Drake ਨੇ ਨਹੀਂ ਕੀਤਾ ਖਾਲਿਸਤਾਨ ਦਾ ਸਮਰਥਨ, ਵਾਇਰਲ ਵੀਡੀਓ Deepfake ਹੈ- Fact Check ਰਿਪੋਰਟ

Fact Check Deepfake video of rapper Drake viral with fake claim

Claim

ਸੋਸ਼ਲ ਮੀਡੀਆ 'ਤੇ ਮਸ਼ਹੂਰ ਰੈਪਰ ਡਰੈਕ ਦਾ ਇੱਕ ਵੀਡੀਓ ਵਾਇਰਲ ਹੋ ਰਿਹਾ ਹੈ ਜਿਸਦੇ ਵਿਚ ਉਸਨੂੰ ਖਾਲਿਸਤਾਨ ਦੇ ਸਮ੍ਰਥਨਬ ਬਾਰੇ ਬੋਲਦੇ ਸੁਣਿਆ ਜਾ ਸਕਦਾ ਹੈ। ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਰੈਪਰ ਖਾਲਿਸਤਾਨ ਪੱਖੀ ਹੈ। 

ਇਸ ਵੀਡੀਓ ਨੂੰ the_panjab_updates ਨਾਂਅ ਦੇ ਇੰਸਟਾਗ੍ਰਾਮ ਅਕਾਊਂਟ ਨੇ ਸਾਂਝਾ ਕਰਦਿਆਂ ਲਿਖਿਆ, "Khalistan"

 

 

ਇਸੇ ਤਰ੍ਹਾਂ ਇੱਕ ਯੂਜ਼ਰ ਵੱਲੋਂ ਇਸ ਵੀਡੀਓ ਨੂੰ ਸਾਂਝਾ ਕਰਦਿਆਂ ਲਿਖਿਆ ਗਿਆ, "ਡਰੈਕ ਵੀ ਖਾਲਿਸਤਾਨੀ" (ਹਾਲਾਂਕਿ ਯੂਜ਼ਰ ਨੇ ਬਾਅਦ ਵਿਚ ਆਪਣਾ ਪੋਸਟ ਡਿਲੀਟ ਕਰ ਦਿੱਤਾ)

ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਵਾਇਰਲ ਹੋ ਰਿਹਾ ਵੀਡੀਓ Deepfake ਹੈ। ਇਹ ਵੀਡੀਓ 2 ਵੱਖੋ-ਵੱਖ ਵੀਡੀਓ ਦਾ ਕੋਲਾਜ ਹੈ ਜਿਸਨੂੰ ਖਾਲਿਸਤਾਨ ਰੈਫਰੈਂਡਮ ਨਾਲ ਸਬੰਧਤ ਆਡੀਓ ਲਗਾ ਕੇ ਵਾਇਰਲ ਕੀਤਾ ਜਾ ਰਿਹਾ ਹੈ।

Investigation 

ਪੜਤਾਲ ਦੀ ਸ਼ੁਰੂਆਤ ਕਰਦਿਆਂ ਅਸੀਂ ਸਭਤੋਂ ਪਹਿਲਾਂ ਇਸ ਵੀਡੀਓ ਨੂੰ ਧਿਆਨ ਨਾਲ ਵੇਖਿਆ ਅਤੇ ਮਾਮਲੇ ਸਬੰਧਿਤ ਕੀਵਰਡ ਸਰਚ ਕੀਤਾ। ਦੱਸ ਦਈਏ ਕਿ ਰੈਪਰ ਵੱਲੋਂ ਜੇ ਅਜਿਹਾ ਕੋਈ ਬਿਆਨ ਦਿੱਤਾ ਗਿਆ ਹੁੰਦਾ ਤਾਂ ਉਸਨੇ ਹੁਣ ਤੱਕ ਸੁਰਖੀ ਦਾ ਰੂਪ ਧਾਰ ਲੈਣਾ ਸੀ ਪਰ ਸਾਨੂੰ ਵਾਇਰਲ ਦਾਅਵੇ ਸਬੰਧਿਤ ਕੋਈ ਪੁਖਤਾ ਖਬਰ ਨਹੀਂ ਮਿਲੀ।

ਹੁਣ ਅਸੀਂ ਇਸ ਵੀਡੀਓ ਦੇ ਕੀਫ਼੍ਰੇਮਸ ਕੱਢ ਉਨ੍ਹਾਂ ਨੂੰ ਰਿਵਰਸ ਇਮੇਜ ਸਰਚ ਕੀਤਾ।

"ਵਾਇਰਲ ਵੀਡੀਓ Deepfake ਹੈ"

ਸਾਨੂੰ Drake ਦਾ ਇੰਟਰਵਿਊ ਐਪਲ ਮਿਊਜ਼ੀਕ ਦੁਆਰਾ 3 ਮਈ 2016 ਦਾ ਸਾਂਝਾ ਮਿਲਿਆ। ਅਸੀਂ ਇਸ ਇੰਟਰਵਿਊ ਨੂੰ ਪੂਰਾ ਸੁਣਿਆ ਪਰ ਵੀਡੀਓ ਵਿਚ ਸਾਨੂੰ ਕੀਤੇ ਵੀ ਖਾਲਿਸਤਾਨ ਦਾ ਜ਼ਿਕਰ ਨਹੀਂ ਮਿਲਿਆ। ਅਸੀਂ ਇਹ ਵੀ ਪਾਇਆ ਕਿ ਐਪਲ ਮਿਊਜ਼ਿਕ ਦੁਆਰਾ ਅਪਲੋਡ ਵੀਡੀਓ ਵਿਚ ਇੰਟਰਵਿਊਰ ਕੋਈ ਹੋਰ ਹੈ ਜਦਕਿ ਵਾਇਰਲ ਵੀਡੀਓ ਵਿਚ ਕਿਸੀ ਹੋਰ ਇੰਟਰਵਿਊਰ ਨੂੰ ਦੇਖਿਆ ਜਾ ਸਕਦਾ ਹੈ।