ਮਮਤਾ ਬੈਨਰਜੀ ਜ਼ਖਮੀ ਹੋਣ ਦਾ ਨਹੀਂ ਕਰ ਰਹੇ ਨਾਟਕ, ਵਾਇਰਲ ਤਸਵੀਰਾਂ ਵੱਖੋ-ਵੱਖ ਘਟਨਾਵਾਂ ਦੀਆਂ ਹਨ- Fact Check ਰਿਪੋਰਟ

Misleading Post Viral Defaming Mamata Banerjee Claiming Her Injury Is Fake

Claim

ਪਿਛਲੇ ਦਿਨਾਂ ਪੱਛਮ ਬੰਗਾਲ ਦੀ ਮੁੱਖ ਮੰਤਰੀ ਮਮਤਾ ਬੈਨਰਜੀ ਦੇ ਜ਼ਖਮੀ ਹੋਣ ਦੀ ਖਬਰ ਸਾਹਮਣੇ ਆਈ। ਖਬਰ ਦੀ ਤਸਵੀਰਾਂ ਨੂੰ ਫੇਰ ਵਾਇਰਲ ਹੋਣ 'ਚ ਵੀ ਸਮਾਂ ਨਾ ਲੱਗਿਆ। ਤਸਵੀਰਾਂ ਵਿਚ ਵੇਖਿਆ ਜਾ ਸਕਦਾ ਸੀ ਕਿ ਮਮਤਾ ਬੈਨਰਜੀ ਦੇ ਮੱਥੇ ਦੇ ਵਿਚਕਾਰ ਸੱਟ ਲੱਗੀ ਹੋਈ ਹੈ। ਹੁਣ ਸੋਸ਼ਲ ਮੀਡੀਆ 'ਤੇ 2 ਤਸਵੀਰਾਂ ਦਾ ਕੋਲਾਜ ਵਾਇਰਲ ਕੀਤਾ ਜਾ ਰਿਹਾ ਹੈ। ਇੱਕ ਤਸਵੀਰ ਵਿਚ ਮਮਤਾ ਦੇ ਮੱਥੇ ਦੇ ਵਿਚਕਾਰ ਸੱਟ ਲੱਗੀ ਹੋਈ ਹੈ ਅਤੇ ਦੂਜੀ ਤਸਵੀਰ ਵਿਚ ਮੱਥੇ ਦੇ ਕੋਨੇ ਵਿਚ ਸੱਟ ਲੱਗੀ ਹੋਈ ਹੈ। ਹੁਣ ਯੂਜ਼ਰਸ ਇਸ ਕੋਲਜ ਨੂੰ ਵਾਇਰਲ ਕਰਦਿਆਂ ਦਾਅਵਾ ਕਰ ਰਹੇ ਹਨ ਕਿ ਮਮਤਾ ਬਨਰਜੀ ਚੋਟਿਲ ਹੋਣ ਦਾ ਨਾਟਕ ਕਰ ਰਹੀ ਹਨ।

X ਅਕਾਊਂਟ Gagan Pratap ਨੇ ਵਾਇਰਲ ਤਸਵੀਰਾਂ ਦਾ ਕੋਲਾਜ ਸਾਂਝਾ ਕਰਦਿਆਂ ਲਿਖਿਆ, "Wowww चोट भी खिसक जाती है ??"

ਇਸ ਪੋਸਟ ਦਾ ਅਰਕਾਇਵ ਲਿੰਕ ਇਥੇ ਕਲਿਕ ਕਰ ਵੇਖਿਆ ਜਾ ਸਕਦਾ ਹੈ।

ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਵਾਇਰਲ ਦਾਅਵੇ ਨੂੰ ਫਰਜ਼ੀ ਪਾਇਆ ਹੈ। ਇਹ ਦੋਵੇਂ ਤਸਵੀਰਾਂ ਵੱਖੋ-ਵੱਖ ਘਟਨਾਵਾਂ ਦੀਆਂ ਹਨ। ਹੁਣ ਨਵੇਂ ਮਾਮਲੇ ਨਾਲ ਪੁਰਾਣੀ ਤਸਵੀਰ ਸਾਂਝੀ ਕਰ ਲੋਕਾਂ ਨੂੰ ਗੁੰਮਰਾਹ ਕੀਤਾ ਜਾ ਰਿਹਾ ਹੈ।

Investigation 

ਪੜਤਾਲ ਦੀ ਸ਼ੁਰੂਆਤ ਕਰਦਿਆਂ ਅਸੀਂ ਇੱਕ-ਇੱਕ ਕਰਕੇ ਇਨ੍ਹਾਂ ਦੋਵੇਂ ਤਸਵੀਰਾਂ ਨੂੰ ਰਿਵਰਸ ਇਮੇਜ ਸਰਚ ਕੀਤਾ।

