Mint Lemonade

ਖਾਣੇ ਦੀ ਕਿਸੇ ਵੀ ਸਮੱਗਰੀ ਵਿਚ ਪੁਦੀਨੇ ਨੂੰ ਪਾਉਣ ਨਾਲ ਭੋਜਨ ਦਾ ਸਵਾਦ ਬਦਲ ਜਾਂਦਾ ਹੈ। ਪੁਦੀਨੇ ਵਿਚ ਖ਼ਾਸ ਗੱਲ ਇਹ ਹੈ ਕਿ ਇਸ ਨੂੰ ਅਸਾਨੀ ਨਾਲ ਕਿਤੇ ਵੀ ਉਗਾਇਆ ਜਾ ਸਕਦਾ ਹੈ। ਭਾਰਤ ਵਿਚ ਪੁਦੀਨੇ ਦੀ ਚਟਨੀ ਬਹੁਤ ਪਸੰਦ ਕੀਤੀ ਜਾਂਦੀ ਹੈ। ਇਸ ਦੇ ਸੇਵਨ ਨਾਲ ਠੰਡਕ ਵੀ ਮਹਿਸੂਸ ਹੁੰਦੀ ਹੈ। ਇਸ ਤੋਂ ਇਲਾਵਾ ਪੁਦੀਨੇ ਦੇ ਕਈ ਲਾਭ ਹਨ, ਜਿਸ ਕਾਰਨ ਲੋਕ ਇਸ ਨੂੰ ਪਸੰਦ ਕਰਦੇ ਹਨ। ਇਸ ਨਾਲ ਪਾਚਨ ਸ਼ਕਤੀ ਵਿਚ ਵਾਧਾ ਹੁੰਦਾ ਹੈ। ਇਹਨਾਂ ਚੀਜਾਂ ਤੋਂ ਇਲਾਵਾ ਅਜਿਹੇ ਬਹੁਤ ਤਰੀਕੇ ਹਨ, ਜਿਨ੍ਹਾਂ ਦੀ ਵਰਤੋਂ ਕਰ ਕੇ ਤੁਸੀਂ ਖਾਣੇ ਵਿਚ ਪੁਦੀਨੇ ਨੂੰ ਸ਼ਾਮਿਲ ਕਰ ਕੇ ਅਨੰਦ ਲੈ ਸਕਦੇ ਹੋ।

ਮਿੰਟ ਕੀਵੀ ਲੇਮਨੇਡ
ਗਰਮੀ ਦੇ ਮੌਸਮ ਵਿਚ ਹਮੇਸ਼ਾਂ ਕੁਝ ਠੰਢਾ ਪੀਣ ਨੂੰ ਮਨ ਕਰਦਾ ਹੈ ਤਾਂ ਅਜਿਹੇ ਵਿਚ ਮਿੰਟ ਕੀਵੀ ਲੇਮਨੇਡ ਇਕ ਬੇਹਤਰੀਨ ਡ੍ਰਿੰਕ ਸਾਬਿਤ ਹੋ ਸਕਦਾ ਹੈ। ਇਹ ਇਕ ਬਹੁਤ ਹੀ ਰਿਫਰੇਸ਼ਿੰਗ ਡ੍ਰਿੰਕ ਹੈ। ਇਸ ਵਿਚ ਨਿੰਬੂ ਅਤੇ ਕੀਵੀ ਨੂੰ ਮਿਲਾ ਕੇ ਪੀਤਾ ਜਾ ਸਕਦਾ ਹੈ।

ਪੁਦੀਨੇ ਅਤੇ ਨਿੰਬੂ ਦੀ ਠੰਡੀ ਚਾਹ
ਪੁਦੀਨੇ ਅਤੇ ਨਿੰਬੂ ਦੇ ਰਸ ਨਾਲ ਮਿਲਾ ਕੇ ਬਣਾਈ ਗਈ ਇਹ ਚਾਹ ਕਾਫੀ ਮਜ਼ੇਦਾਰ ਹੈ। ਗਰਮੀ ਵਿਚ ਜੇਕਰ ਤੁਹਾਡਾ ਚਾਹ ਪੀਣ ਦਾ ਮਨ ਕਰੇ ਤਾਂ ਇਸ ਠੰਡੀ ਚਾਹ ਦੀ ਵਰਤੋਂ ਕੀਤੀ ਜਾ ਸਕਦੀ ਹੈ।

ਪੁਦੀਨੇ ਦੀ ਲੱਸੀ
ਗਰਮੀਆਂ ਵਿਚ ਆਮ ਤੌਰ ‘ਤੇ ਸਾਰੇ ਲੱਸੀ ਪੀਣਾ ਪਸੰਦ ਕਰਦੇ ਹਨ। ਪਰ ਦਹੀਂ ਅਤੇ ਪੁਦੀਨੇ ਦੀ ਵਰਤੋਂ ਕਰਕੇ ਘਰ ਵਿਚ ਹੀ ਮਜ਼ੇਦਾਰ ਲੱਸੀ ਬਣਾਈ ਜਾ ਸਕਦੀ ਹੈ।

ਨਿੰਬੂ-ਪੁਦੀਨੇ ਦਾ ਪਾਣੀ
ਗਰਮੀਆਂ ਵਿਚ ਨਿੰਬੂ ਪਾਣੀ ਸਾਰਿਆਂ ਵੱਲੋਂ ਪੀਤਾ ਜਾਂਦਾ ਹੈ। ਕਈ ਲੋਕ ਸਾਦਾ ਨਿੰਬੂ ਪਾਣੀ ਪੀਂਦੇ ਹਨ ਤਾਂ ਕਈ ਉਸ ਨਾਲ ਬਣੀ ਸ਼ਿਕੰਜਵੀ ਪਸੰਦ ਕਰਦੇ ਹਨ। ਪਰ ਨਿੰਬੂ ਅਤੇ ਪੁਦੀਨੇ ਦੀ ਵਰਤੋਂ ਨਾਲ ਇਕ ਰਿਫਰੈਂਸ਼ਿੰਗ ਡ੍ਰਿੰਕ ਤਿਆਰ ਕੀਤੀ ਜਾ ਸਕਦੀ ਹੈ।

ਮਿੰਟ ਸਪਾਰਕਲ
ਚਾਹ ਵਿਚ ਪੁਦੀਨੇ ਦੇ ਨਾਲ ਖੀਰੇ ਅਤੇ ਨਿੰਬੂ ਦਾ ਸਵਾਦ ਵੀ ਤਾਜ਼ਗੀ ਭਰਿਆ ਅਹਿਸਾਸ ਦਿੰਦਾ ਹੈ। ਗਰਮੀਆਂ ਵਿਚ ਇਹ ਬਹੁਤ ਫਾਇਦੇਮੰਦ ਹੁੰਦਾ ਹੈ।