ਅਰਵਿੰਦ ਕੇਜਰੀਵਾਲ ਦੇ ਵਜ਼ਨ ਨੂੰ ਲੈ ਕੇ ਆਪ ਆਗੂ ਸੰਜੇ ਸਿੰਘ ਦੇ ਬਿਆਨ ਨੂੰ ਐਡਿਟ ਕਰ ਕੀਤਾ ਜਾ ਰਿਹਾ ਵਾਇਰਲ, Fact Check ਰਿਪੋਰਟ

Fact Check Edited Video Clip Of AAP Leader Sanjay Singh Viral With Misleading Claim

Claim

ਦਿੱਲੀ ਸ਼ਰਾਬ ਘੋਟਾਲੇ ਨੀਤੀ ਮਾਮਲੇ ਨੂੰ ਲੈ ਕੇ ਜੇਲ੍ਹ ਵਿਚ ਬੰਦ ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੂੰ ਲੈ ਕੇ ਇੱਕ ਵੀਡੀਓ ਕਲਿਪ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ। ਇਸ ਕਲਿਪ ਵਿਚ ਆਪ ਆਗੂ ਸੰਜੇ ਸਿੰਘ ਨੂੰ ਅਰਵਿੰਦ ਕੇਜਰੀਵਾਲ ਦੇ ਘੱਟ ਹੋਏ ਵਜ਼ਨ ਨੂੰ ਲੈ ਕੇ ਬੋਲਦੇ ਹੋਏ ਵੇਖਿਆ ਜਾ ਸਕਦਾ ਹੈ। ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਸੰਜੇ ਸਿੰਘ ਨੇ ਦਾਅਵਾ ਕੀਤਾ ਹੈ ਕਿ ਅਰਵਿੰਦ ਕੇਜਰੀਵਾਲ ਦੇ ਵਜ਼ਨ ਪਹਿਲਾਂ 70 ਕਿਲੋ ਸੀ ਜੋ ਕਿ ਘੱਟ ਕੇ 81 ਕਿਲੋ ਹੋ ਗਿਆ ਹੈ। ਇਸ ਕਲਿਪ ਵਿਚ ਸੰਜੇ ਸਿੰਘ ਬੋਲਦੇ ਹਨ, “ਜਦੋਂ 21 ਮਾਰਚ ਨੂੰ ਅਰਵਿੰਦ ਕੇਜਰੀਵਾਲ ਜੀ ਨੂੰ ਗ੍ਰਿਫਤਾਰ ਕੀਤਾ ਗਿਆ ਸੀ, ਤਾਂ ਉਹਨਾਂ ਦਾ ਵਜ਼ਨ 70 ਕਿਲੋ ਸੀ ਅਤੇ ਅੱਜ ਉਹਨਾਂ ਦਾ ਵਜ਼ਨ 8.5 ਕਿਲੋ ਘੱਟ ਕੇ 81.5 ਹੋ ਗਿਆ ਹੈ।”

ਹੁਣ ਇਸ ਵੀਡੀਓ ਕਲਿਪ ਨੂੰ ਦਿੱਲੀ ਭਾਜਪਾ ਨੇ ਸਾਂਝਾ ਕੀਤਾ ਅਤੇ ਲਿਖਿਆ, "दिन-रात झूठ बोलने का नतीजा देखिए…?"

ਇਸੇ ਤਰ੍ਹਾਂ ਇਸ ਕਲਿਪ ਨੂੰ ਸੋਸ਼ਲ ਮੀਡੀਆ 'ਤੇ ਕਈ ਯੂਜ਼ਰਸ ਸਮਾਨ ਦਾਅਵੇ ਨਾਲ ਵਾਇਰਲ ਕਰ ਰਹੇ ਹਨ।

ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਵਾਇਰਲ ਦਾਅਵੇ ਨੂੰ ਗੁੰਮਰਾਹਕੁਨ ਪਾਇਆ ਹੈ। ਅਸਲ ਵਿਚ ਸੰਜੇ ਸਿੰਘ ਨੇ ਆਪਣੀ ਗਲਤੀ ਨੂੰ ਨਾਲ ਦੀ ਨਾਲ ਸੁਧਾਰ ਕੇ ਸਾਫ ਕਿਹਾ ਸੀ ਕਿ ਅਰਵਿੰਦ ਕੇਜਰੀਵਾਲ ਦਾ ਵਜ਼ਨ ਘੱਟ ਕੇ 70 ਕਿਲੋ ਤੋਂ 61.5 ਹੋ ਗਿਆ ਹੈ।

Investigation

ਪੜਤਾਲ ਦੀ ਸ਼ੁਰੂਆਤ ਕਰਦਿਆਂ ਅਸੀਂ ਆਪ ਦੇ ਅਧਿਕਾਰਿਕ ਸੋਸ਼ਲ ਮੀਡੀਆ ਅਕਾਊਂਟਸ 'ਤੇ ਵਿਜ਼ਿਟ ਕਰ ਇਹ ਅਸਲ ਪ੍ਰੈਸ ਵਾਰਤਾ ਦਾ ਵੀਡੀਓ ਸਰਚ ਕਰਨਾ ਸ਼ੁਰੂ ਕੀਤਾ। 

