ਮਾਨਸਾ 'ਚ ਕਿਸਾਨਾਂ 'ਤੇ ਕੁਦਰਤ ਦਾ ਕਹਿਰ, ਨਹਿਰ ਟੁੱਟਣ ਨਾਲ ਫਸਲਾਂ ਤਬਾਹ
ਪਿੰਡ ਗਾਗੋਵਾਲ ਦੇ ਨਜ਼ਦੀਕ ਮੂਸਾ ਰਜਵਾਹੇ 'ਚ ਪਈ ਦਰਾਰ
ਮਾਨਸਾ: ਬੀਤੇ ਦਿਨੀਂ ਹੋਈ ਭਾਰੀ ਬਰਸਾਤ ਜਿੱਥੇ ਕਈਆਂ ਲਈ ਰਾਹਤ ਬਣ ਕੇ ਉਭਰੀ ਓਥੇ ਹੀ ਮਾਨਸਾ ਦੇ ਪਿੰਡ ਗਾਗਵਾਲ ਦੇ ਲੋਕਾਂ ਲਈ ਇਹ ਬਰਸਾਤ ਆਫਤ ਬਣ ਕੇ ਆਈ। ਦਰਅਸਲ ਇੱਥੇ ਬਰਸਾਤ ਨੇ ਸਭ ਖਤਮ ਕਰ ਕੇ ਰੱਖ ਦਿੱਤਾ। ਜਿੱਥੇ ਮੂਸਾ ਰਜਾਵਾਹਾ 'ਚ 80 ਫੁੱਟ ਦੇ ਕਰੀਬ ਪਾੜ ਪੈਣ ਨਾਲ ਕਈ ਕਿਸਾਨਾਂ ਦੀਆਂ ਫਸਲਾਂ ਤਬਾਹ ਕਰ ਦਿੱਤੀਆਂ।
ਦਰਅਸਲ ਬੀਤੇ ਰਾਤ ਆਏ ਤੇਜ਼ ਝਖੜ ਕਾਰਨ ਨਹਿਰ ਵਿਚ ਦਰਖਤ ਡਿੱਗਣ ਕਾਰਨ ਵੱਡਾ ਪੈਣ ਪੈ ਗਿਆ ਜਿਸ ਤੋਂ ਬਅਦ ਪਿੰਡ ਦੇ ਲੋਕਾਂ ਨੇ ਪਾੜ ਨੂੰ ਪੂਰਨ ਦੀ ਕੋਸ਼ਿਸ਼ ਕੀਤੀ ਪਰ ਪਾਣੀ ਦੇ ਤੇਜ਼ ਵਹਾਅ ਕਾਰਨ ਇਹ ਸੰਭਵ ਨਾ ਹੋ ਸਕਿਆ ਜਿਸ ਤੋਂ ਬਾਅਦ ਦਰਾਰ ਵਧਦੀ ਗਈ ਤੇ ਕਿਸਾਨਾਂ ਦੀਆਂ ਫਸਲਾਂ ਪਾਣੀ ਦੀ ਮਾਰ ਹੇਠ ਆਉਂਦੀਆਂ ਗਈਆਂ।
ਲੋਕਾਂ ਦਾ ਇਲਜ਼ਾਮ ਹੈ ਕਿ ਪ੍ਰਸ਼ਾਸਨ ਨੂੰ ਇਸ ਸਬੰਧੀ ਸੂਚਿਤ ਕੀਤਾ ਗਿਆ ਹੈ ਪਰ ਕਿਸੇ ਨੇ ਦਰਾਰ ਨੂੰ ਭਰਨ ਦਾ ਯਤਨ ਨਾ ਕੀਤਾ। ਓਨ੍ਹਾਂ ਕਿਹਾ ਜੇਕਰ ਜਲਦ ਇਸ ਦਾ ਹੱਲ ਨਾ ਕੀਤਾ ਗਿਆ ਤਾਂ ਇਹ ਦਰਾਰ ਵਧ ਕੇ 200 ਫੁੱਟ ਦੇ ਕਰੀਬ ਜਾ ਸਕਦੀ ਹੈ ਜਿਸ ਨਾਲ ਉਹਨਾਂ ਦੀਆਂ ਰਹਿੰਦੀਆਂ ਖੁਹਦੀਆਂ ਫਸਲ਼ਾਂ ਵੀ ਤਬਾਹ ਹੋ ਜਾਣਗੀਆਂ। ਲੋਕਾਂ ਦਾ ਇਹ ਵੀ ਇਲਜ਼ਾਮ ਹੈ ਕਿ ਸਮੇਂ ਸਿਰ ਸਫਾਈ ਨਹੀਂ ਕੀਤੀ ਗਈ ਜਿਸ ਦਾ ਖਮਿਆਜ਼ਾ ਉਨ੍ਹਾਂ ਨੂੰ ਭੁੱਗਤਣਾ ਪੈ ਰਿਹਾ।
