Fact Check: ਨਿੱਕੂ ਵਾਲੇ ਬਾਬੇ ਦਾ ਚੇਲਾ ਮੇਜ਼ਬਾਨ ਦੀ ਪਤਨੀ ਨਾਲ ਭੱਜਿਆ? ਨਹੀਂ, ਵਾਇਰਲ ਦਾਅਵਾ ਗੁੰਮਰਾਹਕੁਨ ਹੈ

Fact Check: Fake Claim viral regarding acharya dhirendra shastri

RSFC (Team Mohali)- ਸੋਸ਼ਲ ਮੀਡੀਆ 'ਤੇ ਇੱਕ ਗ੍ਰਾਫਿਕ ਸਾਂਝਾ ਕਰਦਿਆਂ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਬਾਗੇਸ਼ਵਰ ਧਾਮ ਦੇ ਧੀਰੇਂਦਰ ਸ਼ਾਸਤਰੀ ਦਾ ਇੱਕ ਚੇਲਾ ਮੇਜ਼ਬਾਨ ਦੀ ਪਤਨੀ ਨਾਲ ਫਰਾਰ ਹੋ ਗਿਆ ਹੈ।

ਟਵਿੱਟਰ ਅਕਾਊਂਟ prbajuka ਨੇ ਵਾਇਰਲ ਗ੍ਰਾਫਿਕ ਸਾਂਝਾ ਕਰਦਿਆਂ ਲਿਖਿਆ, "अगर यजमान धीरेन्द्र शास्त्री के पास पहले आ गया होता तो वो समय से बता देते कि मेरा शिष्य जल्दी ही तुम्हारी पत्नी को भगा ले जायेगा.. अब भुगतो बेटा... समय से बागेश्वर बाबा के पास क्यों नहीं पहुंचा"

ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਵਾਇਰਲ ਪੋਸਟ ਗੁੰਮਰਾਹਕੁਨ ਪਾਇਆ ਹੈ। ਮੇਜ਼ਬਾਨ ਦੀ ਪਤਨੀ ਨਾਲ ਭੱਜਣ ਵਾਲਾ ਇਹ ਵਿਅਕਤੀ ਚਿਤਰਕੂਟ ਦੇ ਕਥਾਵਾਚਕ ਧੀਰੇਂਦਰ ਆਚਾਰੀਆ ਦਾ ਚੇਲਾ ਹੈ, ਨਾ ਕਿ ਨਿੱਕੂ ਵਾਲੇ ਬਾਬੇ ਬਾਗੇਸ਼ਵਰ ਧਾਮ ਦੇ ਧੀਰੇਂਦਰ ਸ਼ਾਸਤਰੀ ਦਾ।

ਸਪੋਕਸਮੈਨ ਦੀ ਪੜਤਾਲ

ਪੜਤਾਲ ਦੀ ਸ਼ੁਰੂਆਤ ਕਰਦਿਆਂ ਅਸੀਂ ਸਭਤੋਂ ਪਹਿਲਾਂ ਇਸ ਮਾਮਲੇ ਨੂੰ ਲੈ ਕੇ ਕੀਵਰਡ ਸਰਚ ਕੀਤਾ। ਸਾਨੂੰ ਸਰਚ ਦੌਰਾਨ ਪਤਾ ਲੱਗਾ ਕਿ ਧੀਰੇਂਦਰ ਦਾ ਚੇਲਾ ਇਹ ਵਿਅਕਤੀ ਦੱਸਿਆ ਜਾ ਰਿਹਾ ਹੈ ਉਹ ਅਸਲ ਵਿਚ ਚਿਤਰਕੂਟ ਦੇ ਕਥਾਵਾਚਕ ਧੀਰੇਂਦਰ ਆਚਾਰੀਆ ਦਾ ਚੇਲਾ ਹੈ, ਨਾ ਕਿ ਨਿੱਕੂ ਵਾਲੇ ਬਾਬੇ ਬਾਗੇਸ਼ਵਰ ਧਾਮ ਦੇ ਧੀਰੇਂਦਰ ਕ੍ਰਿਸ਼ਨ ਸ਼ਾਸਤਰੀ ਦਾ।

10 ਮਈ, 2023 ਨੂੰ ਮੀਡੀਆ ਅਦਾਰੇ ਆਜ ਤਕ ਦੁਆਰਾ ਪ੍ਰਕਾਸ਼ਿਤ ਇੱਕ ਲੇਖ ਮੁਤਾਬਕ, ਨਰੋਤਮ ਦਾਸ ਨਾਮ ਦੇ ਇੱਕ ਵਿਅਕਤੀ ਉੱਤੇ ਮੱਧ ਪ੍ਰਦੇਸ਼ ਦੇ ਛੱਤਰਪੁਰ ਵਿੱਚ ਕਹਾਣੀ ਦੀ ਸਮਾਪਤੀ ਤੋਂ ਬਾਅਦ ਮੇਜ਼ਬਾਨ ਦੀ ਪਤਨੀ ਨਾਲ ਭੱਜਣ ਦਾ ਦੋਸ਼ ਲਗਾਇਆ ਗਿਆ ਸੀ। ਹੁਣ ਇਸ ਮਾਮਲੇ 'ਚ ਔਰਤ ਨੇ ਆਪਣੇ ਪਤੀ ਰਾਹੁਲ ਤਿਵਾੜੀ ਅਤੇ ਉਸ ਦੇ ਸਾਥੀ ਰਾਹੁਲ ਦੂਬੇ 'ਤੇ ਗੰਭੀਰ ਦੋਸ਼ ਲਗਾਉਂਦੇ ਹੋਏ ਕਿਹਾ ਹੈ ਕਿ ਉਹ ਆਪਣੀ ਮਰਜ਼ੀ ਨਾਲ ਨਰੋਤਮ ਦਾਸ ਦੇ ਨਾਲ ਗਈ ਸੀ।

