Fact Check: ਆਦਿਵਾਸੀ ਨੂੰ ਟਰੱਕ ਪਿੱਛੇ ਘਸੀਟ ਕੇ ਲੈ ਜਾਣ ਦਾ ਇਹ ਮਾਮਲਾ ਹਾਲੀਆ ਨਹੀਂ 2021 ਦਾ ਹੈ 

Fact Check Old video of tribal man tied to truck viral as recent

ਸੋਸ਼ਲ ਮੀਡਿਆ 'ਤੇ ਇੱਕ ਵੀਡੀਓ ਵਾਇਰਲ ਹੋ ਰਿਹਾ ਹੈ ਜਿਸਦੇ ਵਿਚ ਇੱਕ ਵਿਅਕਤੀ ਨੂੰ ਟਰੱਕ ਦੇ ਨਾਲ ਬੰਨਕੇ ਖਿੱਚਿਆ ਜਾ ਰਿਹਾ ਹੈ। ਵੀਡੀਓ ਨੂੰ ਸ਼ੇਅਰ ਕਰ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਇਹ ਵੀਡੀਓ ਨੀਮਚ ਕਸਬੇ ਦੀ ਹੈ ਜਿੱਥੇ ਇੱਕ ਆਦਿਵਾਸੀ ਨੂੰ ਟਰੱਕ ਦੇ ਪਿੱਛੇ ਬੰਨ੍ਹ ਕੇ ਘਸੀਟਿਆ ਗਿਆ। ਵੀਡੀਓ ਨੂੰ ਹਾਲੀਆ ਦੱਸਕੇ ਵਾਇਰਲ ਕੀਤਾ ਜਾ ਰਿਹਾ ਹੈ।  

ਟਵਿੱਟਰ ਯੂਜ਼ਰ 'ਐੱਸ ਸੁਰਿੰਦਰ' ਨੇ ਵਾਇਰਲ ਵੀਡੀਓ ਨੂੰ ਸ਼ੇਅਰ ਕਰਦਿਆਂ ਲਿਖਿਆ, 'ਇਹ ਘਟਨਾ ਕੁਝ ਦਿਨ ਪਹਿਲਾਂ ਮੱਧ ਪ੍ਰਦੇਸ਼ ਵਿੱਚ ਵਾਪਰੀ ਸੀ। ਨੀਮਚ ਕਸਬੇ ਵਿੱਚ ਇੱਕ ਆਦਿਵਾਸੀ ਨੂੰ ਟਰੱਕ ਦੇ ਪਿੱਛੇ ਜਾਨਵਰਾਂ ਵਾਂਗ ਬੰਨ੍ਹ ਕੇ ਬ੍ਰਾਹਮਣ ਅੱਤਵਾਦੀਆਂ ਨੇ ਘਸੀਟਿਆ। ਬਾਅਦ ਵਿੱਚ ਉਹ ਮਰ ਗਿਆ। ਬ੍ਰਾਹਮਣਵਾਦ ਨੇ ਸਾਡੀ ਧਰਤੀ ਅਤੇ ਲੋਕਾਂ ਨੂੰ ਬਰਬਾਦ ਕਰ ਦਿੱਤਾ ਹੈ, ਹਿੰਦੂ ਹੋਣ ਦਾ ਮਤਲਬ ਹੈ ਬ੍ਰਾਹਮਣ ਦਾ ਗੁਲਾਮ ਹੋਣਾ।'

ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਆਦਿਵਾਸੀ ਨੂੰ ਟਰੱਕ ਪਿੱਛੇ ਘਸੀਟ ਕੇ ਲੈ ਜਾਣ ਦਾ ਇਹ ਮਾਮਲਾ ਹਾਲ ਦਾ ਨਹੀਂ ਬਲਕਿ 2021 ਦਾ ਹੈ ਜਿਸਨੂੰ ਹੁਣ ਗਲਤ ਦਾਅਵੇ ਨਾਲ ਵਾਇਰਲ ਕੀਤਾ ਜਾ ਰਿਹਾ ਹੈ।

ਸਪੋਕਸਮੈਨ ਦੀ ਪੜਤਾਲ;

ਪੜਤਾਲ ਦੀ ਸ਼ੁਰੂਆਤ ਕਰਦਿਆਂ ਅਸੀਂ ਸਭਤੋਂ ਪਹਿਲਾਂ ਇਸ ਵੀਡੀਓ ਦੇ ਕੀਫ਼੍ਰੇਮਸ ਕੱਢੇ ਅਤੇ ਉਨ੍ਹਾਂ ਨੂੰ ਰਿਵਰਸ ਇਮੇਜ ਸਰਚ ਕੀਤਾ। 

