40 different fruits tree

ਕੀ ਤੁਸੀਂ ਕਦੇ ਫਲਾਂ ਨਾਲ ਭਰਿਆ ਹੋਇਆ ਦਰਖ਼ਤ ਦੇਖਿਆ ਹੈ ? ਤੁਸੀਂ ਕਹੋਗੇ ਹਾਂ ਦੇਖਿਆ ਹੈ ਪਰ ਕੀ ਇਕ ਹੀ ਦਰਖ਼ਤ ਉਤੇ 40 ਕਿਸਮ ਦੇ ਫਲ ਉੱਗਣ ਵਾਲਾ ਦਰਖ਼ਤ ਦੇਖਿਆ ਹੈ। ਤੁਸੀਂ ਕਹੋਗੀ ਕੀ ਬਕਵਾਸ ਹੈ? ਅਜਿਹਾ ਅਸੰੰਭਵ ਹੈ। ਤਾਂ ਚਲੋ ਤੁਹਾਨੂੰ ਦਸਦੇ ਹਾਂ। ਜੇਕਰ ਤੁਹਾਡਾ ਮਨ ਦੁਨੀਆਂ ਦੇ ਨਵੇਂ ਅਜੂਬਿਆਂ ਖਾਸ ਕਰ ਕੇ ਕੁਦਰਤੀ ਅਤੇ ਵਾਇਲਡ ਲਾਈਫ ਨਾਲ ਜੁਡ਼ੀ ਖ਼ਬਰਾਂ ਨੂੰ ਜਾਣਨ ਦਾ ਕਰਦਾ ਹੈ ਤਾਂ ਅੱਜ ਅਸੀਂ ਤੁਹਾਨੂੰ ਦੱਸਣ ਜਾ ਰਹੇ ਹਾਂ ਅਜਿਹੇ ਦਰਖ਼ਤ ਦੇ ਬਾਰੇ, ਜੋ ਕਿਸੇ ਅਜੂਬੇ ਤੋਂ ਘੱਟ ਨਹੀਂ ਹੈ।

ਇਸ ਇਕੱਲੇ ਦਰਖ਼ਤ ਨੂੰ ਦੇਖਣ ਲਈ ਟੂਰਿਸਟ ਦੂਰ - ਦੂਰ ਤੋਂ ਆਉਂਦੇ ਹਨ। ਇਸ ਦਰਖ਼ਤ ਦੀ ਖਾਸਿਅਤ ਇਹ ਹੈ ਕਿ ਇਸ ਉਤੇ ਇਕੱਠੇ 40 ਫਲ ਲਗਦੇ ਹਨ। ਨਿਊਯੋਰਕ  ਦੇ ਵਿਜ਼ੁਅਲ ਆਰਟਿਸਟ ਅਤੇ ਕਲੇ ਦੇ ਪ੍ਰੋਫੈਸਰ ਸੈਮ ਵਾਨ ਅਕੇਨ ਨੇ ਇਸ ਦਰਖ਼ਤ ਦੀ ਖੋਜ ਕੀਤੀ। ਸੈਮ ਦੇ ਇਸ ਕਾਰਨਾਮੇ ਨਾਲ ਦੁਨੀਆਂ ਭਰ ਦੇ ਲੋਕ ਹੈਰਾਨ ਹਨ। ਸੈਮ ਨੇ ਇਸ ਦਰਖ਼ਤ ਦਾ ਨਾਮ ‘ਟ੍ਰੀ ਆਫ਼ 40 ਫਰੂਟਸ’ ਜਾਂ ‘40 ਫਲਾਂ ਦਾ ਦਰਖ਼ਤ’ ਰੱਖਿਆ ਹੈ। ਇਸ ਦਰਖ਼ਤ ਦੇ ਬਾਰੇ ਵਿਚ ਸੈਮ ਦਾ ਕਹਿਣਾ ਹੈ ਕਿ 40 ਉਹ ਗਿਣਤੀ ਹੈ ਜਿਸ ਦਾ ਬਾਇਬਲ ਵਿਚ ਕਈ ਵਾਰ ਜ਼ਿਕਰ ਹੋਇਆ ਹੈ। ਇਹ ਗਿਣਤੀ ਰੱਬ ਦੇ ਉਪਹਾਰ ਨੂੰ ਦਰਸਾਉਦੀਂ ਹੈ।

