟਰੀ ਦੇਖਣ ਨੂੰ ਮਿਲੇਗੀ। 

ਦਸ ਦਈਏ ਕਿ ਇਸਤੋਂ ਪਹਿਲਾਂ 'ਏ. ਬੀ ਸੀ. ਡੀ. 2' ਦੇ 'ਸੁਨ ਸਾਥੀਆ' ਗੀਤ ਵਿਚ ਅਸੀਂ ਇਨ੍ਹਾਂ ਦੋਹਾਂ ਨੂੰ ਇੱਕਠੇ ਦੇਖ ਚੁੱਕੇ ਹਾਂ ਤੇ ਉਸ ਗੀਤ 'ਚ ਵੀ ਇਨ੍ਹਾਂ ਦੋਵਾਂ ਨੂੰ ਤੇ ਇਨ੍ਹਾਂ ਦੇ ਡਾਂਸ ਨੂੰ ਕਾਫ਼ੀ ਸਰਾਹਿਆ ਗਿਆ ਸੀ। ਹੁਣ ਸਾਡੇ ਹਾਈ ਰੇਟਿਡ ਗੱਬਰੂ ਦੀ ਤਾਲ ਤੇ ਥਿਰਕੇ ਵਰੁਣ ਧਵਨ ਤੇ ਸ਼ਰਧਾ ਕਪੂਰ ਨੂੰ ਉਨ੍ਹਾਂ ਹੀ ਸਗੋਂ ਉਸਤੋਂ ਵੀ ਭਰਭੂਰ ਪਿਆਰ ਨਾਲ ਨਵਾਜ਼ਿਆ ਜਾ ਰਿਆ ਹੈ।