ਬਰੌਰ,  ( ਭਾਸ਼ਾ) : ਖੇਤੀ ਜਾਣਕਾਰੀ ਸਿਸਟਮ ਲਾਗੂ ਕਰਨ ਅਤੇ ਕਿਸਾਨਾਂ ਦੀ ਜਾਗਰੂਕਤਾ ਮੁਹਿੰਮ ਅਧੀਨ ਵਿਕਾਸਖੰਡ ਦਫਤਰ ਮਲਾਸਾ ਕੈਂਪਸ ਵਿਖੇ ਰਬੀ ਬੈਠਕ ਦਾ ਆਯੋਜਨ ਕੀਤਾ ਗਿਆ। ਜਿਸ ਵਿਚ ਖੇਤੀ ਵਿਗਿਆਨੀਆਂ ਨੇ ਕਿਸਾਨਾਂ ਨੂੰ ਕਿਸਾਨੀ ਦੇ ਨੁਸਖੇ ਦੱਸੇ। ਸਬਮਿਸ਼ਨ ਆਨ ਐਗਰੀਕਲਚਰ ਐਕਸ ਵੇਸਨ ਯੋਜਨਾ ਅਧੀਨ ਬੈਠਕ ਵਿਚ ਮਾਹਿਰਾਂ ਨੇ ਮਹੱਤਵਪੂਰਨ ਜਾਣਕਾਰੀ ਸਾਂਝਾ ਕੀਤੀ। ਖੰਡ ਵਿਕਾਸ ਅਧਿਕਾਰੀ ਮੰਗਲ ਸਿੰਘ ਨਿਰੰਜਨ ਨੇ ਸਮਾਗਮ ਦਾ ਰਸਮੀ ਉਦਘਾਟਨ ਕੀਤਾ।

ਵਿਗਿਆਨੀ ਅਭਿਮਨਯੂ ਯਾਦਵ ਨੇ ਕੀੜੇ ਅਤੇ ਜੰਗਲੀ ਬੂਟੀ ਪ੍ਰਬੰਧਨ ਦੀ ਜਾਣਕਾਰੀ ਦਿਤੀ। ਉਨ੍ਹਾਂ ਦੱਸਿਆ ਕਿ ਸ਼ੁਰੂ ਤੋਂ ਹੀ ਪੌਦਿਆਂ ਨੂੰ ਕੋਈ ਬੀਮਾਰੀ ਨਾ ਲੱਗੇ ਇਸ ਲਈ ਪੰਜ ਗ੍ਰਾਮ ਟ੍ਰਾਈਕੋਡਰਮਾ ਪਾਊਡਰ, ਕਾਰਬੈਂਡੇਜ਼ਿਮ ਥੀਓਫਿਨੈਟ ਮਿਥਾਈਲ ਦੀਆਂ 2 ਜਾਂ 2.5 ਗ੍ਰਾਮ ਪ੍ਰਤੀ ਕਿਲੋਗ੍ਰਾਮ ਮਿਲਾ ਕੇ ਬੀਜ ਨੂੰ ਸੋਧ ਲਵੋ। ਸਰੋਂ ਅਤੇ ਆਲੂ ਜਿਹੀਆਂ ਫਸਲਾਂ ਵਿਚ ਅਲਸਾ ਰੋਗ ਦੀ ਰੋਕਥਾਮ ਲਈ ਇਕ ਲੀਟਰ ਪਾਣੀ 2.5 ਮੈਂਕੋਜੇਬ ਘੋਲ ਬਣਾ ਕੇ ਛਿੜਕਾਅ ਕਰਨਾ ਚਾਹੀਦਾ ਹੈ।

ਚੰਦਰਸ਼ੇਖਰ ਅਜ਼ਾਦ ਖੇਤੀਬਾੜੀ ਅਤੇ ਤਕਨੀਕੀ ਯੂਨੀਵਰਸਿਟੀ ਦੇ ਖੇਤੀ ਵਿਗਿਆਨੀ ਡਾ.ਜੇ.ਆਰ.ਯਾਦਵ ਨੇ ਸਬਜ਼ੀਆਂ ਅਤੇ ਉਦਯੋਗਿਕ ਫਸਲਾਂ ਦੀ ਜਾਣਕਾਰੀ ਦਿਤੀ। ਉਨ੍ਹਾਂ ਦੱਸਿਆ ਕਿ ਮਟਰ ਦੀ ਅਗੇਤੀ ਫਸਲ ਪੈਦਾ ਕਰ ਕੇ ਚੰਗੀਆਂ ਕੀਮਤਾਂ ਤੇ ਵੇਚਿਆ ਜਾ ਸਕਦਾ ਹੈ। ਉਥੇ ਹੀ ਕਣਕ ਦੀ ਕਿਸਮ ਮਾਹੀ ਸ਼ਤਾਬਦੀ ਐਚਡੀ 2967 ਦਾ ਬੀਜ ਬੀਜਣ ਨਾਲ ਕਿਸਾਨ ਚੰਗਾ ਲਾਭ ਲੈ ਸਕਦੇ ਹਨ। ਚਣੇ ਦੀ ਉਦੈ ਕਿਸਮ ਬੀਜ ਕੇ ਲਾਭ ਕਮਾ ਸਕਦੇ ਹਨ। ਵੈਟਨਰੀ ਸੈਂਟਰ ਬਰੌਰ ਦੇ ਡਾਕਟਰ ਰਾਜੇਸ਼ ਕਟਿਆਰ ਨੇ ਪਸ਼ੂਪਾਲਣ, ਪਸ਼ੂਧਨ ਵਿਕਾਸ ਅਤੇ ਬੀਮਾ ਯੋਜਨਾ ਦੀ ਜਾਣਕਾਰੀ ਦਿਤੀ।