Whastapp

ਨਵੀਂ ਦਿੱਲੀ : ਦੁਨੀਆਂ ਵਿਚ ਸੱਭ ਤੋਂ ਜ਼ਿਆਦਾ ਯੂਜ ਕੀਤੇ ਜਾਣ ਇੰਸਟੈਂਟ ਮੈਸੇਜਿੰਗ ਐਪ ਵਟਸਐਪ ਵਿਚ ਇਸ ਸਾਲ ਕਈ ਨਵੇਂ ਫੀਚਰ ਆਉਣ ਵਾਲੇ ਹਨ। ਇਨ੍ਹਾਂ ਵਿਚੋਂ ਮੁੱਖ ਰੂਪ ਨਾਲ ਡਿਜ਼ਾਈਨ ਅਤੇ ਚੈਟ ਆਧਾਰਿਤ ਫੀਚਰ ਹਨ ਜਿਨ੍ਹਾਂ ਨਾਲ ਤੁਹਾਡਾ ਯੂਜ਼ਰ ਐਕਸਪੀਰੀਅੰਸ ਬਦਲੇਗਾ। ਪਿਛਲੇ ਸਾਲ ਵੀ ਕੰਪਨੀ ਨੇ ਕਈ ਫੀਚਰ ਲਿਆਂਦੇ ਹਨ ਜਿਸ ਨਾਲ ਵਟਸਐਪ ਕਾਫ਼ੀ ਬਦਲਿਆ ਹੈ। ਵਟਸਐਪ ਮੀਡੀਆ ਪ੍ਰੀਵਿਊ ਫੀਚਰ ਦੀ ਟੈਸਟਿੰਗ ਕਰ ਰਿਹਾ ਹੈ।

ਇਸ ਦੇ ਤਹਿਤ ਯੂਜ਼ਰ ਨੋਟੀਫਿਕੇਸ਼ਨ ਵਿਚੋਂ ਹੀ ਵੀਡੀਓ, ਆਡੀਓ ਅਤੇ ਇਮੇਜ ਦਾ ਪ੍ਰੀਵਿਊ ਵੇਖ ਸਕਣਗੇ। ਫਾਇਦਾ ਇਹ ਹੋਵੇਗਾ ਕਿ ਹਰ ਵਾਰ ਤੁਹਾਨੂੰ ਮੈਸੇਜ਼ ਦੇ ਕਾਂਟੈਂਟ ਦੇਖਣ ਲਈ ਵਟਸਐਪ ਓਪਨ ਨਹੀਂ ਕਰਨਾ ਹੋਵੇਗਾ ਅਤੇ ਤੁਸੀਂ ਨੋਟੀਫਿਕੇਸ਼ਨ ਤੋਂ ਹੀ ਸਮਝ ਜਾਓਗੇ ਕਾਂਟੈਂਟ ਕੀ ਹੈ। ਇਸ ਫੀਚਰ ਦੀ ਟੈਸਟਿੰਗ ਕੰਪਨੀ ਕਾਫ਼ੀ ਪਹਿਲਾਂ ਤੋਂ ਕਰ ਰਹੀ ਹੈ। ਘੱਟ ਰੌਸ਼ਨੀ ਜਾਂ ਹਨ੍ਹੇਰੇ ਵਿਚ ਵਟਸਐਪ ਯੂਜ ਕਰਨ ਲਈ ਇਹ ਫੀਚਰ ਸ਼ਾਨਦਾਰ ਹੋਵੇਗਾ।

ਪੂਰਾ ਯੂਜ਼ਰ ਇੰਟਰਫੇਸ ਡਾਰਕ ਹੋਵੇਗਾ। ਡਾਰਕ ਮੋਡ ਕਈ ਐਪ ਵਿਚ ਪਹਿਲਾਂ ਤੋਂ ਹੈ। ਇਹਨਾਂ ਵਿਚ ਟਵਿੱਟਰ ਵੀ ਹੈ ਜਿਸ ਨੇ ਡਾਰਕ ਮੋਡ ਦਿਤਾ ਹੈ। ਸਮਾਰਟਫੋਨ ਵਿਚ ਵੀ ਡਾਰਕ ਮੋਡ ਦਾ ਆਪਸ਼ਨ ਹੁੰਦਾ ਹੈ ਜਿਸ ਨੂੰ ਤੁਸੀਂ ਇਨੇਬਲ ਕਰ ਸਕਦੇ ਹੋ। ਕਾਂਟੈਕਟ ਸ਼ੇਅਰ ਕਰਨ ਲਈ ਵਟਸਐਪ QR ਕੋਡ ਦਾ ਆਪਸ਼ਨ ਮਿਲੇਗਾ। ਇਸ ਨਾਲ ਆਸਾਨੀ ਨਾਲ ਕਾਂਟੈਕਟਸ ਐਡ ਕਰ ਸਕਣਗੇ। ਇਸ ਨੂੰ ਵਟਸਐਪ ਕਾਂਟੈਕਟ ਬਿਜਨਸ ਕਾਰਡ 'ਤੇ ਵੀ ਸ਼ੇਅਰ ਕਰਨ ਵਿਚ ਆਸਾਨੀ ਹੋਵੇਗੀ। ਇਸ ਦੀ ਵੀ ਟੈਸਟਿੰਗ ਸ਼ੁਰੂ ਹੈ ਅਤੇ ਛੇਤੀ ਹੀ ਤੁਹਾਡੇ ਵਟਸਐਪ ਵਿਚ ਇਸ ਦਾ ਸਪੋਰਟ ਦਿਤਾ ਜਾਵੇਗਾ।

