ਚੋਣਾਂ ਸਬੰਧਿਤ ਜੁਮਲਿਆਂ ਨੂੰ ਲੈ ਕੇ ਅਦਾਕਾਰ ਆਮਿਰ ਖਾਨ ਦਾ ਇਹ ਵੀਡੀਓ DeepFake ਹੈ, Fact Check ਰਿਪੋਰਟ

Fact Check DeepFake Video Of Actor Aamir Khan Viral In The Name Of Elections 2024

Claim

ਸੋਸ਼ਲ ਮੀਡੀਆ 'ਤੇ ਚੋਣਾਂ ਸਬੰਧੀ ਜੁਮਲਿਆਂ ਨੂੰ ਲੈ ਕੇ ਮਸ਼ਹੂਰ ਅਦਾਕਾਰ ਆਮਿਰ ਖਾਨ ਦਾ ਇੱਕ ਵੀਡੀਓ ਵਾਇਰਲ ਹੋ ਰਿਹਾ ਹੈ ਜਿਸਦੇ ਵਿਚ ਉਹ ਆਮ ਜਨਤਾ ਨੂੰ ਇਨ੍ਹਾਂ ਜੁਮਲਿਆਂ ਤੋਂ ਸਾਵਧਾਨੀ ਵਰਤਣ ਦੀ ਅਪੀਲ ਕਰਦੇ ਵੇਖੇ ਜਾ ਸਕਦੇ ਹਨ। ਆਮਿਰ ਖਾਨ ਇਸ ਵੀਡੀਓ ਵਿਚ ਭਾਜਪਾ ਦੇ 15 ਲੱਖ ਦੇ ਚੋਣ ਜੁਮਲੇ 'ਤੇ ਨਿਸ਼ਾਨਾ ਸਾਧ ਰਹੇ ਹਨ।

ਕਾਂਗਰਸ ਸਮਰਥਕ "Harish Meena" ਨੇ ਵਾਇਰਲ ਇਹ ਵੀਡੀਓ ਸਾਂਝਾ ਕਰਦਿਆਂ ਲਿਖਿਆ, "भारत का हर नागरिक लखपति है, क्योंकि सबके पास काम से कम 15 लाख तो होने ही चाहिए ..क्या कहा, आपके अकाउंट में 15 लाख नहीं है..तो आपके 15 लाख गए कहां ???, तो ऐसे जुमलेबाजों से रहे सावधान, नहीं तो होगा तुम्हारा नुकसान, ??????देशहित में जारी??????"

 

 

ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਵਾਇਰਲ ਦਾਅਵੇ ਨੂੰ ਗੁੰਮਰਾਹਕੁਨ ਪਾਇਆ ਹੈ। ਵਾਇਰਲ ਹੋ ਰਿਹਾ ਇਹ ਵੀਡੀਓ DeepFake ਹੈ ਤੇ ਇਸਦੇ ਵਿਚ ਆਡੀਓ ਵੱਖ ਤੋਂ ਕੱਟ ਕੇ ਲਾਇਆ ਗਿਆ ਹੈ। ਅਸਲ ਵਿਚ ਇਹ ਵੀਡੀਓ ਆਮਿਰ ਖਾਨ ਦੇ ਪੁਰਾਣੇ ਸ਼ੋਅ "ਸਤਯਾਮੇਵ ਜਯਾਤੇ" ਦੇ ਐਪੀਸੋਡ 4 ਦਾ ਪ੍ਰੋਮੋ ਕਲਿਪ ਸੀ ਜਿਸਦੇ ਵਿਚ 15 ਲੱਖ ਵਾਲਾ ਆਡੀਓ ਵੱਖ ਤੋਂ ਕੱਟ ਕੇ ਜੋੜਿਆ ਗਿਆ ਸੀ।

Investigation 

ਪੜਤਾਲ ਦੀ ਸ਼ੁਰੂਆਤ ਕਰਦਿਆਂ ਅਸੀਂ ਸਭਤੋਂ ਪਹਿਲਾਂ ਇਸ ਵੀਡੀਓ ਨੂੰ ਧਿਆਨ ਨਾਲ ਵੇਖਿਆ। ਅਸੀਂ ਪਾਇਆ ਕਿ ਵੀਡੀਓ ਵਿਚ ਆਮਿਰ ਖਾਨ ਦੇ ਬੋਲ ਉਨ੍ਹਾਂ ਦੇ ਬੁਲ੍ਹਾਂ ਦੀ ਹਰਕਤਾਂ ਨਾਲ ਮੇਲ ਨਹੀਂ ਖਾ ਰਹੇ ਹਨ। ਇਸ ਗੱਲ ਤੋਂ ਅੰਦੇਸ਼ਾ ਹੁੰਦਾ ਹੈ ਕਿ ਵਾਇਰਲ ਹੋ ਰਿਹਾ ਵੀਡੀਓ DeepFake ਹੋ ਸਕਦਾ ਹੈ।

"ਵਾਇਰਲ ਵੀਡੀਓ DeepFake ਹੈ"

ਸਾਨੂੰ ਅਸਲ ਵੀਡੀਓ "Satyamev Jayate" ਦੇ ਅਧਿਕਾਰਿਕ Youtube ਅਕਾਊਂਟ 'ਤੇ 30 ਅਗਸਤ 2016 ਦਾ ਸਾਂਝਾ ਮਿਲਿਆ। ਇਹ ਵੀਡੀਓ ਸਾਂਝਾ ਕਰਦਿਆਂ ਸਿਰਲੇਖ ਲਿਖਿਆ ਗਿਆ, "Sataymev Jayate Ep 4 Promo - Each Indian is entitled to one crore!"