farmer protest

ਰਾਜਪੁਰਾ: ਕਿਸਾਨ ਮੰਡੀ ਵਿਚ ਪ੍ਰੇਸ਼ਾਨ ਨਹੀਂ ਹੋਣੇ ਚਾਹੀਦੇ ਅਤੇ ਸਮੇਂ ਸਿਰ ਝੋਨੇ ਦੀ ਬੋਲੀ ਯਕੀਨੀ ਬਣਾਈ ਜਾਵੇ, ਇਹ ਹੁਕਮ ਪੰਜਾਬ ਦੇ ਮੁਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਵਲੋਂ ਮਾਰਕੀਟ ਕਮੇਟੀ ਨੂੰ ਹੁਕਮ ਦਿੱਤੇ ਹਨ

ਪਰ ਇਨ੍ਹਾਂ ਹੁਕਮਾਂ ਦੇ ਬਾਵਜੂਦ ਕਿਸਾਨ ਭੁੱਖਾ ਪਿਆਸਾ ਤੱਪਦੀ ਧੁੱਪ 'ਚ ਮੰਡੀ ਵਿਚ ਜੀਰੀ ਦੀ ਬੋਲੀ ਦੀ ਉਡੀਕ ਕਰ ਰਿਹਾ ਹੈ। ਮਾਰਕੀਟ ਕੇਮਟੀ ਵੱਲੋਂ ਨਾ ਹੀ ਕਿਸਾਨਾਂ ਦੇ ਛਾਂ ਵਿਚ ਬੈਠਣ ਲਈ ਪ੍ਰਬੰਧ ਕੀਤਾ ਗਿਆ ਹੈ

ਤੇ ਨਾ ਹੀ ਪੀਣ ਵਾਲੇ ਪਾਣੀ ਦਾ ਪ੍ਰਬੰਧ ਕੀਤਾ ਗਿਆ ਹੈ। ਕਿਸਾਨਾਂ ਦੇ ਨਾਲ ਆੜਤੀ ਵੀ ਪ੍ਰੇਸ਼ਾਨ ਹਨ। ਰਾਤ ਨੂੰ ਮੰਡੀ ਵਿਚ ਚੌਂਕੀਦਾਰ ਨਾ ਹੋਣ ਕਾਰਨ ਜੀਰੀ ਦੀ ਵੱਡੀ ਪੱਧਰ ਉਤੇ ਚੋਰੀ ਹੋ ਰਹੀ ਹੈ। ਕਿਸਾਨਾਂ ਦੀ ਮੰਡੀ ਵਿਚ ਵੱਡੀ ਲੁੱਟ ਹੋ ਰਹੀ ਹੈ। 

ਬਜ਼ੁਰਗ ਕਿਸਾਨ ਬੋਰੀਆਂ ਉਤੇ ਰਾਤ ਨੂੰ ਸੋਂ ਕੇ ਆਪਣੀ ਜੀਰੀ ਦੀ ਰਾਖੀ  ਕਰਨ ਲਈ ਮਜ਼ਬੂਰ ਹਨ। ਕਿਸਾਨਾਂ ਨੇ ਦੱਸਿਆ ਕਿ ਪੁੱਤਾ ਵਾਂਗੂ ਪਾਲੀ ਜੀਰੀ ਵੇਚਣ ਲਈ ਰਾਜਪੁਰਾ ਦੀ ਮੰਡੀ ਵਿਚ ਕਈ ਦਿਨਾਂ ਤੋਂ ਖੱਜਲ ਖੁਆਰ ਹੋ ਰਹੇ ਹਾਂ ਪਰ ਸਾਡੀ ਕੋਈ  ਬਾਤ ਨਹੀਂ ਪੁੱਛ ਰਿਹਾ।