Fact Check: ਕਾਨਪੁਰ ਦੀ ਸੜਕ 'ਤੇ ਹੋ ਰਿਹਾ "Moon Walk"? ਜਾਣੋ ਵੀਡੀਓ ਦਾ ਅਸਲ ਸੱਚ

ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਵਾਇਰਲ ਇਹ ਕਾਨਪੁਰ ਦਾ ਨਹੀਂ ਬਲਕਿ ਬੰਗਲੁਰੂ ਦਾ ਇੱਕ ਪੁਰਾਣਾ ਵੀਡੀਓ ਹੈ ਜਿਸਨੂੰ ਚੰਦ੍ਰਯਾਨ-2 ਦੇ ਲਾਂਚ ਸਮੇਂ 2019 ਵਿਚ ਬਣਾਇਆ ਗਿਆ ਸੀ।

ਸਪੋਕਸਮੈਨ ਦੀ ਪੜਤਾਲ

ਪੜਤਾਲ ਦੀ ਸ਼ੁਰੂਆਤ ਕਰਦਿਆਂ ਅਸੀਂ ਸਭਤੋਂ ਪਹਿਲਾਂ ਇਸ ਵੀਡੀਓ ਨੂੰ ਧਿਆਨ ਨਾਲ ਵੇਖਿਆ ਅਤੇ ਵੀਡੀਓ ਦੇ ਕੀਫ਼੍ਰੇਮਸ ਕੱਢ ਉਨ੍ਹਾਂ ਨੂੰ ਰਿਵਰਸ ਇਮੇਜ ਸਰਚ ਕੀਤਾ।

ਵਾਇਰਲ ਵੀਡੀਓ ਬੰਗਲੁਰੂ ਦਾ 2019 ਦਾ ਹੈ

ਸਾਨੂੰ ਇਸ ਵੀਡੀਓ ਨੂੰ ਲੈ ਕੇ NDTV ਦੀ ਇੱਕ ਰਿਪੋਰਟ ਮਿਲੀ। 3 ਸਿਤੰਬਰ 2019 ਨੂੰ ਪ੍ਰਕਾਸ਼ਿਤ ਇਸ ਖਬਰ ਦਾ ਸਿਰਲੇਖ ਹੈ, "Bengaluru, We Have A Problem: Artist Turns Astronaut To Reach Civic Body"

ਇਸ ਖਬਰ ਵਿਚ ਦੱਸਿਆ ਗਿਆ ਕਿ ਬੰਗਲੁਰੂ ਦੇ ਇੱਕ ਆਰਟਿਸਟ ਬਾਦਲ ਨੰਜਉਂਡਾਸਵਾਮੀ ਨੇ ਖਰਾਬ ਸੜਕਾਂ ਨੂੰ ਬੰਗਲੁਰੂ ਨਗਰ ਨਿਗਮ ਦੇ ਧਿਆਨ ਵਿਚ ਲਿਆਉਣ ਲਈ ਇੱਕ ਵੱਖਰਾ ਤਰੀਕਾ ਅਪਣਾਇਆ। ਆਰਟਿਸਟ ਨੇ ਪੁਲਾੜ ਯਾਤਰੀ ਦਾ ਸੂਟ ਪਾ ਕੇ ਬੰਗਲੁਰੂ ਦੀ ਖਰਾਬ ਸੜਕ 'ਤੇ ਮੂਨ ਵਾਲਕ ਕੀਤਾ।

ਇਸ ਖਬਰ ਵਿਚ ਅਸਲ ਟਵੀਟ ਸਾਂਝਾ ਕੀਤਾ ਗਿਆ ਸੀ। ਅਸੀਂ ਬਾਦਲ ਨੰਜਉਂਡਾਸਵਾਮੀ ਦੇ ਅਕਾਊਂਟ ਨੂੰ ਸਕੈਨ ਕੀਤਾ ਤਾਂ ਪਾਇਆ ਕਿ ਇਹ ਆਰਟਿਸਟ ਵਾਤਾਵਰਣ ਸਬੰਧੀ ਅਜਿਹੇ ਨਵੇਂ ਤਰੀਕੇ ਨਾਲ ਲੋਕਾਂ ਤੱਕ ਆਪਣੀ ਗੱਲ ਪਹੁੰਚਾਉਂਦਾ ਰਹਿੰਦਾ ਹੈ।

ਦੱਸ ਦਈਏ ਕਿ ਬਾਦਲ ਨੰਜਉਂਡਾਸਵਾਮੀ ਨੇ ਇੱਕ ਮੀਡੀਆ ਅਦਾਰੇ ਨਾਲ ਗੱਲ ਕਰਦਿਆਂ ਸਾਫ ਕੀਤਾ ਸੀ ਕਿ ਇਹ ਵੀਡੀਓ ਉਸਨੇ 2019 ਵਿਚ ਬਣਾਇਆ ਸੀ ਤੇ ਇਹ ਬੰਗਲੁਰੂ ਦਾ ਹੀ ਹੈ। ਆਰਟਿਸਟ ਨੇ ਦੱਸਿਆ ਕਿ ਇਹ ਵੀਡੀਓ ਚੰਦ੍ਰਯਾਨ-2 ਦੇ ਮਿਸ਼ਨ ਸਮੇਂ ਬਣਾਇਆ ਗਿਆ ਸੀ।

ਨਤੀਜਾ- ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਵਾਇਰਲ ਇਹ ਕਾਨਪੁਰ ਦਾ ਨਹੀਂ ਬਲਕਿ ਬੰਗਲੁਰੂ ਦਾ ਇੱਕ ਪੁਰਾਣਾ ਵੀਡੀਓ ਹੈ ਜਿਸਨੂੰ ਚੰਦ੍ਰਯਾਨ-2 ਦੇ ਲਾਂਚ ਸਮੇਂ 2019 ਵਿਚ ਬਣਾਇਆ ਗਿਆ ਸੀ।