ਕੁਦਰਤੀ ਜੀਵਾਂ ਦਾ ਇਹ ਵੀਡੀਓ AI ਦੀ ਕਲਾਕਾਰੀ ਹੈ, Fact Check ਰਿਪੋਰਟ
ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਵਾਇਰਲ ਹੋ ਰਿਹਾ ਵੀਡੀਓ AI ਦਾ ਕਮਾਲ ਹੈ ਅਤੇ ਇਸਦੇ ਵਿਚ ਅਸਲ ਕੁਦਰਤੀ ਜੀਵ ਨਹੀਂ ਹਨ।
Claim
ਸੋਸ਼ਲ ਮੀਡੀਆ 'ਤੇ ਕੁਦਰਤੀ ਪੰਛੀਆਂ ਦਾ ਇੱਕ ਵੀਡੀਓ ਵਾਇਰਲ ਕਰਦਿਆਂ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਇਹ ਜੀਵ ਅਸਲੀ ਹਨ ਅਤੇ ਦੁਰਲਭ ਵੇਖਣ ਨੂੰ ਮਿਲਦੇ ਹਨ।
ਫੇਸਬੁੱਕ ਯੂਜ਼ਰ Aap Paramjit Gill ਨੇ ਵਾਇਰਲ ਵੀਡੀਓ ਸਾਂਝਾ ਕਰਦਿਆਂ ਲਿਖਿਆ, "ਕੀ ਕੁਦਰਤ ਇੰਨੀ ਸੁੰਦਰ ਹੈ?"
ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਵਾਇਰਲ ਹੋ ਰਿਹਾ ਵੀਡੀਓ AI ਦਾ ਕਮਾਲ ਹੈ ਅਤੇ ਇਸਦੇ ਵਿਚ ਅਸਲ ਕੁਦਰਤੀ ਜੀਵ ਨਹੀਂ ਹਨ।
Investigation
ਪੜਤਾਲ ਦੀ ਸ਼ੁਰੂਆਤ ਕਰਦਿਆਂ ਅਸੀਂ ਸਭਤੋਂ ਪਹਿਲਾਂ ਇਸ ਵੀਡੀਓ ਨੂੰ ਧਿਆਨ ਨਾਲ ਵੇਖਿਆ। ਅਸੀਂ ਪਾਇਆ ਕਿ ਵੀਡੀਓ ਵਿਚ @kelly_boesch_ai_art ਨਾਂਅ ਦਾ ਵਾਟਰਮਾਰਕ ਯੂਜ਼ਰਨੇਮ ਦਿੱਸ ਰਿਹਾ ਹੈ।
ਇਸ ਯੂਜ਼ਰਨੇਮ ਨੂੰ ਅਸੀਂ ਗੂਗਲ 'ਤੇ ਸਰਚ ਕੀਤਾ ਅਤੇ ਸਾਨੂੰ ਅਸਲ ਵੀਡੀਓ ਇਸ ਯੂਜ਼ਰਨੇਮ ਦੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਸਾਂਝਾ ਮਿਲਿਆ। ਇੰਸਟਾਗ੍ਰਾਮ ਅਕਾਊਂਟ "kelly_boesch_ai_art" ਨੇ ਇਸ ਵੀਡੀਓ ਨੂੰ ਸਾਂਝਾ ਕਰਦਿਆਂ ਕੈਪਸ਼ਨ ਲਿਖਿਆ, "This video went to 1M views in 6 hours today on TokTok. Not sure why this one is my first million views. I think some people think it’s real by the comments m, even though I said it’s ai. Crazy."
ਜਾਣਕਾਰੀ ਦਿੰਦਿਆਂ ਅਕਾਊਂਟ ਨੇ ਦੱਸਿਆ ਕਿ "ਮੇਰੀ ਬਣਾਈ ਇਸ AI ਕਲਾ ਦੀ ਵੀਡੀਓ ਨੂੰ ਲੋਕ ਅਸਲ ਮੰਨ ਕੇ ਵਾਇਰਲ ਕਰ ਰਹੇ ਹਨ ਅਤੇ ਇਸ ਵੀਡੀਓ ਨੂੰ Tiktok ਉੱਤੇ 6 ਘੰਟਿਆਂ ਅੰਦਰ 10 ਲਾਖ ਲੋਕਾਂ ਵੱਲੋਂ ਵੇਖਿਆ ਜਾ ਚੁੱਕਿਆ ਹੈ।"
ਯੂਜ਼ਰ ਨੇ ਜਾਣਕਾਰੀ ਦਿੰਦਿਆਂ ਸਾਫ ਕਿਹਾ ਕਿ ਇਹ ਵੀਡੀਓ AI ਦੀ ਕਲਾ ਹੈ।
ਦੱਸ ਦਈਏ kelly_boesch_ai_art ਅਕਾਊਂਟ AI ਦੀ ਬਣਾਈ ਕਲਾ ਨੂੰ ਸਾਂਝਾ ਕਰਦਾ ਹੈ ਅਤੇ ਇਸ ਅਕਾਊਂਟ 'ਤੇ AI ਦੁਆਰਾ ਬਣਾਈ ਕਲਾ ਦੇ ਬਹੁਤ ਨਮੂਨੇ ਵੇਖੇ ਜਾ ਸਕਦੇ ਹਨ।
Conclusion
ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਵਾਇਰਲ ਹੋ ਰਿਹਾ ਵੀਡੀਓ AI ਦਾ ਕਮਾਲ ਹੈ ਅਤੇ ਇਸਦੇ ਵਿਚ ਅਸਲ ਕੁਦਰਤੀ ਜੀਵ ਨਹੀਂ ਹਨ।
Result: Misleading
Our Sources:
Original Video Shared By kelly_boesch_ai_art Instagram Account With Clarification On 21 January 2024
ਕਿਸੇ ਖਬਰ 'ਤੇ ਸ਼ੱਕ? ਸਾਨੂੰ ਭੇਜੋ ਅਸੀਂ ਕਰਾਂਗੇ ਉਸਦਾ Fact Check... ਸਾਨੂੰ Whatsapp ਕਰੋ "9560527702" 'ਤੇ ਜਾਂ ਸਾਨੂੰ E-mail ਕਰੋ "factcheck@rozanaspokesman.com" 'ਤੇ