ਵਾਇਰਲ ਮਾਮਲਾ 2021 ਦਾ ਹੈ

ਸਾਨੂੰ ਇਸ ਮਾਮਲੇ ਨੂੰ ਲੈ ਕੇ ਕਈ ਸਾਰੀ ਰਿਪੋਰਟਾਂ ਮਿਲੀਆਂ। News 18 ਨੇ 29 ਅਗਸਤ 2021 ਨੂੰ ਇਸ ਮਾਮਲੇ ਦੀ ਖਬਰ ਸਾਂਝੀ ਕਰਦਿਆਂ ਸਿਰਲੇਖ ਦਿੱਤਾ, "Tribal Man Dies After Being Tied to Vehicle, Dragged in MP's Neemuch on Theft Suspicion"

ਖਬਰ ਅਨੁਸਾਰ, "ਇੱਕ ਹੈਰਾਨ ਕਰਨ ਵਾਲੀ ਘਟਨਾ,ਮੱਧ ਪ੍ਰਦੇਸ਼ ਦੇ ਨੀਮਚ ਜ਼ਿਲ੍ਹੇ ਵਿਚ ਇੱਕ ਕਬਾਇਲੀ ਵਿਅਕਤੀ ਦੀ ਮੌਤ ਹੋ ਗਈ ਜਦੋਂ ਉਸਨੂੰ ਚੋਰੀ ਦੇ ਸ਼ੱਕ ਵਿਚ ਲੋਕਾਂ ਦੇ ਇੱਕ ਸਮੂਹ ਦੁਆਰਾ ਕੁੱਟਿਆ ਗਿਆ, ਇੱਕ ਵਾਹਨ ਨਾਲ ਬੰਨ੍ਹਿਆ ਗਿਆ ਅਤੇ ਸੜਕ 'ਤੇ ਘਸੀਟਿਆ ਗਿਆ। ਭੀਲ ਕਬੀਲੇ ਨਾਲ ਸਬੰਧਤ ਕਨ੍ਹਈਲਾਲ ਨੂੰ ਸਿੰਗੋਲੀ ਥਾਣਾ ਖੇਤਰ ਦੀ ਹੱਦ ਅੰਦਰ ਸਥਾਨਕ ਪਿੰਡ ਵਾਸੀਆਂ ਨੇ ਕੁੱਟਮਾਰ ਕੀਤੀ, ਇੱਕ ਪਿਕ-ਅੱਪ ਟਰੱਕ ਨਾਲ ਬੰਨ੍ਹ ਕੇ ਕੁਝ ਦੂਰੀ ਤੱਕ ਘਸੀਟਿਆ। ਪੁਲਿਸ ਨੇ ਮੌਕੇ 'ਤੇ ਪਹੁੰਚ ਕੇ ਜ਼ਖਮੀ ਆਦਿਵਾਸੀ ਵਿਅਕਤੀ ਨੂੰ ਨੀਮਚ ਦੇ ਹਸਪਤਾਲ 'ਚ ਦਾਖਲ ਕਰਵਾਇਆ, ਜਿੱਥੇ ਉਸ ਨੇ ਜ਼ਖਮਾਂ ਦੀ ਤਾਬ ਨਾ ਝੱਲਦੇ ਹੋਏ ਦਮ ਤੋੜ ਦਿੱਤਾ।"

ਦੱਸ ਦਈਏ ਕਿ ANI  ਦੀ ਸਾਨੂੰ ਇਕ ਰਿਪੋਰਟ ਮਿਲੀ ਜਿਸਦੇ ਵਿਚ ਪੁਲਿਸ ਅਫਸਰ ਨੇ ਬਿਆਨ ਦਿੰਦਿਆਂ ਕਿਹਾ ਸੀ ਕਿ ਇਸ ਮਾਮਲੇ 'ਚ 4 ਲੋਕਾਂ ਦੀ ਗ੍ਰਿਫਤਾਰੀ ਹੋ ਚੁੱਕੀ ਹੈ ਅਤੇ ਬਾਕੀਆਂ ਦੀ ਭਾਲ ਜਾਰੀ ਹੈ।

ਇਸੇ ਤਰ੍ਹਾਂ ਇਸ ਮਾਮਲੇ ਦੀਆਂ ਹੋਰ ਰਿਪੋਰਟਾਂ ਇਥੇ ਅਤੇ ਇਥੇ ਕਲਿਕ ਕਰ ਪੜ੍ਹੀਆਂ ਜਾ ਸਕਦੀਆਂ ਹਨ।

ਨਤੀਜਾ- ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਆਦਿਵਾਸੀ ਨੂੰ ਟਰੱਕ ਪਿੱਛੇ ਘਸੀਟ ਕੇ ਲੈ ਜਾਣ ਦਾ ਇਹ ਮਾਮਲਾ ਹਾਲ ਦਾ ਨਹੀਂ ਬਲਕਿ 2021 ਦਾ ਹੈ ਜਿਸਨੂੰ ਹੁਣ ਗਲਤ ਦਾਅਵੇ ਨਾਲ ਵਾਇਰਲ ਕੀਤਾ ਜਾ ਰਿਹਾ ਹੈ।