ਨਾ ਅਯੋਧਿਆ ਤੇ ਨਾ ਗੁਜਰਾਤ...ਔਰਤ ਦੇ ਟੋਏ ਵਿਚ ਡਿੱਗਣ ਦਾ ਇਹ ਵੀਡੀਓ ਬ੍ਰਾਜ਼ੀਲ ਦਾ ਹੈ, Fact Check ਰਿਪੋਰਟ

Fact Check Old Video From Brazil Viral In The Name Of Gujarat And Ayodhaya Amid Pre Monsoon Rains

Claim

ਦੇਸ਼ ਵਿਚ ਲੱਗਭਗ ਚਾਰੇ ਪਾਸੇ ਮੀਂਹ ਵੇਖਣ ਨੂੰ ਮਿਲ ਰਿਹਾ ਹੈ। ਇਸੇ ਦੌਰਾਨ ਦੇਸ਼ ਵਿਚ ਕਈ ਹਾਦਸੇ ਅਤੇ ਪ੍ਰਸ਼ਾਸਨ ਦੀਆਂ ਨਾਕਾਮੀਆਂ ਦਾ ਵੀ ਪਰਦਾ ਫਾਸ਼ ਹੋਇਆ। ਹੁਣ ਇਸੇ ਵਿਚਕਾਰ ਸੋਸ਼ਲ ਮੀਡਿਆ 'ਤੇ ਇੱਕ ਵੀਡੀਓ ਵਾਇਰਲ ਹੋ ਰਿਹਾ ਹੈ। ਇਸ ਵੀਡੀਓ ਵਿਚ ਇੱਕ ਔਰਤ ਨੂੰ ਪਾਣੀ ਨਾਲ ਭਰੇ ਟੋਏ ਵਿਚ ਡਿੱਗਦੇ ਵੇਖਿਆ ਜਾ ਸਕਦਾ ਹੈ। ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਵਾਇਰਲ ਹੋ ਰਿਹਾ ਮਾਮਲਾ ਅਯੋਧਿਆ ਤੋਂ ਸਾਹਮਣੇ ਆਇਆ ਹੈ। ਕੁਝ ਯੂਜ਼ਰਸ ਇਸਨੂੰ ਗੁਜਰਾਤ ਦਾ ਦੱਸਕੇ ਵੀ ਵਾਇਰਲ ਕਰ ਰਹੇ ਹਨ।

X ਯੂਜ਼ਰ "Subhash Kumar Prasad" ਨੇ ਵਾਇਰਲ ਵੀਡੀਓ ਨੂੰ ਅਯੋਧਿਆ ਦਾ ਦੱਸਕੇ ਸਾਂਝਾ ਕੀਤਾ ਅਤੇ ਲਿਖਿਆ, "पहली बारिश के बाद अयोध्या में बनी रामपथ सड़क का ये हाल है। इसकी लंबाई 13 किलोमीटर है। कुल लागत 844 करोड़ है यानी 1 किलोमीटर के निर्माण में करीब 65 करोड़ रुपए खर्च हुए हैं। सड़क बनाने वाली कंपनी गुजरात की है। इसका नाम भुवन इंफ्राकॉम प्राइवेट लिमिटेड है। सारे तथ्य जांच लें।"

ਇਸੇ ਤਰ੍ਹਾਂ X ਯੂਜ਼ਰ Farhat Afreen ਨੇ ਇਸ ਵੀਡੀਓ ਗੁਜਰਾਤ ਦਾ ਦੱਸਕੇ ਸਾਂਝਾ ਕਰਦਿਆਂ ਲਿਖਿਆ, "ये गुजरात का Video है सड़क पर चलने से पहले गुजरात मॉडल को ध्यान में रखिए ????"

ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਵਾਇਰਲ ਹੋ ਰਿਹਾ ਵੀਡੀਓ ਨਾ ਹੀ ਅਯੋਧਿਆ ਦਾ ਹੈ ਅਤੇ ਨਾ ਹੀ ਗੁਜਰਾਤ ਦਾ। ਵਾਇਰਲ ਹੋ ਰਿਹਾ ਇਹ ਵੀਡੀਓ 2 ਸਾਲ ਪੁਰਾਣਾ ਹੈ ਅਤੇ ਬ੍ਰਾਜ਼ੀਲ ਦਾ ਹੈ। ਹੁਣ ਬ੍ਰਾਜ਼ੀਲ ਦੇ ਪੁਰਾਣੇ ਵੀਡੀਓ ਨੂੰ ਭਾਰਤ ਦਾ ਦੱਸਕੇ ਲੋਕਾਂ ਨੂੰ ਗੁੰਮਰਾਹ ਕੀਤਾ ਜਾ ਰਿਹਾ ਹੈ।

Investigation

ਪੜਤਾਲ ਦੀ ਸ਼ੁਰੂਆਤ ਕਰਦਿਆਂ ਅਸੀਂ ਸਭਤੋਂ ਪਹਿਲਾਂ ਇਸ ਵੀਡੀਓ ਨੂੰ ਧਿਆਨ ਨਾਲ ਵੇਖਿਆ ਅਤੇ ਵੀਡੀਓ ਦੇ ਕੀਫ਼੍ਰੇਮਸ ਕੱਢ ਉਨ੍ਹਾਂ ਨੂੰ ਰਿਵਰਸ ਇਮੇਜ ਸਰਚ ਕੀਤਾ।

"ਵਾਇਰਲ ਵੀਡੀਓ ਬ੍ਰਾਜ਼ੀਲ ਦਾ ਹੈ"

ਦੱਸ ਦਈਏ ਸਾਨੂੰ ਇਸ ਮਾਮਲੇ ਨੂੰ ਲੈ ਕੇ ਕਈ ਅਧਿਕਾਰਿਕ ਖਬਰਾਂ ਮਿਲੀਆਂ। ਖਬਰਾਂ ਮੁਤਾਬਕ ਇਹ ਮਾਮਲਾ ਬ੍ਰਾਜ਼ੀਲ ਦਾ ਹੈ ਅਤੇ 2 ਸਾਲ ਪੁਰਾਣਾ ਹੈ।

ਸਾਨੂੰ ਇਹ ਵੀਡੀਓ ਬ੍ਰਾਜ਼ੀਲ ਦੇ ਮੀਡਿਆ ਅਦਾਰੇ SBT News ਦੇ YouTube ਚੈਨਲ ‘ਤੇ 3 ਜੂਨ 2022 ਦਾ ਅਪਲੋਡ ਮਿਲਿਆ। ਇਸ ਰਿਪੋਰਟ ਮੁਤਾਬਕ ਇਹ ਵੀਡੀਓ ਬ੍ਰਾਜ਼ੀਲ ਤੋਂ ਸਾਹਮਣੇ ਆਇਆ ਜਿੱਥੇ ਇੱਕ ਔਰਤ ਸੜਕ ‘ਤੇ ਟੋਏ ‘ਚ ਡਿੱਗ ਗਈ ਸੀ।