ਆਪਣੇ ਹਰ ਜ਼ਿਲ੍ਹੇ 'ਚ ਸਾਈਬਰ ਪੁਲਿਸ ਥਾਣੇ ਬਣਾਉਣ ਵਾਲਾ ਪਹਿਲਾ ਰਾਜ ਨਹੀਂ ਬਣੇਗਾ UP, CM ਯੋਗੀ ਦਾ ਦਾਅਵਾ ਗਲਤ ਹੈ
ਉੱਤਰ ਪ੍ਰਦੇਸ਼ ਤੋਂ ਪਹਿਲਾਂ ਹਰਿਆਣਾ, ਮਹਾਰਾਸ਼ਟਰ ਤੇ ਬਿਹਾਰ ਆਪਣੇ ਹਰ ਜ਼ਿਲ੍ਹੇ 'ਚ ਸਾਈਬਰ ਪੁਲਿਸ ਥਾਣੇ ਬਣਾ ਚੁੱਕੇ ਹਨ।
Claim
RSFC (Team Mohali)- ਉੱਤਰ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਯੋਗੀ ਆਦਿੱਤਯਨਾਥ ਦੇ ਦਫਤਰ ਨੇ 29 ਫਰਵਰੀ 2024 ਨੂੰ ਆਪਣੇ ਸੋਸ਼ਲ ਮੀਡੀਆ ਹੈਂਡਲਸ ਤੋਂ ਜਾਣਕਾਰੀ ਸਾਂਝੀ ਕੀਤੀ ਕਿ ਉੱਤਰ ਪ੍ਰਦੇਸ਼ ਆਪਣੇ ਹਰ ਜ਼ਿਲ੍ਹੇ 'ਚ ਸਾਈਬਰ ਕ੍ਰਾਈਮ ਪੁਲਿਸ ਥਾਣੇ ਬਣਾਉਣ ਵਾਲਾ ਪਹਿਲਾ ਰਾਜ ਬਣ ਰਿਹਾ ਹੈ।
CM ਯੋਗੀ ਦੇ ਦਫਤਰ "CM Office, GoUP" ਨੇ 29 ਫਰਵਰੀ 2024 ਨੂੰ X 'ਤੇ ਟਵੀਟ ਕਰਦਿਆਂ ਦਾਅਵਾ ਕੀਤਾ ਕਿ ਉੱਤਰ ਪ੍ਰਦੇਸ਼ ਆਪਣੇ ਹਰ ਜ਼ਿਲ੍ਹੇ 'ਚ ਸਾਈਬਰ ਕ੍ਰਾਈਮ ਪੁਲਿਸ ਥਾਣੇ ਬਣਾਉਣ ਵਾਲਾ ਪਹਿਲਾ ਰਾਜ ਬਣ ਰਿਹਾ ਹੈ। ਟਵੀਟ ਕਰ ਕੈਪਸ਼ਨ ਲਿਖਿਆ ਗਿਆ, "UP is leading the way in cyber security! Uttar Pradesh is the first state in India with cyber police stations in all 75 districts, and every police station has a dedicated cyber cell. Over 1.6 lakh new police personnel have been recruited & 1.5 lakh+ received well-deserved promotions under the #UPCM @myogiadityanth's government."
ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਵਾਇਰਲ ਦਾਅਵੇ ਨੂੰ ਗੁੰਮਰਾਹਕੁਨ ਪਾਇਆ ਹੈ। ਆਪਣੇ ਹਰ ਜ਼ਿਲ੍ਹੇ 'ਚ ਸਾਈਬਰ ਪੁਲਿਸ ਥਾਣੇ ਬਣਾਉਣ ਵਾਲਾ ਪਹਿਲਾ ਰਾਜ ਨਹੀਂ ਬਣੇਗਾ UP, ਦੇਸ਼ ਵਿਚ ਉੱਤਰ ਪ੍ਰਦੇਸ਼ ਤੋਂ ਪਹਿਲਾਂ ਹਰਿਆਣਾ, ਮਹਾਰਾਸ਼ਟਰ ਤੇ ਬਿਹਾਰ ਆਪਣੇ ਹਰ ਜ਼ਿਲ੍ਹੇ 'ਚ ਸਾਈਬਰ ਪੁਲਿਸ ਥਾਣੇ ਬਣਾ ਚੁੱਕੇ ਹਨ।
Verification
ਪੜਤਾਲ ਦੀ ਸ਼ੁਰੂਆਤ ਕਰਦਿਆਂ ਅਸੀਂ ਸਭਤੋਂ ਪਹਿਲਾਂ ਇਸ ਮਾਮਲੇ ਨੂੰ ਲੈ ਕੇ ਕੀਵਰਡ ਸਰਚ ਕੀਤਾ।
