Fact Check: ਤਜ਼ਾਕਿਸਤਾਨ 'ਚ ਹਾਲੀਆ ਆਏ ਭੁਚਾਲ ਦਾ ਨਹੀਂ ਫ਼ਿਲਿਪੀੰਸ ਦਾ ਹੈ ਇਹ ਵਾਇਰਲ ਵੀਡੀਓ
ਵਾਇਰਲ ਹੋ ਰਿਹਾ ਵੀਡੀਓ ਤਜ਼ਾਕਿਸਤਾਨ ਦਾ ਨਹੀਂ ਬਲਕਿ ਫ਼ਿਲਿਪੀੰਸ ਦੇ ਕਲਾਰਕ ਅੰਤਰਰਾਸ਼ਟਰੀ ਹਵਾਈ ਅੱਡੇ ਦਾ ਹੈ ਅਤੇ ਅਪ੍ਰੈਲ 2019 ਦਾ ਹੈ।
RSFC (Team Mohali)- ਤੁਰਕੀ-ਸੀਰੀਆ 'ਚ ਆਏ ਭੁਚਾਲ ਤੋਂ ਬਾਅਦ ਹੁਣ ਤਜ਼ਾਕਿਸਤਾਨ 'ਚ ਭਾਰੀ ਤ੍ਰਿਵਰਤਾ ਦਾ ਭੁਚਾਲ ਆਇਆ। ਇਸ ਭੁਚਾਲ ਦੀ ਤ੍ਰਿਵਰਤਾ 6.8 ਰਹੀ। ਹੁਣ ਇਸੇ ਭੁਚਾਲ ਨਾਲ ਜੋੜ ਇੱਕ ਵੀਡੀਓ ਵਾਇਰਲ ਕੀਤਾ ਜਾ ਰਿਹਾ ਹੈ ਜਿਸਦੇ ਵਿਚ ਭੁਚਾਲ ਕਾਰਣ ਕਈ ਲੋਕਾਂ ਨੂੰ ਭੱਜਦੇ ਵੇਖਿਆ ਜਾ ਸਕਦਾ ਹੈ।
ਟਵਿੱਟਰ ਅਕਾਊਂਟ "Mohammed Aamir (Janab Aamir)" ਨੇ ਅੱਜ 23 ਫਰਵਰੀ 2023 ਨੂੰ ਵਾਇਰਲ ਵੀਡੀਓ ਸ਼ੇਅਰ ਕਰਦਿਆਂ ਲਿਖਿਆ, "May Allah protect our brothers and sisters in Tajikistan after an earthquake of 7.2 hit the country. Prayers from India????????????????"
ਇਸ ਪੋਸਟ ਦਾ ਆਰਕਾਇਵਡ ਲਿੰਕ ਇਥੇ ਕਲਿਕ ਕਰ ਵੇਖਿਆ ਜਾ ਸਕਦਾ ਹੈ।
"ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਵਾਇਰਲ ਹੋ ਰਿਹਾ ਵੀਡੀਓ ਹਾਲੀਆ ਨਹੀਂ ਬਲਕਿ 2019 ਦਾ ਹੈ ਅਤੇ ਫ਼ਿਲਿਪੀੰਸ ਦਾ ਹੈ ਨਾ ਕਿ ਤਜ਼ਾਕਿਸਤਾਨ ਦਾ..."
ਸਪੋਕਸਮੈਨ ਦੀ ਪੜਤਾਲ;
ਪੜਤਾਲ ਦੀ ਸ਼ੁਰੂਆਤ ਕਰਦਿਆਂ ਅਸੀਂ ਸਭਤੋਂ ਪਹਿਲਾਂ ਇਸ ਪੋਸਟ ਨੂੰ ਧਿਆਨ ਨਾਲ ਵੇਖਿਆ। ਇਸ ਪੋਸਟ ਵਿਚ 2 ਵੀਡੀਓਜ਼ ਦਾ ਕੋਲਾਜ ਸਾਂਝਾ ਕੀਤਾ ਗਿਆ ਹੈ।
ਹੁਣ ਅਸੀਂ ਇਨ੍ਹਾਂ ਵੀਡੀਓਜ਼ ਦੇ ਕੀਫ਼੍ਰੇਮਸ ਕੱਢੇ ਅਤੇ ਉਨ੍ਹਾਂ ਨੂੰ ਰਿਵਰਸ ਇਮੇਜ ਸਰਚ ਕੀਤਾ। Yandex ਦੀ ਮਦਦ ਨਾਲ ਸਾਨੂੰ ਇਹ ਦੋਵੇਂ ਵੀਡੀਓਜ਼ Youtube 'ਤੇ ਅਪ੍ਰੈਲ 2019 ਦੇ ਅਪਲੋਡ ਮਿਲੇ। Youtube ਅਕਾਊਂਟ Gadget Addict ਨੇ 24 ਅਪ੍ਰੈਲ 2019 ਨੂੰ ਵਾਇਰਲ ਵੀਡੀਓਜ਼ ਸਾਂਝੇ ਕਰਦਿਆਂ ਲਿਖਿਆ, "Clark Airport Earthquake CCTV"
ਇਥੇ ਦਿੱਤੀ ਜਾਣਕਾਰੀ ਅਨੁਸਾਰ ਇਹ ਵੀਡੀਓ ਫ਼ਿਲਿਪੀੰਸ ਦੇ ਕਲਾਰਕ ਅੰਤਰਰਾਸ਼ਟਰੀ ਹਵਾਈ ਅੱਡੇ ਦਾ ਹੈ ਜਦੋਂ 22 ਅਪ੍ਰੈਲ 2019 ਨੂੰ ਫ਼ਿਲਿਪੀੰਸ 'ਚ ਭੁਚਾਲ ਆਇਆ ਸੀ।
ਹੁਣ ਇਸ ਜਾਣਕਾਰੀ ਨੂੰ ਧਿਆਨ 'ਚ ਰੱਖਦਿਆਂ ਅਸੀਂ ਖਬਰਾਂ ਲੱਭਣੀਆਂ ਸ਼ੁਰੂ ਕੀਤੀਆਂ। ਸਾਨੂੰ ਮਾਮਲੇ ਨੂੰ ਲੈ ਕੇ ਕਈ ਖਬਰਾਂ ਮਿਲੀਆਂ ਜਿਨ੍ਹਾਂ ਵਿਚ ਵਾਇਰਲ ਵੀਡੀਓਜ਼ ਦਾ ਇਸਤੇਮਾਲ ਕੀਤਾ ਗਿਆ ਸੀ।
ਇਸ ਮਾਮਲੇ ਨੂੰ ਲੈ ਕੇ Eagle News ਦੀ ਰਿਪੋਰਟ ਇਥੇ ਕਲਿਕ ਕਰ ਵੇਖੀ ਜਾ ਸਕਦੀ ਹੈ।
ਨਤੀਜਾ- ਸਾਡੀ ਪੜਤਾਲ ਵਿਚ ਸਾਫ ਹੋਇਆ ਕਿ ਵਾਇਰਲ ਹੋ ਰਿਹਾ ਵੀਡੀਓ ਤਜ਼ਾਕਿਸਤਾਨ ਦਾ ਨਹੀਂ ਬਲਕਿ ਫ਼ਿਲਿਪੀੰਸ ਦੇ ਕਲਾਰਕ ਅੰਤਰਰਾਸ਼ਟਰੀ ਹਵਾਈ ਅੱਡੇ ਦਾ ਹੈ ਅਤੇ ਅਪ੍ਰੈਲ 2019 ਦਾ ਹੈ।