Golgappa water

ਗੋਲਗੱਪੇ ਖਾਣਾ ਬੱਚਿਆਂ ਤੋਂ ਲੈ ਕੇ ਬੁਢਿਆਂ ਤਕ ਸਾਰਿਆਂ ਨੂੰ ਹੀ ਬਹੁਤ ਪਸੰਦ ਆਉਂਦੇ ਹਨ। ਇਸ ਨੂੰ ਵੇਖਦੇ ਸਾਰ ਹੀ ਮੁੰਹ ਵਿਚ ਪਾਣੀ ਆਉਣ ਲੱਗਦਾ ਹੈ। ਕੀ ਤੁਸੀਂ ਜਾਣਦੇ ਹੋ ਗੋਲਗੱਪੇ ਦਾ ਪਾਣੀ ਪੀਣ ਵਿਚ ਸਵਾਦਿਸ਼ਟ ਹੋਣ ਦੇ ਨਾਲ ਨਾਲ ਸਿਹਤ ਲਈ ਕਾਫ਼ੀ ਫਾਇਦੇਮੰਦ ਹੈ।

ਇਸ ਪਾਣੀ ਨੂੰ ਪੀਣ ਨਾਲ ਪੇਟ ਦੇ ਕਈ ਰੋਗਾਂ ਤੋਂ ਰਾਹਤ ਮਿਲਦੀ ਹੈ ਕਿਉਂਕਿ ਇਸ ਨੂੰ ਬਣਾਉਣ ਲਈ ਪੁਦੀਨੇ ਦੇ ਪੱਤੇ, ਹਰਾ ਧਨੀਆ, ਹਰੀ ਮਿਰਚ, ਜ਼ੀਰਾ, ਹਿੰਗ,  ਕਾਲ਼ਾ ਲੂਣ, ਸੋਂਠ ਅਤੇ ਨੀਂਬੂ ਆਦਿ ਚੀਜ਼ਾਂ ਦਾ ਇਸਤੇਮਾਲ ਕੀਤਾ ਜਾਂਦਾ ਹੈ ਜੋ ਕਿ ਸਾਰੇ ਔਸ਼ਧੀ ਗੁਣਾਂ ਨਾਲ ਭਰਪੂਰ ਹਨ। ਆਓ ਜੀ ਜਾਣਦੇ ਹਾਂ ਗੋਲਗੱਪੇ ਦਾ ਪਾਣੀ ਪੀਣ ਨਾਲ ਢਿੱਡ ਦੇ ਕਿਨ੍ਹਾ ਰੋਗਾਂ ਤੋਂ ਰਾਹਤ ਮਿਲਦੀ ਹੈ।

ਹਾਜ਼ਮਾ ਰੱਖੇ ਠੀਕ - ਕਈ ਵਾਰ ਜ਼ਿਆਦਾ ਭਾਰੀ ਖਾਣਾ ਖਾਣ ਨਾਲ ਢਿੱਡ ਭਾਰੀ - ਭਾਰੀ ਰਹਿੰਦਾ ਹੈ ਅਤੇ ਇਸ ਨੂੰ ਹਜ਼ਮ ਕਰਨਾ ਮੁਸ਼ਕਲ ਹੁੰਦਾ ਹੈ। ਅਜਿਹੇ ਵਿਚ ਗੋਲਗੱਪੇ ਦਾ ਪਾਣੀ ਪੀਓ। ਇਸ ਨੂੰ ਪੀਣ ਨਾਲ ਪਾਚਣ ਕਿਰਿਆ ਠੀਕ ਹੁੰਦੀ ਹੈ ਅਤੇ ਖਾਣਾ ਆਸਾਨੀ ਨਾਲ ਪਚ ਜਾਂਦਾ ਹੈ। ਇਸ ਤੋਂ ਇਲਾਵਾ ਕਬਜ਼ ਦੀ ਸਮੱਸਿਆ ਤੋਂ ਰਾਹਤ ਮਿਲਦੀ ਹੈ।

