ਮੁੰਬਈ ਵਿਖੇ ਪਾਣੀ ਦੇ ਭਰਾਵ ਵਿਚਕਾਰ ਦੌੜ ਰਹੀ ਟ੍ਰੇਨ ਦਾ ਇਹ ਵੀਡੀਓ ਹਾਲੀਆ ਨਹੀਂ ਹੈ, Fact Check ਰਿਪੋਰਟ

Fact Check Old Video Of Train Running On Flooded Track From Mumbai Viral As Recent

Claim

ਸੋਸ਼ਲ ਮੀਡੀਆ 'ਤੇ ਮੁੰਬਈ ਵਿਖੇ ਪੈ ਰਹੇ ਤੇਜ਼ ਮੀਂਹ ਨੂੰ ਲੈ ਕੇ ਰੋਜ਼ ਨਵੇਂ-ਨਵੇਂ ਵੀਡੀਓਜ਼ ਵਾਇਰਲ ਹੋ ਰਹੇ ਹਨ। ਹੁਣ ਅਜਿਹਾ ਹੀ ਇੱਕ ਵੀਡੀਓ ਹਾਲੀਆ ਦੱਸਦਿਆਂ ਵਾਇਰਲ ਕੀਤਾ ਜਾ ਰਿਹਾ ਹੈ ਜਿਸਦੇ ਵਿਚ ਪਾਣੀ ਨਾਲ ਭਰੀ ਪਟੜੀ 'ਤੇ ਟ੍ਰੇਨ ਨੂੰ ਦੌੜਦੇ ਹੋਏ ਵੇਖਿਆ ਜਾ ਸਕਦਾ ਹੈ। ਇਸ ਵੀਡੀਓ ਨੂੰ ਹਾਲੀਆ ਮੁੰਬਈ ਦੇ ਹਲਾਤਾਂ ਦਾ ਦੱਸਿਆ ਜਾ ਰਿਹਾ ਹੈ।

ਇੱਕ ਨਾਮਵਰ ਪੰਜਾਬੀ ਮੀਡੀਆ ਅਦਾਰੇ ਨੇ ਆਪਣੇ Live ਵਿਚ ਇਹ ਵੀਡੀਓ ਸਾਂਝਾ ਕੀਤਾ। ਇਸ Live ਦਾ ਸਿਰਲੇਖ ਸੀ, "ਇਹ ਵਿਦੇਸ਼ ਨਹੀਂ ਭਾਰਤ ਦੀ ਟ੍ਰੇਨ ਹੈ, ਭਾਰੀ ਮੀਂਹ ਮਗਰੋਂ ਪਾਣੀ 'ਤੇ ਤੈਰਦੀਆਂ ਟ੍ਰੇਨਾਂ ਦੇਖ ਹਰ ਕੋਈ ਹੋ ਰਿਹਾ ਹੈ/ਰਾ/ਨ, ਦੇਖੋ ਵਾਇਰਲ ਵੀਡੀਓ"

ਇਸ ਖਬਰ ਨੂੰ ਇਥੇ ਕਲਿਕ ਕਰ ਵੇਖਿਆ ਜਾ ਸਕਦਾ ਹੈ। 

ਰੋਜ਼ਾਨਾ ਸਪੋਕਸਮੈਨ ਆਪਣੀ ਪੜਤਾਲ ਵਿਚ ਪਾਇਆ ਕਿ ਵਾਇਰਲ ਹੋ ਰਿਹਾ ਵੀਡੀਓ ਹਾਲੀਆ ਨਹੀਂ ਬਲਕਿ ਪੁਰਾਣਾ ਹੈ। ਹੁਣ ਪੁਰਾਣੇ ਵੀਡੀਓ ਨੂੰ ਹਾਲੀਆ ਦੱਸਕੇ ਵਾਇਰਲ ਕਰਦਿਆਂ ਲੋਕਾਂ ਨੂੰ ਗੁੰਮਰਾਹ ਕੀਤਾ ਜਾ ਰਿਹਾ ਹੈ। ਇਹ ਵੀਡੀਓ ਸਾਲ 2021 ਤੋਂ ਸੋਸ਼ਲ ਮੀਡੀਆ 'ਤੇ ਮੌਜੂਦ ਹੈ।

Investigation

ਪੜਤਾਲ ਦੀ ਸ਼ੁਰੂਆਤ ਕਰਦਿਆਂ ਅਸੀਂ ਸਭਤੋਂ ਪਹਿਲਾਂ ਇਸ ਵੀਡੀਓ ਨੂੰ ਧਿਆਨ ਨਾਲ ਵੇਖਿਆ ਅਤੇ ਵੀਡੀਓ ਦੇ ਕੀਫ਼੍ਰੇਮਸ ਕੱਢ ਉਨ੍ਹਾਂ ਨੂੰ ਰਿਵਰਸ ਇਮੇਜ ਸਰਚ ਕੀਤਾ।

ਵਾਇਰਲ ਵੀਡੀਓ ਪੁਰਾਣਾ ਹੈ

ਸਾਨੂੰ ਇਹ ਵੀਡੀਓ 27 ਜੁਲਾਈ 2023 ਦੇ ਇੱਕ ਟਵੀਟ ਵਿਚ ਸਾਂਝਾ ਮਿਲਿਆ। Raghav Chaturbedi ਨਾਂ ਦੇ X ਯੂਜ਼ਰ ਨੇ ਵੀਡੀਓ ਸਾਂਝਾ ਕਰਦਿਆਂ ਲਿਖਿਆ ਸੀ, "#Watch How.... Mumbai local train should be converted into a boat during the #MumbaiRains .  ?????"

ਇਸੇ ਤਰ੍ਹਾਂ ਸਾਨੂੰ ਇਹ ਵੀਡੀਓ Youtube 'ਤੇ 2021 ਦਾ ਵੀ ਸਾਂਝਾ ਮਿਲਿਆ। shanfun vlog ਨਾਂ ਦੇ Youtube ਅਕਾਊਂਟ ਨੇ ਇਹ ਵੀਡੀਓ ਸਾਂਝਾ ਕਰਦਿਆਂ ਲਿਖਿਆ ਸੀ, "#Chahe kuch bhi ho jae bhai #Mumbai rukti nhi hai #Mumbai #Sion #ShanFun Vlog"