ਪਿੰਡ ਵਾਸੀ ਦਾ ਕਹਿਣਾ ਹੈ ਕਿ ਇਸ ਨਹਿਰ ਦੇ ਪਾਣੀ ਕਾਰਨ ਰਕਬਾ ਦੱਬ ਚੁੱਕਾ ਤੇ ਜੀਰੀ ਵੀ ਪੂਰੀ ਤਰ੍ਹਾਂ ਤਬਾਹ ਹੋ ਚੁੱਕੀ ਹੈ। ਮੌਕੇ ਤੇ ਪ੍ਰਸ਼ਾਸ਼ਨ ਤਾਂ ਪਹੁੰਚ ਗਿਆ ਹੈ ਪਰ ਹੁਣ ਉਹਨਾਂ ਕੋਲ ਕੋਈ ਹੱਲ ਨਹੀਂ ਹੈ। ਨਹਿਰ ਦਾ ਪਾਣੀ ਡੇਢ ਤੋਂ 200 ਏਕੜ ਤੱਕ ਫੈਲ ਸਕਦਾ ਹੈ।
ਕਿਸਾਨ ਤਾਂ ਪਹਿਲਾਂ ਹੀ ਮਾਰ ਹੇਠ ਹਨ ਉਤੋਂ ਇਹ ਕੁਦਰਤੀ ਆਫ਼ਤਾਂ। ਓਧਰ ਮੌਕੇ 'ਤੇ ਪਹੁੰਚੇ ਨਹਿਰੀ ਵਿਭਾਗ ਦੇ ਅਧਿਕਾਰੀਆਂ ਦਾ ਕਹਿਣਾ ਹੈ ਦਰਖਤ ਡਿੱਗਣ ਕਾਰਨ ਪਾਣੀ ਓਵਰ ਫਲੋ ਹੋਣ ਕਾਰਨ ਦਰਾਰ ਪਈ ਹੈ ਜਿਸ ਤੋਂ ਬਾਅਦ ਪਿੱਛੋਂ ਪਾਣੀ ਦਾ ਵਹਾਅ ਘਟਾ ਕੇ ਦਰਾਰ ਭਰਨ ਲਈ ਹਰ ਸਭੰਵ ਯਤਨ ਕੀਤੇ ਜਾ ਰਹੇ ਹਨ।
ਅਧਿਕਾਰੀ ਦਾ ਕਹਿਣਾ ਹੈ ਕਿ ਉਹਨਾਂ ਨੇ ਜੇਸੀਬੀ ਮੰਗਵਾ ਕੇ ਏਜੰਸੀ ਲਗਾ ਦਿੱਤੀ ਹੈ ਤੇ ਇਸ ਪਾਣੀ ਨੂੰ ਰੋਕਣ ਦੇ ਪੂਰੇ ਪ੍ਰਬੰਧ ਕੀਤੇ ਜਾਣਗੇ। ਦੱਸ ਦੇਈਏ ਕਿ ਸੂਬੇ 'ਚ ਬਰਸਾਤ ਦੇ ਮੌਸਮ ਆਉਣ ਤੋਂ ਪਹਿਲਾਂ ਹੀ ਲੋਕਾਂ ਵੱਲ ਨਹਿਰ ਨਾਲੀਆਂ ਦੀਆਂ ਸਫਾਈਆਂ ਕਰਨ ਦੀ ਮੰਗ ਕੀਤੀ ਜਾ ਰਹੀ ਹੈ ਪਰ ਮਾਨਸੂਨ ਦੀ ਸ਼ੁਰੂਆਤ 'ਚ ਹੀ ਪਈ ਇਸ ਦਰਾਰ ਨੇ ਪ੍ਰਸ਼ਾਸਨ ਦੀ ਕਾਰਗੁਜ਼ਾਰੀ ਤੇ ਸਵਾਲ ਖੜੇ ਕਰ ਦਿੱਤੇ ਹਨ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।