ਪਹਿਲੀ ਤਸਵੀਰ

ਪਹਿਲੀ ਤਸਵੀਰ ਸਾਨੂੰ ਕਈ ਹਾਲੀਆ ਰਿਪੋਰਟਾਂ ਵਿਚ ਪ੍ਰਕਾਸ਼ਿਤ ਮਿਲੀ। ਦੱਸ ਦਈਏ ਪੱਛਮ ਬੰਗਾਲ ਦੇ ਮੁੱਖ ਮੰਤਰੀ 14 ਮਾਰਚ 2024 ਨੂੰ ਡਿੱਗਣ ਕਾਰਨ ਜ਼ਖਮੀ ਹੋ ਗਏ ਹਨ। ਇਸ ਮਾਮਲੇ ਨੂੰ ਲੈ ਕੇ India TV ਦੀ ਰਿਪੋਰਟ ਵਿਚ ਸਾਨੂੰ ਡਾਕਟਰ ਦਾ ਬਿਆਨ ਵਿਚ ਮਿਲਿਆ। ਇਸ ਰਿਪੋਰਟ ਵਿਚ ਵਾਇਰਲ ਤਸਵੀਰ ਦਾ ਇਸਤੇਮਾਲ ਕੀਤਾ ਗਿਆ ਸੀ ਅਤੇ ਡਾਕਟਰ ਵੱਲੋਂ ਅਫਵਾਹਾਂ ਦਾ ਖੰਡਨ ਕਰਦਿਆਂ ਸਾਫ ਕੀਤਾ ਗਿਆ ਸੀ ਕਿ ਮਮਤਾ ਬਨਰਜੀ ਨੂੰ ਕਿਸੇ ਨੇ ਧੱਕਾ ਨਹੀਂ ਦਿੱਤਾ ਸੀ। 

ਇਹ ਖਬਰ ਇਥੇ ਕਲਿਕ ਕਰ ਪੜ੍ਹੀ ਜਾ ਸਕਦੀ ਹੈ।

ਦੱਸ ਦਈਏ ਤਰਿਣਮੂਲ ਕਾਂਗਰਸ ਵੱਲੋਂ 14 ਮਾਰਚ 2024 ਨੂੰ ਇਸ ਹਾਦਸੇ ਦੀ ਜਾਣਕਾਰੀ ਟਵੀਟ ਰਾਹੀਂ ਦਿੱਤੀ ਗਈ ਸੀ ਅਤੇ ਟਵੀਟ ਵਿਚ ਮਮਤਾ ਬੈਨਰਜੀ ਦੀਆਂ ਜ਼ਖਮੀ ਹੋਣ ਦੀਆਂ ਤਸਵੀਰਾਂ ਸਾਂਝੀ ਕੀਤੀ ਗਈਆਂ ਸਨ।

ਦੂਜੀ ਤਸਵੀਰ

ਦੂਜੀ ਤਸਵੀਰ ਨਾਲ ਮਿਲਦੀਆਂ ਕਈ ਤਸਵੀਰਾਂ ਸਾਨੂੰ ਪੁਰਾਣੀ ਰਿਪੋਰਟਾਂ ਵਿਚ ਪ੍ਰਕਾਸ਼ਿਤ ਮਿਲੀਆਂ। ਇਹ ਰਿਪੋਰਟਾਂ ਜਨਵਰੀ 2024 ਦੀਆਂ ਸਨ। ਦੱਸ ਦਈਏ ਕਿ ਇਹ ਘਟਨਾ ਮਮਤਾ ਬੈਨਰਜੀ ਨਾਲ ਹੋਏ ਕਾਰ ਹਾਦਸੇ ਨਾਲ ਸਬੰਧਿਤ ਹੈ। 

ANI ਨੇ 24 ਜਨਵਰੀ 2024 ਨੂੰ ਮਾਮਲੇ ਨੂੰ ਲੈ ਕੇ ਟਵੀਟ ਕੀਤਾ ਜਿਸਦੇ ਵਿਚ ਮਮਤਾ ਦੀ ਸਮਾਨ ਦਿਸਦੀ ਤਸਵੀਰ ਸੀ। ਇਸ ਟਵੀਟ ਵਿਚ ਮਮਤਾ ਬਨਰਜੀ ਦਾ ਹਾਦਸੇ ਨੂੰ ਲੈ ਕੇ ਬਿਆਨ ਸਾਂਝਾ ਕੀਤਾ ਗਿਆ ਸੀ।

 

 

ਇਸ ਹਾਦਸੇ ਤੋਂ ਬਾਅਦ ਮਮਤਾ ਬੈਨਰਜੀ ਨੇ ਪ੍ਰੈਸ ਵਾਰਤਾ ਵੀ ਕੀਤੀ ਸੀ ਜਿਸਦੇ ਵੀਡੀਓ ਨੂੰ ਹੇਠਾਂ ਕਲਿਕ ਕਰ ਵੇਖਿਆ ਜਾ ਸਕਦਾ ਹੈ।