ਦੱਸ ਦਈਏ ਉੱਤਰ ਪ੍ਰਦੇਸ਼ ਤੋਂ ਪਹਿਲਾਂ ਬਿਹਾਰ, ਮਹਾਰਾਸ਼ਟਰ ਤੇ ਹਰਿਆਣਾ ਆਪਣੇ ਹਰ ਜ਼ਿਲ੍ਹੇ 'ਚ ਸਾਈਬਰ ਪੁਲਿਸ ਥਾਣੇ ਬਣਾ ਚੁੱਕੇ ਹਨ। 3 ਨਵੰਬਰ 2016 ਨੂੰ ਪ੍ਰਕਾਸ਼ਿਤ ਮੀਡੀਆ ਅਦਾਰੇ Indian Express ਦੀ ਖਬਰ ਅਨੁਸਾਰ ਮਹਾਰਾਸ਼ਟਰ ਦੇਸ਼ ਦਾ ਪਹਿਲਾ ਰਾਜ ਬਣ ਗਿਆ ਹੈ ਜਿਸਨੇ ਆਪਣੇ ਹਰ ਜ਼ਿਲ੍ਹੇ 'ਚ ਸਾਈਬਰ ਪੁਲਿਸ ਥਾਣੇ ਖੋਲ੍ਹੇ ਹਨ। ਮੀਡੀਆ ਅਦਾਰੇ ਨੇ ਖਬਰ ਸਾਂਝੀ ਕਰਦਿਆਂ ਸਿਰਲੇਖ ਲਿਖਿਆ ਸੀ, "Maharashtra first to launch cyber police stations in all districts"
ਇਸੇ ਤਰ੍ਹਾਂ 25 ਜੂਨ 2022 ਦੀ Times Now ਦੀ ਖਬਰ ਅਨੁਸਾਰ ਹਰਿਆਣਾ ਆਪਣੇ ਹਰ ਜ਼ਿਲ੍ਹੇ 'ਚ ਸਾਈਬਰ ਪੁਲਿਸ ਸਟੇਸ਼ਨ ਖੋਲ੍ਹਣ ਜਾ ਰਿਹਾ ਹੈ।
ਅੱਗੇ ਇਸੇ ਤਰ੍ਹਾਂ Times Of India ਦੀ 10 ਜੂਨ 2023 ਦੀ ਖਬਰ ਅਨੁਸਾਰ ਬਿਹਾਰ ਰਾਜ ਨੇ ਆਪਣੇ 38 ਜ਼ਿਲਿਆਂ 'ਚ 44 ਸਾਈਬਰ ਪੁਲਿਸ ਸਟੇਸ਼ਨ ਖੋਲ੍ਹ ਲਏ ਹਨ।
ਮਤਲਬ ਸਾਫ ਸੀ ਕਿ ਉੱਤਰ ਪ੍ਰਦੇਸ਼ ਆਪਣੇ ਹਰ ਜ਼ਿਲ੍ਹੇ 'ਚ ਸਾਈਬਰ ਪੁਲਿਸ ਥਾਣੇ ਬਣਾਉਣ ਵਾਲਾ ਪਹਿਲਾ ਰਾਜ ਨਹੀਂ ਬਣ ਰਿਹਾ ਹੈ।
"ਦੱਸ ਦਈਏ ਕਿ ਦੇਸ਼ ਵਿਚ ਪਹਿਲਾ ਸਾਈਬਰ ਪੁਲਿਸ ਥਾਣਾ ਕਰਨਾਟਕ ਦੇ ਬੰਗਲੁਰੂ ਵਿਖੇ 2001 ਵਿਚ ਖੋਲ੍ਹਿਆ ਗਿਆ ਸੀ।"
Conclusion
ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਵਾਇਰਲ ਦਾਅਵੇ ਨੂੰ ਗੁੰਮਰਾਹਕੁਨ ਪਾਇਆ ਹੈ। ਆਪਣੇ ਹਰ ਜ਼ਿਲ੍ਹੇ 'ਚ ਸਾਈਬਰ ਪੁਲਿਸ ਥਾਣੇ ਬਣਾਉਣ ਵਾਲਾ ਪਹਿਲਾ ਰਾਜ ਨਹੀਂ ਬਣੇਗਾ UP, ਦੇਸ਼ ਵਿਚ ਉੱਤਰ ਪ੍ਰਦੇਸ਼ ਤੋਂ ਪਹਿਲਾਂ ਹਰਿਆਣਾ, ਮਹਾਰਾਸ਼ਟਰ ਤੇ ਬਿਹਾਰ ਆਪਣੇ ਹਰ ਜ਼ਿਲ੍ਹੇ 'ਚ ਸਾਈਬਰ ਪੁਲਿਸ ਥਾਣੇ ਬਣਾ ਚੁੱਕੇ ਹਨ।
Result: Misleading
Our Sources:
News Article Of Times Now Dated 25 June 2022
News Article Of Times Of India Dated- 10 June 2023
News Article Of Indian Express Dated-3 November 2016
ਕਿਸੇ ਖਬਰ 'ਤੇ ਸ਼ੱਕ? ਸਾਨੂੰ ਭੇਜੋ ਅਸੀਂ ਕਰਾਂਗੇ ਉਸਦਾ Fact Check... ਸਾਨੂੰ Whatsapp ਕਰੋ "9560527702" 'ਤੇ ਜਾਂ ਸਾਨੂੰ E-mail ਕਰੋ "factcheck@rozanaspokesman.com" 'ਤੇ