Google introduced new fact check tool would impose bans on fake images and videos

ਨਵੀਂ ਦਿੱਲੀ: ਕੋਰੋਨਾ ਸੰਕਟ ਦੇ ਚਲਦੇ ਸੋਸ਼ਲ ਮੀਡੀਆ ਤੇ ਫਰਜ਼ੀ ਵੀਡੀਓ ਅਤੇ ਇਮੇਜ਼ ਨੂੰ ਲੈ ਕੇ ਵੀ ਲੋਕ ਕਾਫੀ ਪਰੇਸ਼ਾਨ ਹਨ। ਹਾਲਾਂਕਿ ਫਰਜ਼ੀ ਇਮੇਜ਼ ਅਤੇ ਵੀਡੀਓਜ਼ ਦੇ ਵਾਇਰਲ ਹੋਣਾ ਕੋਈ ਨਵੀਂ ਗੱਲ ਨਹੀਂ ਹੈ। ਪਹਿਲਾਂ ਵੀ ਅਜਿਹੇ ਮਾਮਲੇ ਸਾਹਮਣੇ ਆਉਂਦੇ ਰਹੇ ਹਨ।

ਹੁਣ ਸਰਚ ਇੰਜਨ ਗੂਗਲ ਨੇ ਇਹਨਾਂ ਫਰਜ਼ੀ ਇਮੇਜ਼ ਅਤੇ ਵੀਡੀਓ ਨੂੰ ਪਹਿਚਾਣ ਕੇ ਉਹਨਾਂ ਤੇ ਰੋਕ ਲਗਾਉਣ ਲਈ ਖਾਸ ਟੂਲ ਪੇਸ਼ ਕੀਤਾ ਹੈ। ਗੂਗਲ ਨੇ ਇਸ ਖਾਸ ਟੂਲ ਵਿਚ ਫੇਕ ਇਮੇਜ਼ ਨੂੰ ਪਹਿਚਾਨਣ ਲਈ ਨਵਾਂ ਫੈਕਟ ਚੈਕ ਮਾਰਕਰ ਜੋੜਿਆ ਹੈ ਜੋ ਕਿ ਯੂਜ਼ਰ ਨੂੰ ਸਰਚ ਕੀਤੀ ਗਈ ਇਮੇਜ਼ ਨਾਲ ਦਿਖੇਗਾ।

ਗੂਗਲ ਦਾ ਇਹ ਟੂਲ ਫਰਜ਼ੀ ਫੋਟੋ ਦੀ ਪਹਿਚਾਣ ਕਰ ਕੇ ਉਸ ਦੀ ਲੇਬਲਿੰਗ ਕਰ ਦੇਵੇਗਾ। ਇਹ ਲੇਬਲ ਇਮੇਜ਼ ਅਤੇ ਵੀਡੀਓ ਦੇ ਵੈਬ ਪੇਜ਼ ਦੇ ਹੇਠ ਦਿਖੇਗਾ। ਇਹੀ ਨਹੀਂ ਫੈਕਟ ਚੈਕ ਵਿਚ ਤਸਵੀਰ ਦੇ ਸੋਰਸ ਨੂੰ ਲੈ ਕੇ ਉਸ ਨਾਲ ਜੁੜੀ ਜਾਣਕਾਰੀ ਮਿਲ ਜਾਵੇਗੀ।

ਗੂਗਲ ਦੇ ਪ੍ਰੋਡੈਕਟ ਮੈਨੇਜਰ ਹੈਰਿਸ ਕੋਹੇਨ ਨੇ ਕਿਹਾ ਕਿ ਦੁਨੀਆਭਰ ਵਿਚ ਜਾਣਕਾਰੀ ਦਾ ਅਹਿਮ ਸੋਰਸ ਫੋਟੋ ਅਤੇ ਵੀਡੀਓ ਨੂੰ ਮੰਨਿਆ ਜਾਂਦਾ ਹੈ। ਅਜਿਹੇ ਵਿਚ ਕਈ ਵਾਰ ਗਲਤ ਵਿਜ਼ੁਅਲ ਅਤੇ ਇਮੇਜ਼ ਕਰ ਕੇ ਲੋਕਾਂ ਨੂੰ ਕਾਫੀ ਨੁਕਸਾਨ ਝੱਲਣਾ ਪੈਂਦਾ ਹੈ। ਗੂਗਲ ਨੇ ਕਿਹਾ ਹੈ ਕਿ ਸਰਚ ਨਤੀਜਿਆਂ ਦੀ ਜਾਂਚ ਹਰ ਦਿਨ 1.1 ਕਰੋੜ ਤੋਂ ਜ਼ਿਆਦਾ ਵਾਰ ਕੀਤੀ ਜਾਂਦੀ ਹੈ।

ਗੂਗਲ 'ਤੇ ਤਸਵੀਰ ਦੀ ਭਾਲ ਕਰਨ ਤੋਂ ਬਾਅਦ ਉਪਭੋਗਤਾ ਮਿਲੀ ਤਸਵੀਰ ਦੇ ਬਿਲਕੁਲ ਹੇਠਾਂ ਤੱਥ ਚੈੱਕ ਲੇਬਲ ਨੂੰ ਵੇਖੇਗਾ। ਇਹ ਲੇਬਲ ਫੋਟੋ ਦੇ ਥੰਬਨੇਲ ਦੇ ਰੂਪ ਵਿੱਚ ਦਿਖਾਈ ਦੇਵੇਗਾ ਯਾਨੀ ਜਦੋਂ ਤੁਸੀਂ ਫੋਟੋ ਨੂੰ ਵੱਡਾ ਕਰੋਗੇ ਤਾਂ ਤੱਥ ਚੈੱਕ ਲੇਬਲ ਵੈੱਬ ਪੇਜ ਦੇ ਹੇਠਾਂ ਸਾਫ ਦਿਖਾਈ ਦੇਵੇਗਾ।

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook  ਤੇ  ਲਾਈਕ Twitter  ਤੇ follow  ਕਰੋ।