ਟਵਿੱਟਰ ਨੂੰ ਟੱਕਰ ਦੇਣ ਲਈ ਮਾਰਕ ਜ਼ੁਕਰਬਰਗ ਨੇ 'ਥ੍ਰੈਡਸ' ਐਪ ਕੀਤੀ ਲਾਂਚ

  ਨਵੀਂ ਦਿੱਲੀ : ਮੈਟਾ ਦੇ ਸੀਈਓ ਮਾਰਕ ਜ਼ੁਕਰਬਰਗ ਨੇ ਥ੍ਰੈਡਸ ਐਪ ਲਾਂਚ ਕੀਤੀ ਹੈ। ਇਸ ਐਪ ਨੂੰ ਭਾਰਤ ਸਮੇਤ 100 ਤੋਂ ਵੱਧ ਦੇਸ਼ਾਂ ਵਿਚ ਲਾਂਚ ਕੀਤਾ ਗਿਆ ਹੈ। ਲੰਬੇ ਸਮੇਂ ਤੋਂ ਮੈਟਾ ਇਸ ਐਪ 'ਤੇ ਕੰਮ ਕਰ ਰਿਹਾ ਸੀ ਜੋ ਆਖਿਰਕਾਰ ਲਾਂਚ ਹੋ ਗਿਆ ਹੈ। ਤੁਸੀਂ ਐਪ ਨੂੰ ਐਂਡਰਾਇਡ ਅਤੇ ਆਈਓਐਸ ਦੋਵਾਂ 'ਤੇ ਡਾਊਨਲੋਡ ਕਰ ਸਕਦੇ ਹੋ। ਮੈਟਾ ਨੇ ਥ੍ਰੈਡਸ ਨੂੰ ਸਟੈਂਡਅਲੋਨ ਐਪ ਦੇ ਤੌਰ 'ਤੇ ਲਾਂਚ ਕੀਤਾ ਹੈ ਪਰ ਯੂਜ਼ਰਸ ਇੰਸਟਾਗ੍ਰਾਮ ਦੀ ਮਦਦ ਨਾਲ ਇਸ 'ਤੇ ਲੌਗਇਨ ਵੀ ਕਰ ਸਕਦੇ ਹਨ।

 ਇਹ ਵੀ ਪੜ੍ਹੋ: ਕਤਲ ਕੇਸ 'ਚ ਫਸੇ ਪੰਜਾਬੀ ਨੌਜਵਾਨ ਨੂੰ ਸਜ਼ਾ ਪੂਰੀ ਹੋਣ 'ਤੇ ਵੀ ਨਹੀਂ ਭੇਜਿਆ ਜਾ ਰਿਹਾ ਭਾਰਤ

ਮਾਰਕ ਜ਼ੁਕਰਬਰਗ ਦੇ ਅਨੁਸਾਰ, ਮੈਟਾ ਦੇ ਨਵੇਂ ਟਵਿੱਟਰ ਵਿਰੋਧੀ, ਥ੍ਰੈਡਸ, ਨੂੰ ਲਾਂਚ ਕਰਨ ਦੇ ਚਾਰ ਘੰਟੇ ਬਾਅਦ ਪੰਜ ਮਿਲੀਅਨ ਤੋਂ ਵੱਧ ਲੋਕਾਂ ਨੇ ਸਾਈਨ ਅਪ ਕੀਤਾ ਸੀ। ਇਹ ਨਵੀਂ ਐਪ ਟਵਿਟਰ ਨੂੰ ਸਿੱਧੇ ਤੌਰ 'ਤੇ ਚੁਣੌਤੀ ਦੇਵੇਗੀ। ਇਹ ਐਪ ਉਪਭੋਗਤਾਵਾਂ ਨੂੰ ਸੋਸ਼ਲ ਨੈਟਵਰਕਿੰਗ ਅਤੇ ਚਰਚਾਵਾਂ ਲਈ ਇਕ ਵਿਕਲਪਿਕ ਪਲੇਟਫਾਰਮ ਪ੍ਰਦਾਨ ਕਰੇਗਾ। ਯੂਜ਼ਰਸ ਆਪਣੇ ਇੰਸਟਾਗ੍ਰਾਮ ਹੈਂਡਲ ਨਾਲ ਇਸ ਐਪ 'ਤੇ ਲੌਗਇਨ ਕਰ ਸਕਣਗੇ ਅਤੇ ਨਵੀਂ ਐਪ 'ਤੇ ਉਨ੍ਹਾਂ ਯੂਜ਼ਰਸ ਦੇ ਅਕਾਊਂਟਸ ਨੂੰ ਲੱਭ ਸਕਣਗੇ ਜਿਨ੍ਹਾਂ ਨੂੰ ਉਹ ਇੰਸਟਾਗ੍ਰਾਮ 'ਤੇ ਫਾਲੋ ਕਰਦੇ ਹਨ। ਯੂਜ਼ਰਸ ਇੰਸਟਾਗ੍ਰਾਮ ਆਈਡੀ ਦੀ ਮਦਦ ਨਾਲ ਥ੍ਰੈਡਸ ਐਪ 'ਤੇ ਲੌਗਇਨ ਕਰ ਸਕਣਗੇ। ਯਾਨੀ ਤੁਹਾਨੂੰ ਨਵੇਂ ਖਾਤੇ ਦੀ ਲੋੜ ਨਹੀਂ ਪਵੇਗੀ।