ਇਹੀ ਕਾਰਨ ਹੈ ਕਿ ਉਨ੍ਹਾਂ ਨੇ ਅਪਣੇ ਇਸ ਜਾਦੁਈ ਦਰਖ਼ਤ ਦਾ ਇਹ ਨਾਮ ਰੱਖਿਆ। ਇਸ ਜਾਦੁਈ ਦਰਖ਼ਤ ਉਤੇ ਇਕੱਠੇ ਕਈ ਰੰਗ ਦੇ ਫੁਲ ਵੀ ਉਗਦੇ ਹਨ। ‘ਟਰੀ ਆਫ਼ 40 ਫਰੂਟਸ’ ਉਤੇ ਕਈ ਕਿਸਮ  ਦੇ ਗੁਠਲੀਦਾਰ ਫਲ ਲਗਦੇ ਹਨ। ਇਸ ਫਲਾਂ ਵਿਚ ਆੜੂ, ਪਲਮ, ਖੁਬਾਨੀ, ਚੇਲੀ ਅਤੇ ਬਦਾਮ ਆਦਿ ਸ਼ਾਮਿਲ ਹਨ।

ਸੈਮ ਨੇ ਅਪਣੀ ਵੈਬਸਾਈਟ ਉਤੇ ਲਿਖਿਆ ਹੈ ਕਿ ਇਸ ਤਰ੍ਹਾਂ ਦੇ ਦਰਖ਼ਤ ਉਗਾਉਣ ਲਈ ਉਹ ਕਲਮ ਕਰਨ ਦੀ ਇਕ ਅਨੋਖੇ ਢੰਗ ਦਾ ਪ੍ਰਯੋਗ ਕਰਦੇ ਹਨ। ਗ੍ਰਾਫ਼ਟਿੰਗ (ਕਲਮ) ਦੀ ਇਸ ਢੰਗ ਨੂੰ ‘ਸਕਲਪਚਰ ਥਰੂ ਗ੍ਰਾਫ਼ਟਿੰਗ’ ਢੰਗ ਕਿਹਾ ਜਾਂਦਾ ਹੈ।

ਸੱਭ ਤੋਂ ਪਹਿਲਾਂ ਕਿਸੇ ਫਲਦਾਰ ਦਰਖ਼ਤ ਦੀ ਟਾਹਣੀ ਦਾ ਇਕ ਟੁਕੜਾ ਲਿਆ ਗਿਆ ਅਤੇ ਫਿਰ ਕਿਸੇ ਦੂਜੇ ਦਰਖ਼ਤ  ਦੇ ਉਤੇ ਟਾਹਣੀ ਦੇ ਬਰਾਬਰ ਹੀ ਛੇਕ ਕਰ ਕੇ ਉਸ ਵਿਚ ਪਹਿਲਾਂ ਦਰਖ਼ਤ ਦੀ ਟਾਹਣੀ ਨੂੰ ਪੱਟ ਕੇ ਦੁਬਾਰ ਤੋਂ ਲਗਾ ਦਿੰਦੇ ਹਨ ਪਰ ਇਹ ਢੰਗ ਇੰਨੀ ਵੀ ਅਸਾਨ ਨਹੀਂ ਜਿੰਨੀ ਦਿਖਾਈ ਦਿੰਦੀ ਹੈ।

ਇਸ ਵਿਚ ਵੀ ਇਕ ਤਕਨੀਕ ਹੁੰਦੀ ਹੈ। ਇਕ 40 ਫਲਾਂ ਦੇ ਦਰਖ਼ਤ ਨੂੰ ਉਗਾਉਣ ਵਿਚ 8 ਤੋਂ 9 ਸਾਲ ਲੱਗ ਜਾਂਦੇ ਹਨ ਅਤੇ ਇਸ ਵਿਚ ਤਕਰੀਬਨ 40,000 ਡਾਲਰ ਯਾਨੀ 25 ਲੱਖ 63 ਹਜ਼ਾਰ ਤੋਂ ਉਤੇ ਦਾ ਖਰਚ ਆਉਂਦਾ ਹੈ।