ਅੱਗੇ ਮੌਜੂਦ ਜਾਣਕਾਰੀ ਅਨੁਸਾਰ ਕਥਾਵਾਚਕ ਆਚਾਰੀਆ ਧੀਰੇਂਦਰ ਦਾ ਬਿਆਨ ਵੀ ਪ੍ਰਕਾਸ਼ਿਤ ਕੀਤਾ ਹੈ। ਕਥਾਵਾਚਕ ਆਚਾਰੀਆ ਧੀਰੇਂਦਰ ਨੇ ਕਿਹਾ, “ਨਰੋਤਮ ਸਾਡਾ ਚੇਲਾ ਨਹੀਂ ਸੀ ਪਰ ਸਾਡੇ ਨਾਲ ਸੇਵਕ ਬਣ ਕੇ ਰਹਿੰਦਾ ਸੀ। ਸਾਡਾ ਸਾਰਾ ਇੰਤਜ਼ਾਮ ਦੇਖਦਾ ਸੀ, ਕਾਰ ਵੀ ਚਲਾਉਂਦਾ ਸੀ, ਕਈ ਵਾਰ ਕੈਮਰਾ ਵੀ ਚਲਾਉਂਦਾ ਸੀ, ਕਹਾਣੀਆਂ ਵਿੱਚ ਲਾਈਵ ਚੱਲਦਾ ਸੀ। ਅਤੇ ਜਿਸ ਦਿਨ ਤੋਂ ਸਾਨੂੰ ਉਸਦੀ ਇਸ ਹਰਕਤ ਬਾਰੇ ਪਤਾ ਲੱਗਾ, ਕਿਉਂਕਿ ਜਿਸਦੀ ਨੂੰਹ ਨਾਲ ਉਹ ਭੱਜਿਆ ਸੀ, ਉਹ ਵੀ ਸਾਡਾ ਚੇਲਾ ਹੈ। ਜਿਸ ਦਿਨ ਤੋਂ ਸਾਨੂੰ ਉਸਦੇ ਕੰਮਾਂ ਬਾਰੇ ਪਤਾ ਲੱਗਾ, ਅਸੀਂ ਉਸਨੂੰ ਛੱਡ ਦਿੱਤਾ, ਸਾਡਾ ਇਸ ਨਾਲ ਕੋਈ ਲੈਣਾ-ਦੇਣਾ ਨਹੀਂ ਹੈ, ਅਸੀਂ ਉਸਨੂੰ ਸਾਡੇ ਤੋਂ ਦੂਰ ਕਰ ਦਿੱਤਾ, ਸਦਾ ਅਤੇ ਸਦਾ ਲਈ।"

ਇਸ ਮਾਮਲੇ ਨੂੰ ਲੈ ਕੇ ਹੋਰ ਮੀਡੀਆ ਹਾਊਸ ਦੀਆਂ ਖਬਰਾਂ ਇਥੇ ਅਤੇ ਇਥੇ ਕਲਿਕ ਕਰ ਪੜ੍ਹੀਆਂ ਜਾ ਸਕਦੀਆਂ ਹਨ ਜਿਨ੍ਹਾਂ 'ਚ ਇਹੀ ਜਾਣਕਾਰੀ ਮਿਲੀ ਹੈ ਕਿ ਮੇਜ਼ਬਾਨ ਦੀ ਪਤਨੀ ਨਾਲ ਭੱਜਣ ਵਾਲਾ ਨਰੋਤਮ ਦਾਸ, ਧੀਰੇਂਦਰ ਸ਼ਾਸਤਰੀ ਦਾ ਨਹੀਂ, ਚਿਤਰਕੂਟ ਧਾਮ ਦੇ ਧੀਰੇਂਦਰ ਆਚਾਰੀਆ ਦਾ ਸਾਥੀ ਸੀ।

ਸਾਨੂੰ 9 ਮਈ 2023 ਨੂੰ ਬਾਗੇਸ਼ਵਰ ਧਾਮ ਦੇ ਅਧਿਕਾਰਿਕ ਟਵਿੱਟਰ ਹੈਂਡਲ ਦੁਆਰਾ ਸਾਂਝਾ ਕੀਤਾ ਗਿਆ ਇੱਕ ਟਵੀਟ ਵੀ ਮਿਲਿਆ ਜਿਸ ਵਿਚ ਵਾਇਰਲ ਦਾਅਵੇ ਨੂੰ ਫਰਜ਼ੀ ਦੱਸਿਆ ਗਿਆ ਹੈ।

ਨਤੀਜਾ- ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਵਾਇਰਲ ਪੋਸਟ ਗੁੰਮਰਾਹਕੁਨ ਪਾਇਆ ਹੈ। ਮੇਜ਼ਬਾਨ ਦੀ ਪਤਨੀ ਨਾਲ ਭੱਜਣ ਵਾਲਾ ਇਹ ਵਿਅਕਤੀ ਚਿਤਰਕੂਟ ਦੇ ਕਥਾਵਾਚਕ ਧੀਰੇਂਦਰ ਆਚਾਰੀਆ ਦਾ ਚੇਲਾ ਹੈ, ਨਾ ਕਿ ਨਿੱਕੂ ਵਾਲੇ ਬਾਬੇ ਬਾਗੇਸ਼ਵਰ ਧਾਮ ਦੇ ਧੀਰੇਂਦਰ ਸ਼ਾਸਤਰੀ ਦਾ।