ਪੰਜਾਬ ਅਤੇ ਨੀਦਰਲੈਂਡ ਡੇਅਰੀ ਫਾਰਮ ਅਤੇ ਫੁੱਲਾਂ ਦੀ ਖੇਤੀ `ਚ ਵਧਾਉਣਗੇ ਸਹਿਯੋਗ
ਪੰਜਾਬ ਦੇ ਮੁਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਖੇਤੀਬਾੜੀ ਦੌਰਾਨ ਹੋ ਰਹੀਆਂ ਪ੍ਰੇਸ਼ਾਨੀਆਂ ਨਾਲ ਨਜਿੱਠਣ ਅਤੇ ਕਿ
ਚੰਡੀਗੜ: ਪੰਜਾਬ ਦੇ ਮੁਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਖੇਤੀਬਾੜੀ ਦੌਰਾਨ ਹੋ ਰਹੀਆਂ ਪ੍ਰੇਸ਼ਾਨੀਆਂ ਨਾਲ ਨਜਿੱਠਣ ਅਤੇ ਕਿਸਾਨਾਂ ਨੂੰ ਖੇਤੀਬਾੜੀ ਪ੍ਰਤੀ ਹੋਰ ਉਤਸ਼ਾਹਿਤ ਕਰਨ ਲਈ ਮੰਗਲਵਾਰ ਨੂੰ ਨੀਦਰਲੈਂਡ ਦੇ ਅਲਫੋਨਸਸ ਸਟੋਲਿੰਗਾ ਦੇ ਨਾਲ ਕਈ ਪੱਖਾਂ ਉਤੇ ਸਲਾਹ ਮਸ਼ਵਰਾ ਕੀਤਾ । ਮਿਲੀ ਜਾਣਕਾਰੀ ਮੁਤਾਬਿਕ ਡੇਅਰੀ ,ਪਸ਼ੂ ਪਾਲਣ , ਫੁੱਲਾਂ ਦੀ ਖੇਤੀ ,ਅਤੇ ਬਕਰੀ ਪਾਲਣ ਦੇ ਪੇਸ਼ੇ ਨੂੰ ਉਤਸ਼ਾਹਿਤ ਕਰਣ ਲਈ ਦੋਵੇਂ ਪੱਖ ਸਹਿਮਤ ਹੋਏ ।
ਮੁਖ ਮੰਤਰੀ ਨੇ ਫਸਲ ਵਧਾਉਣ ਦੇ ਨਾਲ - ਨਾਲ ਪਸ਼ੂ ਧਨ ਵਿਚ ਸੁਧਾਰ ਲਿਆਉਣ ਲਈ ਨੀਦਰਲੈਂਡ ਨਾਲ ਭਰੂਣ ਤਕਨੀਕੀ ਦੇ ਲੈਣੇ - ਪ੍ਰਦਾਨ ਅਤੇ ਗਰਭਦਾਨ ਲਈ ਵਧੀਆ ਨਸਲ ਦੇ ਪਸ਼ੁਆਂ ਦੇ ਵੀਰਜ ਦੀ ਸਪਲਾਈ ਕਰਨ ਦੀ ਮੰਗ ਕੀਤੀ । ਉਨ੍ਹਾਂ ਨੇ ਦੁੱਧ ਪ੍ਰੋਸੇਸ ਕਰਨ ਵਾਲੀ ਆਗੂ ਡੱਚ ਕੰਪਨੀਆਂ ਦੁਆਰਾ ਆਪਣੇ ਯੂਨਿਟ ਸਥਾਪਤ ਕਰਨ ਦਾ ਵੀ ਸੁਝਾਅ ਦਿੱਤਾ। ਇਸ ਮੌਕੇ ਵਿਗਿਆਨੀ ਢੰਗ ਨਾਲ ਪਰਾਲੀ ਦੇ ਨਿਪਟਾਰੇ ਜਾਂ ਜੈਵਿਕ ਰਹਿੰਦ ਖੂਹੰਦ ਨੂੰ ਸਮੇਟਣ ਸਬੰਧੀ ਟੇਕਨੋਲਾਜੀ ਉਤੇ ਵੀ ਗੱਲ ਹੋਈ ।