ਵਾਇਰਲ ਕਲਿਪ ਅਧੂਰਾ ਹੈ

ਸਾਨੂੰ ਆਮ ਆਦਮੀ ਪਾਰਟੀ ਦਿੱਲੀ ਦੇ ਅਧਿਕਾਰਿਕ X ਅਕਾਊਂਟ 'ਤੇ ਵਾਇਰਲ ਦਾਅਵੇ ਦਾ ਖੰਡਨ ਕਰਦਾ ਇੱਕ ਪੋਸਟ ਮਿਲਿਆ। ਇਸ ਪੋਸਟ ਵਿਚ ਵਾਇਰਲ ਕਲਿਪ ਦਾ ਪੂਰਾ ਭਾਗ ਸਾਂਝਾ ਕੀਤਾ ਗਿਆ ਸੀ। ਦੱਸ ਦਈਏ ਅਸਲ ਭਾਗ ਵਿਚ ਸੰਜੇ ਸਿੰਘ ਨੂੰ ਸਾਫ ਬੋਲਦੇ ਹੋਇਆ ਸੁਣਿਆ ਜਾ ਸਕਦਾ ਹੈ, “ਜਦੋਂ 21 ਮਾਰਚ ਨੂੰ ਅਰਵਿੰਦ ਕੇਜਰੀਵਾਲ ਜੀ ਨੂੰ ਗ੍ਰਿਫਤਾਰ ਕੀਤਾ ਗਿਆ ਸੀ, ਉਸ ਸਮੇਂ ਉਹਨਾਂ ਦਾ ਵਜ਼ਨ 70 ਕਿਲੋ ਸੀ ਅਤੇ ਅੱਜ ਉਹਨਾਂ ਦਾ ਵਜ਼ਨ 8.5 ਕਿਲੋ ਘੱਟ ਕੇ 81.5 ਹੋ ਗਿਆ ਹੈ...61.5 ਹੋ ਗਿਆ ਹੈ...ਇਹ 70 ਤੋਂ ਘੱਟ ਕੇ 61.5 ਹੋ ਗਿਆ ਹੈ।”

ਦੱਸ ਦਈਏ ਸੰਜੇ ਸਿੰਘ ਨੇ ਆਪਣੇ ਆਪ ਨੂੰ ਤੁਰੰਤ ਠੀਕ ਕਰਦੇ ਹੋਏ ਕਿਹਾ ਸੀ ਕਿ ਅਰਵਿੰਦ ਕੇਜਰੀਵਾਲ ਦਾ ਵਜ਼ਨ ਘੱਟ ਕੇ 61.5 ਹੋ ਗਿਆ ਹੈ।

ਸੰਜੇ ਸਿੰਘ ਦੀ ਇਸ ਪੂਰੀ ਪ੍ਰੈਸ ਵਾਰਤਾ ਨੂੰ ਇਥੇ ਕਲਿਕ ਕਰ ਸੁਣਿਆ ਜਾ ਸਕਦਾ ਹੈ। ਦੱਸ ਦਈਏ ਕਿ ਇਹ ਪ੍ਰੈਸ ਵਾਰਤਾ 13 ਜੁਲਾਈ 2024 ਨੂੰ ਕੀਤੀ ਗਈ ਸੀ।

Conclusion

ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਵਾਇਰਲ ਦਾਅਵੇ ਨੂੰ ਗੁੰਮਰਾਹਕੁਨ ਪਾਇਆ ਹੈ। ਅਸਲ ਵਿਚ ਸੰਜੇ ਸਿੰਘ ਨੇ ਆਪਣੀ ਗਲਤੀ ਨੂੰ ਨਾਲ ਦੀ ਨਾਲ ਸੁਧਾਰ ਕੇ ਸਾਫ ਕਿਹਾ ਸੀ ਕਿ ਅਰਵਿੰਦ ਕੇਜਰੀਵਾਲ ਦਾ ਵਜ਼ਨ ਘੱਟ ਕੇ 70 ਕਿਲੋ ਤੋਂ 61.5 ਹੋ ਗਿਆ ਹੈ।

Result: Misleading

Our Sources:

Tweet Of Aam Aadmi Party Delhi Shared On 15 July 2024

Broadcast Tweet Of Aam Aadmi Party Streamed On 13 July 2024

ਕਿਸੇ ਖਬਰ 'ਤੇ ਸ਼ੱਕ? ਸਾਨੂੰ ਭੇਜੋ ਅਸੀਂ ਕਰਾਂਗੇ ਉਸਦਾ Fact Check... ਸਾਨੂੰ Whatsapp ਕਰੋ "9560527702" 'ਤੇ ਜਾਂ ਸਾਨੂੰ E-mail ਕਰੋ "factcheck@rozanaspokesman.com" 'ਤੇ