ਮੁੰਬਈ: ਹਾਲੀਵੁਡ ਤੋਂ ਸ਼ੁਰੂ ਹੋਇਆ #MeToo ਮੁਹਿੰਮ ਨੇ ਕਈ ਖੁਲਾਸੇ ਕੀਤੇ ਅਤੇ ਹੁਣ ਇਹ ਮੁਹਿੰਮ ਭਾਰਤ 'ਚ ਇਕ ਸਨਸਨੀ ਵਾਂਗ ਫੈਲਦੀ ਹੀ ਜਾ ਰਿਹਾ ਹੈ ਅਤੇ ਇਸ 'ਚ ਕਈ ਵੱਡੇ ਲੋਕਾਂ ਦੇ ਨਾਂ ਵੀ ਸਾਹਮਣੇ ਆ ਚੁੱਕੇ ਹਨ।ਦੱਸ ਦਈਏ ਕਿ ਅੱਜ ਕੱਲ ਬਾਲੀਵੁੱਡ ਵਿਚ #MeToo ਮੁਹਿੰਮ ਕਾਫ਼ੀ ਸੁਰਖੀਆਂ ਵਿਚ ਚੱਲ ਰਿਹਾ ਹੈ ਅਤੇ ਇਸ ਦੀ ਸ਼ੁਰੂਆਤ ਪਿਛਲੇ ਸਾਲ ਅਮਰੀਕਾ 'ਚ ਹੋਈ ਸੀ। ਜਿੱਥੇ ਇਕ ਹਾਲੀਵੁਡ  ਦੇ ਨਿਰਮਾਤਾ ਹਾਰਵੇ ਵਿੰਸਟੀਨ 'ਤੇ 70 ਤੋਂ ਵੀ ਵੱਧ ਔਰਤਾਂ ਨੇ ਸਰੀਰਕ ਸੋਸ਼ਣ ਦੇ ਇਲਜ਼ਾਮ ਲਾਏ ਸੀ। ਇਸ ਤੋਂ ਬਾਅਦ ਇਹ #MeToo ਲਹਿਰ ਬਣ ਗਿਆ ਅਤੇ ਹੁਣ ਇਹੀ ਲਹਿਰ ਭਾਰਤ 'ਚ ਸ਼ੁਰੂ ਹੋਈ ਹੈ।

ਜ਼ਿਕਰਯੋਗ ਹੈ ਕਿ #MeToo ਮੁਹਿੰਮ ਦੇ ਤਹਿਤ ਜਿਨਸੀ ਸੋਸ਼ਣ ਦਾ ਇਕ ਨਵਾਂ ਮਾਮਲਾ ਸਾਹਮਣੇ ਆਇਆ ਹੈ।ਹੁਣ ਟੀ.ਵੀ. ਸੀਰੀਅਲ 'ਯੇ ਤੇਰੀ ਗਲੀਆਂ' ਵਿਚ ਕੰਮ ਕਰ ਰਹੀ ਅਦਾਕਾਰਾ ਰੇਨੀ ਧਿਆਨੀ ਨੇ ਆਪਣੇ ਨਾਲ ਹੋਏ ਸਰੀਰਕ ਸੋਸ਼ਣ ਦਾ ਇਕ ਪੁਰਾਣਾ ਮਾਮਲਾ ਸਾਂਝਾ ਕੀਤਾ ਹੈ, ਜਿਸ 'ਚ ਉਸ ਨੇ ਇਕ ਟੀ.ਵੀ. ਅਦਾਕਾਰ 'ਤੇ ਦੋਸ਼ ਲਗਾਇਆ ਹੈ। ਇਸ ਬਾਰੇ ਅਦਾਕਾਰਾ ਰੇਨੀ ਧਿਆਨੀ ਨੇ ਖੁਲਾਸਾ ਕਰਦਿਆਂ ਦੱਸਿਆ ਕਿ ਅਸੀਂ ਸਾਰੇ ਸ਼ਰਾਬ ਦੇ ਨਸ਼ੇ ਵਿਚ ਨੱਚ ਰਹੇ ਸੀ।ਇਸ ਦੌਰਾਨ ਆਰੋਪੀ ਅਦਾਕਾਰ ਅਪਣੀ ਗਰਲਫਰੈਂਡ ਤੇ ਨਨਾਣ ਦੇ ਨਾਲ ਆਇਆ ਸੀ ਅਤੇ ਉਹ ਵੀ ਨਸ਼ੇ ਵਿਚ ਸੀ।ਅਦਾਕਾਰਾ ਰੇਨੀ ਧਿਆਨੀ ਨੇ ਦੱਸਿਆ

ਕਿ ਆਰੋਪੀ ਅਦਾਕਾਰ ਮੈਨੂੰ ਚਿੱਖ ਕੇ ਅਸ਼ਲੀਲ ਹਰਕਤਾਂ ਕਰ ਰਿਹਾ ਸੀ ਅਤੇ ਉਹ ਮੇਰੇ ਤੋਂ ਅਸ਼ਲੀਲ ਡਿਮਾਂਡ ਕਰ ਰਿਹਾ ਸੀ। ਇਹ ਵੀ ਦੱਸ ਦਈਏ ਕਿ ਅਦਾਕਾਰਾ ਰੇਨੀ ਧਿਆਨੀ ਨੇ ਆਰੋਪੀ ਅਦਾਕਾਰ ਦਾ ਨਾਂ ਨਹੀਂ ਲਿਆ। ਅਦਾਕਾਰਾ ਨੇ ਕਿਹਾ ਕਿ ਅਪਣੇ ਪੱਧਰ 'ਤੇ ਉਸ ਨੇ ਕਾਰਵਾਈ ਵੀ ਕੀਤੀ ਸੀ।ਉਸ ਨੇ ਇਕ ਫੇਸਬੁੱਕ ਲਾਈਵ ਰਾਹੀਂ ਇਸ ਗੱਲ ਦੀ ਜਾਣਕਾਰੀ ਸਾਂਝੀ ਕੀਤੀ ਸੀ ਅਤੇ ਬਾਅਦ 'ਚ ਮੈਨੂੰ ਉਹ ਲਾਈਵ ਵੀਡੀਓ ਡਿਲੀਟ ਕਰਨੀ ਪਈ ਕਿਉਂਕਿ ਸ਼ੋਅ 'ਚ ਮੈਨੂੰ ਅਜਿਹਾ ਕਰਨ ਨੂੰ ਕਿਹਾ ਗਿਆ।