Restaurant fined for serving peanut dish to teen

ਲੰਡਨ: ਬ੍ਰਿਟੇਨ ਦੇ ਇਕ ਭਾਰਤੀ ਰੈਸਟੋਰੈਂਟ ‘ਤੇ ਇਕ ਲੜਕੀ ਨੂੰ ਮੂੰਗਫਲੀ ਪਰੋਸਣ ਲਈ 3,767 (ਲਗਭਗ 3.5 ਲੱਖ ਰੁਪਏ) ਦਾ ਜੁਰਮਾਨਾ ਲਗਾਇਆ ਗਿਆ ਹੈ। ਦਰਅਸਲ ਭਾਰਤੀ ਰੈਸਟੋਰੈਂਟ ਨੇ ਜਿਸ ਲੜਕੀ ਨੂੰ ਮੂੰਗਫਲੀ ਖਾਣ ਲਈ ਦਿੱਤੀ ਸੀ ਉਸ ਨੂੰ ਡ੍ਰਾਈਫਰੂਟਸ ਤੋਂ ਐਲਰਜੀ ਸੀ। ਇਕ ਰਿਪੋਰਟ ਅਨੁਸਾਰ, ਨਿਊਕੈਸਲ ਦੇ ਕੋਲ ਟਾਇਨਮਾਊਥ ਵਿਚ ਸਥਿਤ ਰੈਸਟੋਰੈਂਟ ‘ਗੁਲਸ਼ਨ’ ਦੇ ਕਰਚਮਰੀਆਂ ਨੇ 16 ਸਾਲ ਦੀ ਲੜਕੀ ਨੂੰ ਖਾਣਾ ਪਰੋਸਿਆ ਸੀ।

ਇਸ ਦੌਰਾਨ ਰੈਸਟੋਰੈਂਟ ਨੇ ਲੜਕੀ ਅਤੇ ਉਸ ਦੇ ਪਰਿਵਾਰ ਨੂੰ ਯਕੀਨ ਦਿਵਾਇਆ ਕਿ ਇਹ ਖਾਣਾ ਬਿਲਕੁਲ ਸੁਰੱਖਿਅਤ ਹੈ। ਕੁਝ ਖਾਣ ਤੋਂ ਬਾਅਦ ਐਲਰਜੀ ਕਾਰਨ ਲੜਕੀ ਦੀ ਜੀਭ ‘ਤੇ ਸੋਜ ਆਉਣ ਲੱਗੀ। ਲੜਕੀ ਨੂੰ ਨਾਰਥ ਟਾਇਨਸਾਈਡ ਜਨਰਲ ਹਸਪਤਾਲ ਅਤੇ ਫਿਰ ਕ੍ਰੈਮਲਿੰਗਟਨ ਵਿਚ ਨਾਰਥਮਿਬ੍ਰਿਆ ਐਮਰਜੈਂਸੀ ਕੇਅਰ ਹਸਪਤਾਲ ਲਿਜਾਇਆ ਹੈ।

ਸਥਾਨਕ ਫੂਡ ਅਥਾਰਟੀ ਦੀ ਸਿਕਿਓਰਿਟੀ ਟੀਮ ਦੇ ਅਧਿਕਾਰੀਆਂ ਨੇ ਚਿਕਨ ਕਰੀ ਦੀ ਜਾਂਚ ਕੀਤੀ। ਇਸ ਵਿਚ ਮੂੰਗਫਲੀ ਪ੍ਰੋਟੀਨ ਪਾਇਆ ਗਿਆ, ਜੋ ਡ੍ਰਾਈਫਰੂਟ ਐਲਰਜੀ ਨਾਲ ਪੀੜਤ ਕਿਸੇ ਵੀ ਵਿਅਕਤੀ ਲਈ ਮੁਸੀਬਤ ਖੜ੍ਹੀ ਕਰ ਸਕਦਾ ਹੈ। ਰੈਸਟੋਰੈਂਟ ਦੀ ਜਾਂਚ ਤੋਂ ਬਾਅਦ ਕਈ ਲਾਪਰਵਾਹੀਆਂ ਸਾਹਮਣੇ ਆਈਆਂ, ਜਿਸ ਤੋਂ ਬਾਅਦ ਇੱਥੋਂ ਦੇ ਮਾਲਕਾਂ ‘ਤੇ 3.5 ਲੱਖ ਰੁਪਏ ਦਾ ਜੁਰਮਾਨਾ ਲਗਾਇਆ ਗਿਆ।

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook ਤੇ ਲਾਈਕ Twitter  ਤੇ follow ਕਰੋ।