ਵੋਟਿੰਗ ਬੂਥ 'ਤੇ ਕਬਜ਼ੇ ਦਾ ਇਹ ਵੀਡੀਓ ਨਾ ਹੀ ਹਾਲੀਆ ਤੇ ਨਾ ਹੀ ਹੈਦਰਾਬਾਦ ਦਾ, Fact Check ਰਿਪੋਰਟ

Old Video Of Booth Capturing From West Bengal Viral In The Name Of Hyderabad Linked To Recent Elections 2024

Claim

ਲੋਕ ਸਭਾ ਚੌਣਾਂ 2024 ਵਿਚਕਾਰ ਸੋਸ਼ਲ ਮੀਡੀਆ 'ਤੇ ਇੱਕ ਵੀਡੀਓ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ ਜਿਸਦੇ ਨਾਲ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਆਲ ਇੰਡੀਆ ਮਜਲਿਸ-ਏ-ਇਤੇਹਾਦਲ ਮੁਸਲਿਮ ਦੇ ਵਰਕਰ ਵੋਟਾਂ ਦੀ ਧਾਂਧਲੀ ਕਰ ਰਹੇ ਹਨ। ਇਸ ਵਾਇਰਲ ਵੀਡੀਓ ਵਿਚ ਇੱਕ ਵਿਅਕਤੀ ਨੂੰ ਪੋਲਿੰਗ ਬੂਥ 'ਤੇ ਵੋਟ ਕਰਦਿਆਂ ਅਤੇ ਉਸਨੂੰ ਕਬਜ਼ੇ 'ਚ ਲੈਂਦਿਆਂ ਵੇਖਿਆ ਜਾ ਸਕਦਾ ਹੈ।

ਫੇਸਬੁੱਕ ਯੂਜ਼ਰ ਤਨਰਤਾਰਨ ਆਪ ਪਾਰਟੀ ਮੰਤਰੀ ਨੇ ਵਾਇਰਲ ਵੀਡੀਓ ਸਾਂਝਾ ਕਰਦਿਆਂ ਲਿਖਿਆ, "BJP ਗੁੰਡਾਰਾਜ, ਹੈਦਰਾਬਾਦ, ਓਵੈਸੀ ਦੁਆਰਾ ਬੂਥ 'ਤੇ ਕਬਜ਼ਾ"

ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਵਾਇਰਲ ਦਾਅਵੇ ਨੂੰ ਫਰਜ਼ੀ ਪਾਇਆ ਹੈ। ਵਾਇਰਲ ਹੋ ਰਿਹਾ ਵੀਡੀਓ ਨਾ ਹੀ ਹਾਲੀਆ ਹੈ ਅਤੇ ਨਾ ਹੀ ਹੈਦਰਾਬਾਦ ਦਾ ਹੈ। ਵਾਇਰਲ ਹੋ ਰਿਹਾ ਵੀਡੀਓ 2022 ਦਾ ਹੈ ਅਤੇ ਪੱਛਮ ਬੰਗਾਲ ਦਾ ਹੈ।

Investigation

ਪੜਤਾਲ ਦੀ ਸ਼ੁਰੂਆਤ ਕਰਦਿਆਂ ਅਸੀਂ ਸਭਤੋਂ ਪਹਿਲਾਂ ਇਸ ਵੀਡੀਓ ਦੇ ਕੀਫ਼੍ਰੇਮਸ ਕੱਢੇ ਅਤੇ ਉਨ੍ਹਾਂ ਨੂੰ ਰਿਵਰਸ ਇਮੇਜ ਸਰਚ ਕੀਤਾ।

"ਵਾਇਰਲ ਵੀਡੀਓ ਪੱਛਮ ਬੰਗਾਲ ਦਾ ਹੈ ਅਤੇ ਪੁਰਾਣਾ ਹੈ"

ਸਾਨੂੰ "ਐਡੀਟਰ ਜੀ" ਦੁਆਰਾ 27 ਫਰਵਰੀ 2022 ਦੀ ਪ੍ਰਕਾਸ਼ਿਤ ਇੱਕ ਰਿਪੋਰਟ ਮਿਲੀ। ਇਥੇ ਮੌਜੂਦ ਜਾਣਕਾਰੀ ਅਨੁਸਾਰ ਇਹ ਵੀਡੀਓ ਪੱਛਮ ਬੰਗਾਲ ਦਾ ਹੈ ਅਤੇ ਮਿਊਨਸੀਪਲ ਚੋਣਾਂ ਦਾ ਹੈ। ਇਹ ਵੀਡੀਓ ਜਾਣਕਾਰੀ ਅਨੁਸਾਰ ਵਾਰਡ ਨੰਬਰ 33 ਦੇ ਬੂਥ ਨੰਬਰ 108 ਤੋਂ ਵਾਇਰਲ ਹੋਇਆ ਸੀ। 

ਇਸੇ ਸਰਚ ਵਿਚ ਸਾਨੂੰ ਮੀਡੀਆ ਅਦਾਰੇ ਆਰੋਹੀ ਨਿਊਜ਼ ਦੀ 27 ਫਰਵਰੀ 2022 ਨੂੰ ਪ੍ਰਕਾਸ਼ਿਤ ਇੱਕ ਰਿਪੋਰਟ ਮਿਲੀ। ਇਸਦੇ ਵਿਚ ਵੀ ਸਮਾਨ ਜਾਣਕਾਰੀ ਸਾਂਝੀ ਕੀਤੀ ਗਈ ਸੀ ਅਤੇ ਕੈਪਸ਼ਨ ਲਿਖਿਆ ਗਿਆ ਸੀ ਕਿ , "ਸਾਊਥਦਮਦਮ ਦੇ ਬੂਥ ਨੰਬਰ 108 ਵਿਖੇ ਕਥਿਤ ਫਰਜ਼ੀ ਵੋਟਿੰਗ ਦੀ ਵੀਡੀਓ ਵਾਇਰਲ"