ਨਾਲ ਹੀ ਆਲੂ ਵਿਚ ਜਿਆਦਾ ਮਾਤਰਾ ਵਿਚ ਮਿਠਾਸ ਹੋਣ ਉਤੇ ਚਿੰਤਾ ਸਾਫ਼ ਕਰਦੇ ਹੋਏ ਸੀ ਐਮ ਨੇ ਸਟੋਲਿੰਗਾ ਨੂੰ ਆਲੂ ਦੀ ਫਸਲ ਵਿਚ ਸੁਧਾਰ ਲਿਆਉਣ ਲਈ ਖੋਜਕਾਰਾਂ ਅਤੇ ਪ੍ਰਸਿਧ ਆਲੂ ਉਤਪਾਦਕਾਂ ਦੇ ਨਾਲ ਹਿਸੇਦਾਰੀ ਦੀ ਸੰਭਾਵਨਾ ਤਲਾਸ਼ਨ ਲਈ ਕਿਹਾ । ਇਸ ਮੌਕੇ ਸਟੋਲਿੰਗਾ ਮੁਖ ਮੰਤਰੀ ਨੂੰ ਦਸਿਆ ਕਿ ਡੱਚ ਕੰਪਨੀ ਰੋਇਲ ਡੇ ਹਿਊਜ ਨੇ ਪਸ਼ੂਆਂ ਦੀ ਖੁਰਾਕ ਤਿਆਰ ਕਰਨ ਲਈ ਆਪਣਾ ਯੂਨਿਟ ਪਹਿਲਾਂ ਹੀ ਰਾਜਪੁਰਾ ਵਿੱਚ ਸਥਾਪਤ ਕੀਤਾ ਹੋਇਆ ਹੈ ।
ਉਨ੍ਹਾਂ ਨੇ ਮੁਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੂੰ ਇਸ ਪਲਾਂਟ ਦੀ ਉਤਪਾਦਨ ਸਮਰਥਾ ਵਧਾਉਣ ਅਤੇ ਰਾਜ ਦੇ ਦੂਜੇ ਹਿਸੀਆਂ ਵਿਚ ਇਸ ਦਾ ਵਿਸਥਾਰ ਕਰਨ ਲਈ ਰਿਆਇਤਾਂ ਦੇਣ ਦੀ ਅਪੀਲ ਕੀਤੀ । ਇਸ ਦੌਰਾਨ ਵਿੱਤ ਮੰਤਰੀ ਮਨਪ੍ਰੀਤ ਸਿੰਘ ਬਾਦਲ ਨੇ ਸਲਾਹ ਮਸ਼ਵਰੇ ਵਿਚ ਹਿੱਸਾ ਲੈਂਦੇ ਹੋਏ ਕਿਹਾ ਕਿ ਖੇਤੀਬਾੜੀ ਵਿਭਾਗ ਨੇ ਡੱਚ ਸਰਕਾਰ ਦੇ ਸਹਿਯੋਗ ਨਾਲ ਜਲੰਧਰ ਵਿਚ ਸਬਜੀਆਂ ਦਾ ਉਚ ਦਰਜੇ ਦਾ ਕੇਂਦਰ ਸਥਾਪਤ ਕੀਤਾ ਹੈ ਜਦੋਂ ਕਿ ਦੁਰਾਹਾ ( ਲੁਧਿਆਨਾ ) ਵਿਚ ਫੁੱਲਾਂ ਦੀ ਖੇਤੀ ਸਬੰਧੀ ਅਜਿਹਾ ਹੀ ਕੇਂਦਰ ਸਥਾਪਤ ਕੀਤਾ ਜਾ ਰਿਹਾ ਹੈ ।