ਢਿੱਡ ਦੀ ਗੈਸ ਤੋਂ ਮਿਲੇ ਰਾਹਤ - ਕੁੱਝ ਲੋਕ ਗਲਤ ਖਾਣ - ਪੀਣ ਦੇ ਕਾਰਨ ਢਿੱਡ ਗੈਸ ਦੀ ਸਮੱਸਿਆ ਤੋਂ ਪ੍ਰੇਸ਼ਾਨ ਹੋ ਜਾਂਦੇ ਹਨ ਅਤੇ ਗੈਸ ਦੇ ਕਾਰਨ ਢਿੱਡ ਵੀ ਫੁੱਲਿਆ ਰਹਿੰਦਾ ਹੈ। ਇਸ ਤੋਂ ਛੁਟਕਾਰਾ ਪਾਉਣ ਲਈ ਗੋਲਗੱਪੇ ਦਾ ਪਾਣੀ ਕਾਫ਼ੀ ਫਾਇਦੇਮੰਦ ਹੈ। ਖੱਟੇ ਡਕਾਰਾਂ ਤੋਂ ਮਿਲੇ ਛੁਟਕਾਰਾ -  ਕਈ ਵਾਰ ਤਲਿਆ - ਭੁੰਨਿਆ ਜਾਂ ਫਿਰ ਸਵਾਦ - ਸਵਾਦ ਵਿਚ ਜ਼ਿਆਦਾ ਭੋਜਨ ਖਾ ਲੈਣ ਨਾਲ ਖੱਟੇ ਡਕਾਰ ਆਉਣ ਲੱਗਦੇ ਹਨ। ਜਿਸ ਦੇ ਕਾਰਨ ਬਦਹਜ਼ਮੀ ਹੋ ਜਾਂਦੀ ਹੈ। ਖੱਟੇ ਡਕਾਰ ਤੋਂ ਛੁਟਕਾਰਾ ਪਾਉਣ ਲਈ ਪੁਦੀਨੇ ਵਾਲਾ ਗੋਲਗੱਪੇ ਦਾ ਪਾਣੀ ਪੀਓ।  

ਢਿੱਡ ਦਰਦ -  ਜ਼ਿਆਦਾ ਜਾਂ ਅਨਹੈਲਦੀ ਖਾਣਾ ਖਾਣ ਨਾਲ ਢਿੱਡ ਦਰਦ ਦੀ ਸਮੱਸਿਆ ਹੋਣ ਲੱਗਦੀ ਹੈ। ਇਸ ਤਰ੍ਹਾਂ ਦੀ ਮੁਸ਼ਕਲ ਹੋਣ 'ਤੇ ਗੋਲਗੱਪੇ ਵਾਲਾ ਪਾਣੀ ਪੀਓ। ਇਸ ਨਾਲ  ਤੁਹਾਨੂੰ ਕਾਫ਼ੀ ਹੱਦ ਤੱਕ ਫਾਇਦਾ ਮਿਲੇਗਾ। ਭਾਰ ਘਟਾਉਣ ਵਿਚ ਕਰੇ ਮਦਦ - ਅਜੋਕੇ ਸਮੇਂ ਵਿਚ ਬਹੁਤ ਸਾਰੇ ਲੋਕ ਮੋਟਾਪੇ ਦੇ ਕਾਰਨ ਪ੍ਰੇਸ਼ਾਨ ਰਹਿੰਦੇ ਹਨ। ਉਹ ਭਾਰ ਘਟਾਉਣ ਲਈ ਡਾਇਟਿੰਗ, ਕਸਰਤ ਕੀ ਕੁੱਝ ਕਰਦੇ ਹਨ। ਅਜਿਹੇ ਵਿਚ ਮੋਟਾਪਾ ਘਟਾਉਣ ਲਈ ਰੋਜ਼ਾਨਾ ਭੋਜਨ ਕਰਨ ਤੋਂ 10 - 15 ਮਿੰਟ ਪਹਿਲਾਂ ਗੋਲਗੱਪੇ ਦਾ ਪਾਣੀ ਪੀਓ।