Tata Motors ਲਿਆ ਰਹੀ ਹੈ 7 ਸੀਟਾਂ ਵਾਲੀ ਨਵੀਂ SUV ਗ੍ਰੇਵਿਟਾਸ’
ਟਾਟਾ ਮੋਟਰਜ਼ ਨੇ ਅਪਣੀ ਆਉਣ ਵਾਲੀ ਮੁੱਖ ਐਸਯੂਵੀ ਦਾ ਨਾਂਅ ‘ਗ੍ਰੇਵਿਟਾਸ’ ਰੱਖਿਆ ਹੈ।
ਨਵੀਂ ਦਿੱਲੀ: ਟਾਟਾ ਮੋਟਰਜ਼ ਨੇ ਅਪਣੀ ਆਉਣ ਵਾਲੀ ਮੁੱਖ ਐਸਯੂਵੀ ਦਾ ਨਾਂਅ ‘ਗ੍ਰੇਵਿਟਾਸ’ ਰੱਖਿਆ ਹੈ। ਕੰਪਨੀ ਦਾ ਇਹ ਦੂਜਾ ਅਜਿਹਾ ਵਾਹਨ ਹੈ ਜੋ ਓਮੇਗਾ (ਆਪਟਿਮਲ ਮਾਡਿਊਲਰ ਐਫੀਸ਼ੀਐਂਟ ਗਲੋਬਲ ਐਡਵਾਂਸ) ਢਾਂਚੇ ‘ਤੇ ਵਿਕਸਿਤ ਕੀਤਾ ਗਿਆ ਹੈ। ਓਮੇਗਾ ਢਾਂਚੇ ਲਈ ਕੰਪਨੀ ਨੇ ਲੈਂਡ ਰੋਵਰ ਦੇ ਡੀ8 ਪਲੇਟਫਾਰਮ ਨੂੰ ਅਧਾਰ ਬਣਾਇਆ ਹੈ। ਕੰਪਨੀ ਨੇ ਕਿਹਾ ਹੈ ਕਿ ਆਉਣ ਵਾਲੇ ਸਮੇਂ ਵਿਚ ਪ੍ਰਦਰਸ਼ਨ ਦੇ ਮਾਮਲੇ ਵਿਚ ਗ੍ਰੇਵਿਟਾਸ ਇਕ ਅੰਤਰਰਾਸ਼ਟਰੀ ਸਟੈਂਡਰਡ ਤੈਅ ਕਰੇਗੀ।
ਟਾਟਾ ਮੋਟਰਜ਼ ਦੇ ਮੁਖੀ ਮਿਅੰਕ ਪਾਰੀਕ ਨੇ ਕਿਹਾ, ‘ਗ੍ਰੇਵਿਟਾਸੋ ਲਗਜ਼ਰੀ ਅਤੇ ਸ਼ਾਨਦਾਰ ਪ੍ਰਦਰਸ਼ਨ ਦਾ ਸੁਮੇਲ ਹੋਵੇਗੀ। ਕੰਪਨੀ ਅਗਲੇ ਸਾਲ 2020 ਵਿਚ ਇਸ ਨੂੰ ਭਾਰਤੀ ਬਜ਼ਾਰ ਵਿਚ ਲਿਆਉਣ ਲਈ ਕਾਫੀ ਉਤਸੁਕ ਹੈ’। ਉਹਨਾਂ ਕਿਹਾ ਉਹਨਾਂ ਨੂੰ ਉਮੀਦ ਹੈ ਕਿ ਇਹ ਗ੍ਰਾਹਕਾਂ ਵੱਲੋਂ ਪਸੰਦ ਕੀਤੀ ਜਾਵੇਗੀ। ਇਸ ਤੋਂ ਪਹਿਲਾਂ ਕੰਪਨੀ ਅਪਣੀ ਹੈਰੀਅਰ (Harrier), ਐਸਯੂਵੀ (SUV) ਨੂੰ ਡੀ8 ਮੰਚ ‘ਤੇ ਵਿਕਸਿਤ ਕਰ ਚੁੱਕੀ ਹੈ। Gravitas ਦੇ ਇੰਜਣ ਅਤੇ ਫੀਚਰਸ ਹੈਰੀਅਰ ਦੇ ਸਮਾਨ ਹੋ ਸਕਦੇ ਹਨ। ਇਸ ਵਿਚ 2.0 ਲੀਟਰ ਦਾ ਮਲਟੀਜੈਟ ਇੰਜਣ ਲੱਗਿਆ ਹੋ ਸਕਦਾ ਹੈ। ਇਸ ਨੂੰ ਐਸਯੂਵੀ ਆਟੋਮੈਟਿਕ ਗੇਅਰ ਬਾਕਸ ਦਿੱਤਾ ਗਿਆ ਹੈ। ਟਾਟਾ ਗ੍ਰੇਵਿਟਾਸ ਅਗਲੇ ਸਾਲ ਫਰਵਰੀ ਵਿਚ ਲਾਂਚ ਹੋਵੇਗੀ।
ਟਾਟਾ ਗ੍ਰੇਵਿਟਾਸ ਦੀ ਟੱਕਰ ਮਹਿੰਦਰਾ ਐਕਸਯੂਵੀ 500 ਅਤੇ ਜੀਪ ਕੰਪਾਸ ਨਾਲ ਹੋਵੇਗੀ। ਇਸ ਦੀ ਕੀਮਤ ਟਾਟਾ ਹੈਰੀਅਰ ਤੋਂ 1-2 ਲੱਖ ਰੁਪਏ ਜ਼ਿਆਦਾ ਹੋ ਸਕਦੀ ਹੈ। ਦੱਸ ਦਈਏ ਕਿ ਟਾਟਾ ਮੋਟਰਜ਼ ਬਹੁਤ ਘੱਟ ਸਮੇਂ ਵਿਚ ਕਈ ਗੱਡੀਆਂ ਲਾਂਚ ਕਰਨ ਵਾਲੀ ਹੈ। ਟਾਟਾ ਮੋਟਰਜ਼ ਜਨਵਰੀ 2020 ਵਿਚ Tata Altroz ਲਾਂਚ ਕਰੇਗੀ। ਇਹ ਕਾਰ ALFA ਪਲੇਟਫਾਰਮ ‘ਤੇ ਅਧਾਰਤ ਹੈ। ਇਸ ਦੀ ਕੀਮਤ 5.5 ਲੱਖ ਰੁਪਏ ਤੋਂ 8.5 ਲੱਖ ਰੁਪਏ ਵਿਚਕਾਰ ਹੋਵੇਗੀ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।