ਹਿੰਦੂਆਂ 'ਤੇ ਅੱਤਿਆਚਾਰ ਦਾ ਕੋਈ ਮਸਲਾ ਨਹੀਂ, ਵੀਡੀਓ ਸਬਰੀਮਾਲਾ ਮੇਲੇ 'ਚ ਗੁਆਚੇ ਬੱਚੇ ਦਾ ਹੈ- Fact Check ਰਿਪੋਰਟ

Fact Check Video of child seeking help to find his father viral with fake communal claim

ਸੋਸ਼ਲ ਮੀਡੀਆ 'ਤੇ ਇੱਕ ਬਸ 'ਚ ਬੈਠੇ ਬੱਚੇ ਦਾ ਵੀਡੀਓ ਵਾਇਰਲ ਹੋ ਰਿਹਾ ਹੈ। ਇਸ ਵੀਡੀਓ ਵਿਚ ਬੱਚਾ ਬਸ ਦੀ ਖਿੜਕੀ 'ਤੇ ਆ ਕੇ ਰੋਂਦਾ ਤੇ ਅੱਪਾ ਚਿਲਾਉਂਦਾ ਵੇਖਿਆ ਜਾ ਸਕਦਾ ਹੈ। ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਮਾਮਲਾ ਕੇਰਲ ਤੋਂ ਸਾਹਮਣੇ ਆਇਆ ਹੈ ਜਿਥੇ ਇੱਕ ਹਿੰਦੂ ਬੱਚੇ ਨੂੰ ਧਰਮ ਨੂੰ ਪੇਸ਼ ਕਰਨ 'ਤੇ ਪੁਲਿਸ ਨੇ ਗ੍ਰਿਫਤਾਰ ਕਰ ਲਿਆ। ਇਸ ਵੀਡੀਓ ਨੂੰ ਵਾਇਰਲ ਕਰਦਿਆਂ ਧਾਰਮਿਕ ਭਾਈਚਾਰੇ ਨੂੰ ਖਰਾਬ ਕਰਨ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ।

ਟਵਿੱਟਰ ਅਕਾਊਂਟ राजू राष्ट्रवादी NBD.RBL ਨੇ ਵਾਇਰਲ ਵੀਡੀਓ ਸਾਂਝਾ ਕਰਦਿਆਂ ਲਿਖਿਆ, "वे गाजा के बच्चों को दिखाएंगे, वे सीरिया के बच्चों को दिखाएंगे लेकिन वे यह नहीं दिखाएंगे कि भारत के केरल में हिंदू बच्चे के साथ उसके धर्म का पालन करने पर कैसा व्यवहार किया जा रहा है.. अगर ये बच्चा किसी और मज़हब से होता तो पूरी दुनिया में हाहाकार मच गया होता..."

 

 

ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਵਾਇਰਲ ਵੀਡੀਓ ਸਬਰੀਮਾਲਾ ਮੇਲੇ ਵਿਚ ਗੁਆਚ ਗਏ ਬੱਚੇ ਦਾ ਹੈ ਜਿਸਨੂੰ ਫਰਜ਼ੀ ਫਿਰਕੂ ਰੰਗ ਦੇ ਕੇ ਵਾਇਰਲ ਕੀਤਾ ਜਾ ਰਿਹਾ ਹੈ।

ਸਪੋਕਸਮੈਨ ਦੀ ਪੜਤਾਲ

ਪੜਤਾਲ ਦੀ ਸ਼ੁਰੂਆਤ ਕਰਦਿਆਂ ਅਸੀਂ ਸਭਤੋਂ ਪਹਿਲਾਂ ਇਸ ਵੀਡੀਓ ਨੂੰ ਧਿਆਨ ਨਾਲ ਵੇਖਿਆ। ਅਸੀਂ ਪਾਇਆ ਕਿ ਇਸ ਵੀਡੀਓ ਦੇ ਅੰਤ ਵਿਚ Asianet Newsable ਦੀ ਲੋਗੋ ਆਉਂਦਾ ਹੈ। ਅਸੀਂ ਇਹ ਵੀ ਪਾਇਆ ਕਿ ਬੱਚਾ ਵੀਡੀਓ ਵਿਚ ਅੱਪਾ ਚਿੱਲਾ ਰਿਹਾ ਹੈ ਜਿਸਨੂੰ ਦੱਖਣ ਭਾਸ਼ਾ ਵਿਚ ਪਿਓ ਲਈ ਵਰਤਿਆ ਜਾਂਦਾ ਹੈ।

ਇਨ੍ਹਾਂ ਗੱਲਾਂ ਨੂੰ ਧਿਆਨ 'ਚ ਰੱਖਦਿਆਂ ਅਸੀਂ ਮਾਮਲੇ ਨੂੰ ਲੈ ਕੇ ਕੀਵਰਡ ਸਰਚ ਕੀਤਾ।

ਵਾਇਰਲ ਦਾਅਵਾ ਫਰਜ਼ੀ ਹੈ

ਸਾਨੂੰ ਇਹ ਅਸਲ ਵੀਡੀਓ Asianet Newsable ਦੇ ਅਧਿਕਾਰਿਕ Youtube ਅਕਾਊਂਟ 'ਤੇ ਸਾਂਝਾ ਮਿਲਿਆ। ਵੀਡੀਓ ਸਾਂਝਾ ਕਰਦਿਆਂ ਸਿਰਲੇਖ ਦਿੱਤਾ ਗਿਆ, "Sabarimala rush: Heart-wrenching video of crying child seeking help to find his father emerges"