ਇਹ ਵੀ ਪੜ੍ਹੋ: ਬਰਨਾਲਾ 'ਚ ਕਰੰਟ ਲੱਗਣ ਕਾਰਨ ਔਰਤ ਦੀ ਮੌਤ  

ਇਹ ਐਪ ਤੁਹਾਨੂੰ ਉਨ੍ਹਾਂ ਲੋਕਾਂ ਨੂੰ ਫਾਲੋ ਕਰਨ ਦਾ ਵਿਕਲਪ ਵੀ ਦੇਵੇਗਾ ਜੋ ਇੰਸਟਾਗ੍ਰਾਮ ਅਤੇ ਥ੍ਰੈਡਸ ਦੋਵਾਂ 'ਤੇ ਹਨ, ਜਿਸਦਾ ਮਤਲਬ ਹੈ ਕਿ ਤੁਸੀਂ ਇਥੇ ਆਪਣੇ ਇੰਸਟਾਗ੍ਰਾਮ ਦੋਸਤਾਂ ਨਾਲ ਆਸਾਨੀ ਨਾਲ ਜੁੜ ਸਕੋਗੇ। ਇਹ Instagram ਅਤੇ Twitter ਦੇ ਤੱਤਾਂ ਨੂੰ ਜੋੜਦਾ ਹੈ। ਐਪ ਬੁੱਧਵਾਰ ਅੱਧੀ ਰਾਤ ਤੋਂ ਬਾਅਦ ਅਮਰੀਕਾ, ਯੂਕੇ, ਆਸਟ੍ਰੇਲੀਆ, ਕੈਨੇਡਾ ਅਤੇ ਜਾਪਾਨ ਸਮੇਤ 100 ਤੋਂ ਵੱਧ ਦੇਸ਼ਾਂ ਵਿੱਚ ਐਪਲ ਅਤੇ ਗੂਗਲ ਦੇ ਐਂਡਰਾਇਡ ਐਪ ਸਟੋਰਾਂ 'ਤੇ ਉਪਲਬਧ ਹੋ ਗਈ। ਜਿਵੇਂ ਹੀ ਐਪ ਉਪਲਬਧ ਹੋਇਆ, ਸ਼ੈੱਫ ਗੋਰਡਨ ਰਾਮਸੇ, ਪੌਪ ਸਟਾਰ ਸ਼ਕੀਰਾ ਅਤੇ ਮਾਰਕ ਹੋਇਲ ਵਰਗੀਆਂ ਕਈ ਵੱਡੀਆਂ ਹਸਤੀਆਂ ਨੇ ਇਸ 'ਤੇ ਆਪਣੇ ਖਾਤੇ ਬਣਾਏ ਹਨ।

ਇਸ ਐਪ 'ਤੇ ਪੋਸਟ ਨੂੰ 'ਪਸੰਦ', 'ਮੁੜ ਪੋਸਟ', 'ਜਵਾਬ' ਅਤੇ 'ਕੋਟ' ਕਰਨ ਦਾ ਵਿਕਲਪ ਹੈ। ਇਹ ਸਾਰੇ ਵਿਕਲਪ ਟਵਿੱਟਰ 'ਤੇ ਵੀ ਉਪਲਬਧ ਹਨ। ਇਸ ਨਵੀਂ ਐਪ 'ਚ 'ਪੋਸਟ' ਲਈ ਅੱਖਰ ਸੀਮਾ 500 ਰੱਖੀ ਗਈ ਹੈ, ਜਦੋਂ ਕਿ ਟਵਿੱਟਰ 'ਤੇ ਇਹ 280 ਹੈ। ਇਸ 'ਚ ਪੰਜ ਮਿੰਟ ਤੱਕ ਦੇ ਲਿੰਕ, ਤਸਵੀਰਾਂ ਅਤੇ ਵੀਡੀਓ ਸ਼ੇਅਰ ਕੀਤੇ ਜਾ ਸਕਦੇ ਹਨ।