ਇਸ ਸਾਲ ਵਟਸਐਪ ਵਿਚ ਤੁਹਾਨੂੰ ਕਾਂਟੈਕਟ ਰੈਂਕਿਗ ਫੀਚਰ ਵੀ ਵਿਖੇਗਾ। ਇਸ ਦੇ ਤਹਿਤ ਇਕ ਲਿਸਟ ਤਿਆਰ ਹੋਵੇਗੀ ਜਿਸ ਦੇ ਨਾਲ ਤੁਸੀਂ ਸੱਭ ਤੋਂ ਜ਼ਿਆਦਾ ਇੰਟਰਐਕਟ ਕਰਦੇ ਹੋ। ਹਾਲਾਂਕਿ ਤੁਸੀਂ ਹਲੇ ਵੀ ਸੈਟਿੰਗ ਵਿਚ ਜਾ ਕੇ ਦੇਖ ਸਕਦੇ ਹੋ ਕਿ ਤੁਸੀਂ ਕਿਸ ਨਾਲ ਸੱਭ ਤੋਂ ਜ਼ਿਆਦਾ ਗੱਲ ਕਰਦੇ ਹੋ ਪਰ ਇਸ ਫੀਚਰ ਨਾਲ ਤੁਹਾਡਾ ਕੰਮ ਆਸਾਨ ਹੋ ਜਾਵੇਗਾ। ਇਕ ਤੋਂ ਬਾਅਦ ਇਕ ਵੋਇਸ ਮੈਸਜ਼ ਸੁਣਨ ਲਈ ਇਕ ਨਵਾਂ ਫੀਚਰ ਮਿਲੇਗਾ। ਹੁਣ ਤੱਕ ਇਕ ਵੋਇਸ ਮੈਸਜ਼ ਬਾਅਦ ਤੁਹਾਨੂੰ ਦੂਜਾ ਮੈਨੁਅਲੀ ਪਲੇ ਕਰਨਾ ਹੁੰਦਾ ਹੈ।

ਇਹ ਫੀਚਰ ਵੀ ਟੈਸਟਿੰਗ ਵਿਚ ਹੈ ਅਤੇ ਛੇਤੀ ਹੀ ਇਹ ਸਾਰਿਆਂ ਲਈ ਦਿਤਾ ਜਾ ਸਕਦਾ ਹੈ। ਇਹ ਫੀਚਰ ਖਾਸ ਤੌਰ 'ਤੇ ਗਰੁੱਪ ਕੌਨਵਰਸ਼ਨ ਲਈ ਹੋਵੇਗਾ। ਗਰੁੱਪ ਵਿਚ ਤੁਸੀਂ ਕਿਸੇ ਮੈਸੇਜ਼ ਨੂੰ ਪ੍ਰਾਈਵੇਟ ਰਿਪਲਾਈ ਕਰਕੇ ਸਿੱਧੇ ਸੈਂਡਰ ਨੂੰ ਭੇਜ ਸਕਦੇ ਹੋ। ਫਿੰਗਰਪ੍ਰਿੰਟ ਸਕੈਨਰ ਅਤੇ ਫੇਸ ਲਾਕ ਦੇ ਜਰੀਏ ਵਟਸਐਪ ਲਾਕ ਕਰਨ ਦਾ ਫੀਚਰ ਆਈਫੋਨ ਯੂਜਰ ਲਈ ਜਾਰੀ ਕੀਤਾ ਜਾਵੇਗਾ। ਇਸ ਤੋਂ ਪਹਿਲਾਂ ਤੱਕ ਵਟਸਐਪ ਲਾਕ ਕਰਨ ਦਾ ਕੋਈ ਫੀਚਰ ਨਹੀਂ ਸੀ।