ਜਪਾਨ ਵਿਖੇ ਸਮੰਦਰ 'ਚ ਰੁੜ੍ਹਦੀਆਂ ਗੱਡੀਆਂ ਦਾ ਇਹ ਵੀਡੀਓ 2011 ਦਾ ਹੈ, Fact Check ਰਿਪੋਰਟ

Fact Check Old Video Of Japan 2011 Tsunami shared as recent

RSFC (Team Mohali)- ਬੀਤੇ ਸੋਮਵਾਰ ਨੂੰ ਜਪਾਨ ਵਿਚ ਆਏ ਭਿਅੰਕਰ ਭੁਚਾਲ ਤੋਂ ਬਾਅਦ ਸੋਸ਼ਲ ਮੀਡਿਆ 'ਤੇ ਇੱਕ ਵੀਡੀਓ ਵਾਇਰਲ ਹੋਣ ਲੱਗਿਆ ਜਿਸਦੇ ਵਿਚ ਸਮੰਦਰ ਦੇ ਤੇਜ ਬਹਾਅ 'ਚ ਗੱਡੀਆਂ ਤੇ ਆਰਥਿਕ ਚੀਜਾਂ ਨੂੰ ਰੁੜ੍ਹਦੇ ਵੇਖਿਆ ਜਾ ਸਕਦਾ ਸੀ। ਦਾਅਵਾ ਕੀਤਾ ਗਿਆ ਕਿ ਇਹ ਵੀਡੀਓ ਜਪਾਨ ਵਿਚ ਹਾਲ ਹੀ 'ਚ ਆਏ ਭੁਚਾਲ ਤੋਂ ਬਾਅਦ ਸਾਹਮਣੇ ਆਇਆ ਹੈ। 

ਫੇਸਬੁੱਕ ਯੂਜ਼ਰ 'ਸਿੱਧੂ ਮੂਸੇਵਾਲੇ ਦੇ ਕੱਟੜ ਫੈਨ' ਨੇ ਵੀਡੀਓ ਨੂੰ ਸ਼ੇਅਰ ਕਰਦਿਆਂ ਲਿਖਿਆ,'ਜਪਾਨ ਵਿੱਚ ਭੁਚਾਲ ਤੇ ਸੁਨਾਮੀ'

ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਵਾਇਰਲ ਦਾਅਵੇ ਨੂੰ ਗੁੰਮਰਾਹਕੁਨ ਪਾਇਆ ਹੈ। ਵਾਇਰਲ ਹੋ ਰਿਹਾ ਵੀਡੀਓ ਹਾਲਿਆ ਨਹੀਂ ਸਗੋਂ ਜਪਾਨ 'ਚ ਸਾਲ 2011 ਵਿਚ ਆਈ ਸੁਨਾਮੀ ਦਾ ਹੈ।

ਸਪੋਕਸਮੈਨ ਦੀ ਪੜਤਾਲ

ਪੜਤਾਲ ਦੀ ਸ਼ੁਰੂਆਤ ਕਰਦਿਆਂ ਅਸੀਂ ਸਭਤੋਂ ਪਹਿਲਾਂ ਇਸ ਵੀਡੀਓ ਨੂੰ ਧਿਆਨ ਨਾਲ ਵੇਖਿਆ ਅਤੇ ਵੀਡੀਓ ਦੇ ਕੀਫ਼੍ਰੇਮਸ ਕੱਢ ਉਨ੍ਹਾਂ ਨੂੰ ਰਿਵਰਸ ਇਮੇਜ ਸਰਚ ਕੀਤਾ। 

ਵਾਇਰਲ ਵੀਡੀਓ 2011 ਦਾ ਹੈ

ਸਾਨੂੰ ਇਸ ਵਾਇਰਲ ਵੀਡੀਓ ਨਾਲ ਮਿਲਦੇ ਹੁਬਭੂ ਦ੍ਰਿਸ਼ ਕਈ ਪੁਰਾਣੀ ਰਿਪੋਰਟਾਂ ਵਿਚ ਪ੍ਰਕਾਸ਼ਿਤ ਮਿਲੇ। ਮਿਲੀ ਜਾਣਕਾਰੀ ਮੁਤਾਬਕ ਇਹ ਵਾਇਰਲ ਵੀਡੀਓ ਜਪਾਨ ਵਿਖੇ 2011 'ਚ ਆਈ ਸੁਨਾਮੀ ਦਾ ਹੈ।

Youtube ਅਕਾਊਂਟ Videoofnepal3 12 ਮਾਰਚ 2011 ਨੂੰ ਵਾਇਰਲ ਵੀਡੀਓ ਦੇ ਸਮਾਨ ਦ੍ਰਿਸ਼ ਵਾਲਾ ਵੀਡੀਓ ਸਾਂਝਾ ਕੀਤਾ ਅਤੇ ਵੀਡੀਓ ਨੂੰ ਜਪਾਨ 'ਚ ਆਈ ਸੁਨਾਮੀ ਦਾ ਦੱਸਿਆ।